Uncategorized
Грузија се закани дека ќе го блокира влезот на Русија во СТО
![](https://makfax.com.mk/wp-content/uploads/2016/11/2a41967d-738c-4b0b-a169-ed6d18d41523.jpeg)
Грузија се закани дека ќе го спречи влезот на Русија во Светската трговска организација (СТО), ако двете држави не успеат да се договорат за царинските прописи и не ги продолжат преговорите околу грузискиот извоз во Русија.
Грузија се закани дека ќе го спречи влезот на Русија во Светската трговска организација (СТО), ако двете држави не успеат да се договорат за царинските прописи и не ги продолжат преговорите околу грузискиот извоз во Русија.
Според официјален Тбилиси, Грузија е „заинтересирана за прием на Русија во СТО“, но “процесот ќе биде суспендиран“, доколку двете држави не постигнат договор.
Грузија бара од Русија да ја прекинe трговијата со нејзините одметнати региони, Абхазија и Јужна Осетија, и целата стока да поминува низ премините што ги контролира централната влада.
Барањето на Тбилиси беше објавено еден ден откако Русија ја обезбеди најважната билатерална спогодба за влез во СТО, односно согласноста на САД, со што ја отстрани последната пречка на својот 13.годишен пат кон зачленување во најголемиот трговски клуб на светот.
Русија, за да стане член на СТО, ќе мора да склучи договори со сите свои трговски партнери од Организацијата.
Грузија, која веќе склучи таков договор со Русија, навестува дека ќе ги преиспита условите за спогодбата поради, како што вели, нелегалната трговија и руската забрана на увоз на грузиско вино и минерална вода.
Москва, на почетокот од годинава, го забрани увозот, тврдејќи дека грузиските производи се лоши. Тбилиси, пак, тврди дека забраната е казна поради прозападната политика на Грузија.
/Крај/бе/ис/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Uncategorized
Гаши на средба со амбасадорот на Австралија: Разговарано за билатералните односи меѓу двете земји
![](https://makfax.com.mk/wp-content/uploads/2024/07/австралија_2.jpg)
Претседателот на Собранието, Африм Гаши, се сретна со Даниел Џозеф Емери, амбасадор на Австралија за Република Северна Македонија (со седиште во Белград, Република Србија).
На средбата се разговараше за билатералните односи меѓу двете земји, а Гаши го запозна амбасадорот и со чекорите на Северна Македонија во насока на остварување на своите стратешки цели за што во континуитет имаме поддршка од нашите пријателски земји, меѓу кои и Австралија.
Гаши нагласи дека Северна Македонија и Австралија, иако се просторно многу далечни, всушност негуваат мошне блиски и пријателски односи и споделуваат слични вредности, особено во поглед на светскиот мир и демократијата.
Беше посочено дека наредната година се заокружуваат 30 години од воспоставувањето на билатералните односи меѓу двете земји. Тоа, како што беше заклучено, претставува дополнителен поттик за понатамошно продлабочување на соработката и во делот на економијата и инвестициите, особено ако се има предвид дека голем број граѓани по потекло од земјава живеат и работат во Австралија.
Соговорниците ја оценија како позитивна и продуктивна комуникацијата на ниво на парламенти и преку пратеничките групи за соработка, а во однос на мултилатералната соработка беше посебно истакнато партнерството во рамките на НАТО и членството во Обединетите нации.
Uncategorized
Таравари: Објавен тендер за компресорите во хируршките сали, кои не работат
![](https://makfax.com.mk/wp-content/uploads/2024/04/taravari-2.jpg)
Во моментот се работи и на изнаоѓање решение за дигитализација во здравството, како и за унапредување на дигиталната инфраструктура.
Uncategorized
Заев и Ципрас му врачија на награда на Нимиц: „Ни порача да го чуваме и целосно да го имплементираме Преспанскиот договор“
![](https://makfax.com.mk/wp-content/uploads/2024/06/417400123_1017893746366028_3755524781773534094_n.jpg)
Експремиерите Зоран Заев и Алексис Ципрас му ја врачија Наградата за мир Преспа на поранешниот медијатор Метју Нимиц, најавувајќи дека традиционално оваа награда ќе се доделува секоја година на денот кога се одбележува Преспанскиот договор.
„Нимиц имаше трпение повеќе од две децении од својот живот да посвети на барање решение за спорот за името. Со неговата поддршка и посветеност изградивме меѓусебна соработка и дојдовме до решение не само за името, туку отворивме порта за соработка за двете земји за подобра иднина на нашите народи, но и за иднината на регионот. Му благодарам на амбасадорот Метју Нимиц кој ни помогна да стигнеме до решение кое денес е модел за решавање многу спорови“, напиша Заев на социјалните мрежи.
Нимиц им порачал да го чуваат и негуваат Преспанскиот договор и целосно да го имплементираат.
Во Атина се одржа Меѓународна конференција за мир и одржлив развој, по повод шестгодишнината од потпишувањето на Преспанскиот договор.