Свет
Србија им стана скривница
Методија Смиленски, Драган Даравелски и Станислава Полетан-Чочоровска се тројцата Македонци што во последниве две години ја користат можноста преку добивање српско државјанство да избегнат екстрадиција во Македонија, а со тоа да ја избегнат и одговорноста за криминалот што го направиле во земјава.
СМИЛЕНСКИ, ДАРАВЕЛСКИ И ЧОЧОРОВСКА СО ИСТАТА СУДБИНА
Методија Смиленски, Драган Даравелски и Станислава Полетан-Чочоровска се тројцата Македонци што во последниве две години ја користат можноста преку добивање српско државјанство да избегнат екстрадиција во Македонија, а со тоа да ја избегнат и одговорноста за криминалот што го направиле во земјава.
Дали проблемот се крие во Србија или во Македонија и кој има интерес од тоа оние што направиле кривични дела во земјава лесно да се скријат во Србија? Експертите тврдат дека секоја држава дава државјанство ако има интерес од тоа, без разлика дали станува збор за финансиски, економски или социјален интерес.
– Секоја држава има интерес кога дава државјанство. Но за конкретните случаи, сметам дека проблемот не е во Србија, туку во Македонија. Не е толку лесно да се добие српско државјанство, колку што е лесно, на пример, да се добие бугарско. Проблемот е што Македонија не ги сака криминалците тука, за тие да не пропеат кои им се ортаците. Во спротивно, Даравелски и Смиленски одамна ќе беа во земјава. Но, се си има своја цена, па така и државјанството – вели Трајан Бендевски, професор по меѓународно приватно право.
Се претпоставува дека по директива и сугестии на исти политички и правосудни експерти во државава, Даравелски и Смиленски го искористија и истиот метод за да избегнат екстрадиција во Македонија. На првиот му успеа, на вториот не. Српското министерство за внатрешни работи го одби барањето на Смиленски за добивање српско државјанство. Ваквата одлука следуваше по бурните реакции на голем број експерти, кои едногласно тврдеа дека Србија ќе стане депонија на криминалците од Македонија.
– Српски државјанин не може да стане лице што е под истрага или против кое се водат судски процеси. Тоа го диктираат сите европски политички трендови. Државата ќе се најде во голема опасност ако му даде државјанство на такво лице – дециден е Момчило Грубаќ, поранешен претседател на Врховниот суд на Србија.
Според српскиот закон за државјанство, последен пат променет во 2001 година, постои можност за добивање српско државјанство доколку лицето е бегалец, доколку во државата престојувало доволно долго или пак доколку е во брак со српски државјанин. Поранешниот директор на Царинската управа Даравелски, кој се сомничи за злоупотреби од повеќе од два милиони евра, не исполнуваше ниту еден од овие услови, а сепак врз основа на српското државјанство ја избегна екстрадицијата во Македонија.
– Ние самите го пуштивме Даравелски. Парите отвораат многу врати, а јасно е дека тој ги потплати властите за да го избегне депортирањето во државава. Не смее истото да ни се случи и со Смиленски. Тој не доби српски пасош, но нејасно е зошто се уште не е екстрадиран во Македонија – прашува Бендевски.
Од српскиот Окружен суд објаснуваат дека решението за екстрадиција на Смиленски се уште не е доставено до Министерството за правда затоа што се чека да помине рокот за жалба, откако нему му беше продолжен притворот за еден месец. По истекот на рокот пред српскиот министер за правда Зоран Стојковиќ ќе се најдат две барања за екстрадиции, на Смиленски и на Чочоровска.
