Свет
Венецуела слави 200 години од независноста
Венецуелскиот претседателот Хуго Чавез во неделата ја започна програмата за националната прослава по повод 200 години од независноста на Венецуела, додека истовремено некои критичари го обвинуваа дека власта ја претворил во диктатура.
Венецуелскиот претседателот Хуго Чавез во неделата ја започна програмата за националната прослава по повод 200 години од независноста на Венецуела, додека истовремено некои критичари го обвинуваа дека власта ја претворил во диктатура.
Социјалистичкиот лидер, кој се нарекува наследник на Симон Боливар, херојот на јужноамериканската борба за независност, во неделата на народот му честиташе 200 години од борбата.
„Татковина, социјализам или смрт! Ние ќе победиме!“, порача Чавез, кој денеска точно на самиот ден кога пред 200 години Венецуела прогласи независност од Шпанија, ќе биде домаќин на средбата со претседателите од Латинска Америка на самитот во Каракас, меѓу кои ќе биде и Раул Кастро и Ево Моралес, претседателите на Куба и Боливија.
Освен што користи речник на неговиот ментор Фидел Кастро, Чавез им се приклучи и на јужноамериканските лидери во борбата против капитализмот.
„Ние се уште не сме целосно независни, но ќе ја завршиме работата. Патриотот мора да биде како Боливар, револуционерен и социјалист”, истакна тој.
Одбележувањето на 200 годишнината од независноста почна вчера со прослава по улиците.
Илјадници работници и волонтери, облечени во карактеристични црвени маици и капи го чистеа градот за воената парада и други настани предвидени за денешниот ден./крај/хн/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Смрт за Америка и Израел“: Хутите тврдат дека собориле американски борбен дрон
Јеменската милитантна група Хути соопшти дека соборила американско борбено беспилотно летало MQ-9 Reaper и објави видео на кои се прикажани делови од дронот.
Хутите тврдат дека го собориле дронот со проектил земја-воздух, дел од новата серија напади на бунтовниците оваа недела, по релативно затишје во војната меѓу Израел и Хамас во Појасот Газа.
Пентагон, Централната команда на САД и американските воздухопловни сили не ја коментираа изјавата на милитантите, но Си-Би-Ес Њуз цитираше неименуван американски функционер кој потврдил дека дронот се урнал во Јемен.
Видеото објавено од Хутите вклучува ракета која е лансирана кон беспилотно летало, а во позадина се слуша како човек го рецитира слоганот на групата по ударот на авионот: „Господ е најголем, смрт за Америка, смрт за Израел, проклетство на Евреи, победа на исламот“.
На видеото се прикажани и неколку главни делови од дронот, вклучувајќи го и логото на General Atomics, која го произведува авионот, како и серискиот број.
Свет
Апокалипса во Кина: силно торнадо руши се’ пред себе, 5 загинати и многу повредени
Најмалку пет лица загинаа, а 33 се повредени во силно торнадо што денеска го погоди јужниот кинески град Гуангжу, јави кинескиот јавен сервис CGTN.
Сеизмолошкиот институт соопшти дека торнадото било на ниво 3, што е две нивоа под највисокото, а увидот за материјалната штета е во тек, објави државната новинска агенција Ксинхуа.
Метеоролошката станица во селото Лијангтиан во округот Бајин, на околу три километри од местото каде што потекнува торнадото, попладнево забележа максимален удар на ветер од 20,6 метри во секунда.
Претходно во текот на денот, градските власти издадоа предупредувања за можна појава на грмотевици, дожд, град и торнада во многу окрузи.
Ова доаѓа додека провинцијата Гуангдонг се бори со рекордни поплави предизвикани од обилните дождови, кои однесоа најмалку четири животи и раселени десетици илјади луѓе низ неколку градови.
Најмалку 10 лица се водат како исчезнати.
Свет
(Видео) Приведени 100 учесници на пропалестинските демонстрации на Универзитетот во Бостон
Полицијата денеска го растури студентскиот протест против израелската агресија во Појасот Газа на североисточниот универзитет во Бостон, а Универзитетот соопшти дека се уапсени околу 100 студенти.
Од универзитетот додаваат дека секој што имал универзитетска лична карта е ослободен и дека „ќе се соочи со дисциплинска постапка на универзитетот, но не и законска постапка“.
Во соопштението на универзитетот се нагласува дека активностите на демонстрантите се зголемени на ниво кое училиштето „не може да го толерира“, пренесува Бостон Хералд.
Les étudiants de l'Université Northeastern de Boston ont empêché les fourgons de police de quitter les locaux avec les étudiants arrêtés après avoir tenté de démanteler le camp de solidarité de Gaza. pic.twitter.com/bnJQQJ7YZU
— Marysieńka (@MarieMarysienka) April 27, 2024