Uncategorized
Лансиран првиот дел на европскиот глобален навигационен систем
Во орбитата на Земјата денеска е лансиран првиот елемент на европската сателитска мрежа “Галилео”, идниот глобален навигационен систем.
Во орбитата на Земјата денеска е лансиран првиот елемент на европската сателитска мрежа “Галилео”, идниот глобален навигационен систем.
Руска ракета “Сојуз” од космодромот Бајконур го понесе во орбитата, сателитот “ГИОВЕ А” (Galileo In-Orbit Validation Element), кој во вселената ќе ги тестира новите технологии. Фазата на тестирање ќе ја комплетираат уште два сателити кои ќе бидат лансирани до 2008. година.
Европска унија очекува сателитската мрежа “Галилео”, составена од 30 сателити поставени на висина од преку 23.000 километри, која ќе почне да работи во 2008 година, да му конкурира на американскиот ГПС (Global Positioning System).
Во руската вселенска агенција Роскосмос, велат дека “Галилео”, исто така одговара на рускиот систем ГЛОНАС и оти ќе може да обезбеди оперативно одредување на положбата на објектите на Земјата, со грешка меѓу пет и 10 метри.
Во комерцијална употреба, проектот “Галилео”, кој чини околу 3,4 милијарди евра, ќе влезе до 2010. година.
На програмата и се придружија уште шест држави – Кина, Индија, Израел, Мароко, Саудиска Арабија и Украина, а уште некои имаат намера да го сторат истото.
Конзорциумот кој стои зад програмата “Галилео”, го сочинуваат европската аеронаутичка-вселенска компанија ЕАДС, францускиот “Талес” и “Алкател”, британскиот “Инмарсат”, италијанската “Финмеканика”, шпанската АЕНА и “Хиспасат”, германскиот “Дојче телеком”, како и уште седум членки.
“Галилео” ќе и овозможи на Европа да стекне независност во стратешката област на сателитско позиционирање, што е стана неопходно за управување со воздушниот, поморскиот и се повеќе на друмскиот сообраќај.
“Ако Американците сакаат да го скремблуваат ГПС, тоа можат да го направат кога ќе посакаат и сите ќе бидат погодени од тие одлуки“, изјави портпаролот на Европската вселенска агенција Франко Боначина.
ЕУ и САД лани се договорија “Галилео” да биде компатибилни со ГПС, кој е под контрола на американската војска.
/крај/б/ил/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Минчев – Жариќ-Ковачевиќ: Зајакнување на билатералната соработка меѓу Република Македонија и Република Србија во јавната администрација
Во рамки на зајакнување на регионалната соработка, Министерот за јавна администрација на Република Македонија, Горан Минчев, оствари билатерална средба со Министерката за јавна администрација и локална самоуправа на Република Србија, Јелена Жариќ Ковачевиќ, на која разговараа за областите на соработка насочени кон унапредување на системите на јавна администрација во двете земји.
На средбата беа истакнати одличните релации меѓу држави, при што двајцата министри изразија заедничка посветеност за продлабочување на соработката во областа на владеењето и административните реформи.
Во таа насока, заложбите на двете страни кулминираа со договор за потпишување на Меморандум за соработка во перидот кој следи, а кој ќе ја формализира размената на најдобри практики, заеднички иницијативи и споделена експертиза во јавната администрација.
„Потпишувањето на овој меморандум за соработка ќе означи ново поглавје во партнерството меѓу Република Македонија и Република Србија во областа на јавната администрација, едновремено истакнувајќи ја нашата заедничка цел, а тоа е модернизирање на јавна администрација и унапредување и зајакнување на процесите и капацитетите кои произлегуваат од неа.”- истакна министерот Минчев.
Министерката Жариќ Ковачевиќ ја потврди оваа иницијатива, истакнувајќи ја важноста на регионалните партнерства во поттикнувањето на реформите кои ќе ја подобрат испораката на јавните услуги за граѓаните во двете земји.
Двете министерства ќе се заложат преку редовни консултации и состаноци да работат на конкретни процеси кои ќе придонесат за ефективна имплементација на реформите во јавната администрација, а кои ќе бидат дел од Меморандумот за соработка.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.