Во 1997 година Смиленски се откажал од македонското државјанство, а го задржал австриското. Даравелски, пак, успеа со двојното државјанство (српско и македонско) да ги избегне судењата во Македонија. Експертите сметаат дека голема е веројатноста Полетан-Чочоровска да добие српско државјанство, затоа што за разлика од Смиленски и Даравелски, таа ги исполнува двата законски услови: постојан престој во државата и брак со српски државјанин. Српското министерство за внатрешни работи има право без никакво образложение да одобри или да одбие издавање српско државјанство. Доколку и биде одобрено државјанството, таа, исто како Даравелски, ќе ја избегне екстрадицијата во земјава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Туск: Нападот со беспилотни летала врз Полска не беше грешка и ние го знаеме тоа
Полскиот премиер Доналд Туск денес изјави дека упадот на руски беспилотни летала во воздушниот простор на неговата земја не бил грешка.
„И ние би сакале нападот со беспилотни летала врз Полска да беше грешка. Но, не беше. И ние го знаеме тоа“, рече Туск во објава на социјалната мрежа Икс.
Коментарот на Туск дојде како одговор на изјавата на претседателот на Соединетите Американски Држави, Доналд Трамп, дека руската инвазија на Полска со беспилотни летала можеби била грешка.
„Можеше да биде грешка, но без оглед на тоа, не сум среќен за ништо што има врска со целата оваа ситуација. Се надевам дека ќе заврши“, изјави Трамп пред новинарите во Белата куќа, пренесува Танјуг.
Полска побара од своите сојузници дополнителни системи за воздушна одбрана и технологија против беспилотни летала за подобро да се заштити од руските упади по инцидентот претходно оваа недела во кој беспилотни летала што преминуваа на нејзина територија од Украина и Белорусија беа соборени од силите на НАТО.
Фото: принтскрин
Свет
(Видео) Студентот што го постави последното прашање на Кирк пред да биде убиен испрати порака до оние што го слават убиството
Студент на Универзитетот Јута Вали, кој му го постави на Чарли Кирк последното прашање пред да биде убиен конзервативниот активист, проговори за пукањето.
Хантер Козак, студент по математика на универзитетот, објави видео на социјалните мрежи реагирајќи на веста, поточно на неговата улога во последните моменти на Кирк. „Не знам како да го направам ова видео. Беа тешки 24 часа. Јас бев последната личност што разговараше со Чарли Кирк“, рече Козак.
Козак го праша Кирк дали знае колку трансродови Американци се одговорни за масовни пукања во изминатата деценија, на што Кирк одговори: „Премногу“.
Студентот одговори дека бројот е само пет, а потоа го праша Кирк дали знае колку масовни пукања имало во Соединетите Држави во изминатата деценија. Кирк возврати со прашање: „Дали го броиме насилството на бандите?“ Неколку секунди подоцна, тој беше застрелан и убиен.
The man who asked Charlie Kirk the tr*nsgender question before he was shot breaks his silence.
“The point I was trying to make is how peaceful the left was (long pause) right before he got shot.” pic.twitter.com/NkF6yqsr6B
— Vigilant Fox 🦊 (@VigilantFox) September 11, 2025
Обраќајќи им се на оние што го славеа пукањето, Козак рече: „Прво на сите, вие болни ебани психопати кои мислите дека ова е одговорот, не е. Не знам што друго да кажам. Ужасно е, децата се без татко. Чарли имаше две деца и жена.“
„Не сакам ова да биде за мене, но имам две деца и жена, и ако моето едногодишно момче, како и неговото едногодишно момче, порасне без сеќавање на својот татко, тоа е трагедија и тешко е да се справите со тоа“, нагласи тој.
„Луѓето очигледно укажаа на иронијата дека пред да биде застрелан, се обидував да ја истакнам поентата колку е мирољубива левицата, а тоа има смисла само ако останеме мирољубиви“, тврди Козак.
„Колку и да не се согласувам со Чарли Кирк, јавно признавам колку не се согласувам со Чарли Кирк, но тој е сепак човечко суштество. Дали го заборавивме тоа?“, праша тој.
фото: принтскрин
Свет
Полскиот шеф на дипломатијата: Путин му се потсмева на Трамп, време е тој да сфати
Полскиот министер за надворешни работи Радослав Сикорски изјави дека „крајно време е претседателот Трамп да сфати дека Путин му се потсмева“. Во интервју за американската јавна телевизија PBS, Сикорски рече дека наместо примирје и сериозни мировни преговори, кои се очекуваа пред самитот на Алјаска, Русија испрати уште повеќе беспилотни летала – првин во Украина, а сега и во НАТО.
