Uncategorized
„Внатрешен свет“ – изложба на група автори во Берлин
Во галеријата „Штеденфреуд“ во Берлин, Германија, во петок, 3 јули, ќе биде отворена изложбата „Внатрешен свет“, со која започнува проектот составен од три дела: изложба, видео проекции и дискусија и кои што последователно ќе бидат прикажани во текот на месец јули
Во овој проект се вклучени уметниците: Игор Тошевски, Ѓорѓе Јовановиќ, Ивана Драгшиќ, Јане Чаловски, Жанета Вангели и Христина Ивановска од Македонија, потоа Стефка Амон, Инкен Рајнарт, Катја Пудор и Берит Хумел од Германија. Куратор на изложбата е Елена Велјановска. Проектот е рзеултат на нејзиниот шестемесечен професионален ангажман како гостин-куратор во галеријата „Штеденфреунд“. Вториот дел ќе биде претставен во Скопје, кон средината на месец октомври, како дел од програмата на Германските недели, 21 септември – 10 октомври, поддржан од амбасадата на Германија во Македонија.„Внатрешен свет” е континуиран истражувачки проект кој започнува во Берлин и завршува во Скопје. Тој се состои од изложба, проекција и дискусија. Проектот е инспириран од дваесеттата годишнина од паѓањето на Берлинскиот ѕид, еден од најзначајните настани во современата европска историја. Фокусот на проектот е истражување на значењето на границите и нивното влијание врз луѓето кои живеат во нивни рамки. Секое дело користи различни леќи за посматрање, на тој начин диференцирајќи ги преокупациите на уметниците според историскиот контекс во кои тие ги креираат своите дела.Целта на оваа серија на настани е да документира приказни, да покаже различни позиции и аспекти на неизбежните системски промени и да демонстрира како поединечните историски моменти влијаат врз личните промени кај сите нас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Возило паднало во водите на реката Радика, има загинати, во прекин сообраќајот Маврово-Дебар
Патничко моторно возило попладнево паднало во реката Радика, на локација кај Манастирот „Св. Јован Бигорски“.
„Од 18:30 часот, сообраќајот на регионалниот пат Маврово -Дебар е во прекин поради извлекување на патничко моторно возило од сообраќајната незгода со загинати лица од водите на реката Радика во близина на Манастирот св.Јован Бигорски, соопшти АМСМ.
Uncategorized
(Видео) Владата ги намали парите за загаден воздух за 50 отсто во споредба со лани, рече Лукаревска и праша кои конкретни мерки се преземени
Пратеничката на СДСМ, Сања Лукаревска, на денешната седница посветена на пратенички прашања го праша министерот за животна средина и просторно планирање, Мухамед Хоџа, за кратењето на буџетските средства за заштита на животната средина и за тоа како Владата планира да се справи со аерозагадувањето кога од година на година ги намалува средствата за оваа намена.
„Во ребалансот на буџетот за 2025 година – заштитата на животната средина како функција на државата има евидентно намалување на буџетските средства за 13,4 % во износ од 868 милиони денари помалку сведувајќи се од 6,4 милијарди на речиси 5,6 милијарди денари за фискалната година. Најголемата промена е во ставката – намалување на загадувањето, каде што првично планираните 3,2 милијарди денари се сведуваат на 2,6 милијарди денари, што претставува приближно 19 % намален буџет, а во однос на претходната година планирано е тој да се намали за 48,2 %, тоа е речиси 50 %“, рече Лукаревска.
Таа нагласи дека е несвојствено да се кратат средства за области кои се рак рана на општеството и изрази загриженост за тоа како ќе се справиме со загадувањето, кој ќе биде третманот за отпадни води, како ќе ја заштитиме природата, каков квалитет на воздухот ќе имаме, како ќе се зајакне надзорната функција на Државниот инспекторат за труд и како ќе се унапредува животната средина.
„Моето прашање е кои конкретни мерки ги преземате како Влада, односно како ресорно министерство во борбата против аерозагадувањето имајќи го предвид фактот дека од година на година со секој буџет и ребаланс на буџетот ги намалувате средствата за справување со овој огромен проблем ?“, праша Лукаревска.
Лукаревска постави прашање и до министерот за економија и труд, Бесар Дурмиши, за неисполнувањето на обврските од реформската агенда, односно обврските за три реформи, кои се однесуваат на подобрување на деловната клима за малите и средните претпријатија.
Uncategorized
Израелски напад врз училиште во Појасот Газа
Петмина Палестинци загинаа при израелскиот напад врз училиште во квартот Ал Туфа, источно од градот Газа, каде се сместени раселени лица.
Помеѓу загинатите има и деца. При нападот повредени се и повеќе лица кои се хоспитализирани.
Израелската армија соопшти дека неколку осомничени лица се идентификувани надвор од обележаната линија за прекин на огнот и оти отвориле оган врз нив.
Хамас нападот го оцени како „брутално злосторство“ и уште едно кршење на Договорот за прекин на огнот.
Според палестинското Министерство за здравство во Газа, од стапувањето во сила на Договорот за прекин на огнот, убиени се 400 Палестинци.

