Uncategorized
Полска, Чешка и Словачка во паника поради можен птичји грип
Полска, Чешка и Словачка се во паника поради можна епидемија на птичји грип каде масовно се продава антивирусниот лек ’Тамифлу“ и се вршат подготовки за можно ширење на вирусот.
Полска, Чешка и Словачка се во паника поради можна епидемија на птичји грип каде масовно се продава антивирусниот лек ’Тамифлу“ и се вршат подготовки за можно ширење на вирусот.
Градската полиција во Варшава веќе започна да врши контроли на пазарите за тоа дали се почитува забраната за продажба на живината, ги проверува градските терени каде би можело да има мртви птици и жителите на полската престолнина кои одгледуваат живина.
Евакуација на птиците во затворени простори за да се спречи да дојдат во допир со дивите започна и во варшавската зоолошка градина. Страв од болеста предизвика и пад на продажбата и цената на живинско месо, јавуваат локалните гласила.
Сепак, големите полски извозници на месо од гуска потврдуваат дека извозот на месните производи се одвива нормално, и оти бизнис-партнерите од Германија, Украина и Белорусија и натаму го нарачуваат очекуваното количество на месо.
Околу 40 милиони живина од најразлични видови се одгледува во Чешка. Државната ветеринарна управа издаде нови препораки, што подразбираат забрана за увоз на живи птици, месо или јајца од земјите во кои вирусот се појавил, забрана за влез на фармите на неповикани лица, дезинфекција на влезот во просториите во кои е затворена живината, поставување мрежи на прозорците или отвори за вентилација.
Ветеринарите и орнитолозите во Словачка ги контролираат дивите патки и птиците-преселници на Дунав, кај хидроцентралата Габчиково, бидејќи тука привремено запираат птиците-преселници на патот од Далечниот исток во Африка.
“Прашање на време е кога ќе се појави птичјиот грип на територијата на Словачка. Не е нужно да долетаат баш сите диви патки од Сибир. Доволно е да заразат некоја во делтата на Дунав, што би долетала до Будимпешта, таму да зарази друга, која ќе дојде кај нас“, вели професорот Александер Сабо, од Универзитетот во Трнава./Крај/бе/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Минчев – Жариќ-Ковачевиќ: Зајакнување на билатералната соработка меѓу Република Македонија и Република Србија во јавната администрација
Во рамки на зајакнување на регионалната соработка, Министерот за јавна администрација на Република Македонија, Горан Минчев, оствари билатерална средба со Министерката за јавна администрација и локална самоуправа на Република Србија, Јелена Жариќ Ковачевиќ, на која разговараа за областите на соработка насочени кон унапредување на системите на јавна администрација во двете земји.
На средбата беа истакнати одличните релации меѓу држави, при што двајцата министри изразија заедничка посветеност за продлабочување на соработката во областа на владеењето и административните реформи.
Во таа насока, заложбите на двете страни кулминираа со договор за потпишување на Меморандум за соработка во перидот кој следи, а кој ќе ја формализира размената на најдобри практики, заеднички иницијативи и споделена експертиза во јавната администрација.
„Потпишувањето на овој меморандум за соработка ќе означи ново поглавје во партнерството меѓу Република Македонија и Република Србија во областа на јавната администрација, едновремено истакнувајќи ја нашата заедничка цел, а тоа е модернизирање на јавна администрација и унапредување и зајакнување на процесите и капацитетите кои произлегуваат од неа.”- истакна министерот Минчев.
Министерката Жариќ Ковачевиќ ја потврди оваа иницијатива, истакнувајќи ја важноста на регионалните партнерства во поттикнувањето на реформите кои ќе ја подобрат испораката на јавните услуги за граѓаните во двете земји.
Двете министерства ќе се заложат преку редовни консултации и состаноци да работат на конкретни процеси кои ќе придонесат за ефективна имплементација на реформите во јавната администрација, а кои ќе бидат дел од Меморандумот за соработка.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.