Неговата изјава доаѓа откога американскиот претседател Доналд Трамп инцидентот со руските беспилотни летала што влегоа длабоко во полскиот воздушен простор завчера го нарече грешка.
Трамп: Тоа можеше да биде грешка
„Немам ништо добро да кажам за целата ситуација, се надевам дека ќе заврши, но можеше да биде грешка“, им рече Трамп на новинарите, според „Киев пост“. Неговата изјава предизвика негодување во Полска и меѓу европските сојузници, кои ги оценија беспилотните летала како намерна провокација и нова ескалација на војната.
Сикорски кратко напиша на социјалните медиуми: „Не, тоа не беше грешка“.
„Путин го тестира НАТО“
Аналитичарите предупредуваат дека нападот бил тест за алијансата. Пензионираниот полковник на американската армија Ричард Вилијамс за „Киев пост“ изјави дека нападот бил намерен и иницира прашања за политичката волја на НАТО: „Едно е да се има капацитет, друго е да се има волја да се одговори“.
Јуриј Бојечко од хуманитарната организација „Надеж за Украина“ рече дека Путин гледа слабост: „Поради Трамп, НАТО и САД изгледаат слабо. Путин неказнето преминува една црвена линија по друга“.
Фото: принтскрин
(Видео) Мицкоски: ВМРО-ДПМНЕ ја предводи најголемата коалиција досега составена од 25 партии
„Денес ја формализираме коалицијата Твоја Македонија која заеднички ќе настапи на овие локални избори. Коалицијата предводена од ВМРО-ДПМНЕ е убедливо...
Извршниот одбор на СДСМ утврди уште нови 4 кандидати за градоначалници
Со одлука на Извршниот одбор на СДСМ на вчерашната попладневна седница е дадена согласност за уште четири нови кандидатури за...
Се уште има чадење од Дрисла, но во помал обем, дивата депонија Вардариште е целосно изгасната, вели Ангелов
Чадењето од депонијата Дрисла е се уште присутно, но во многу помал обем и не е причина за маглата, вели...
(Видео) Огромен украински напад врз Русија: Москва е исто така цел, испратени десетици дронови
Масовен напад со беспилотни летала беше извршен ноќва во неколку региони во Русија, насочени кон Москва и Санкт Петербург, објавија...
(Видео) Венс ја држеше раката на ковчегот на Кирк додека војниците го качуваа во авионот
Ковчегот со телото на Чарли Кирк пристигна во неговата матична држава Аризона со „Air Force Two“. Уша, сопругата на американскиот...
Болсонаро осуден на 27 години затвор
Поранешниот бразилски претседател Жаир Болсонаро е осуден на 27 години и три месеци затвор за заговор за воен удар за...
Трамп: Вдовицата на Кирк е скршена, напаѓачот е левичарски лудак и животно
Американскиот претседател Доналд Трамп разговараше со новинарите на јужниот тревник на Белата куќа пред да полета за Њујорк. Фокусот на...
(Видео) Објавена првата снимка од осомничениот за убиството на Чарли Кирк
Објавено е првото видео од осомничениот за убиството на најистакнатиот американски десничарски активист Чарли Кирк, јавува Си-ен-ен. Видеото, објавено од...
Трагедија во Црна Гора: девојка од Србија се удави во близина на Тиват
Попладнево во морето кај Луштица, Црна Гора, нуркачи и членови на Пловечката единица безуспешно се обидуваа да го пронајдат и...
Франција и Германија се мобилизираат; Макрон: Му дадов ветување на Туск
Франција денес соопшти дека одлучила да мобилизира три борбени авиони „Рафал“ за заштита на полскиот воздушен простор и источна Европа...
ФБИ објави фотографии од осомничениот за убиството на Чарли Кирк
ФБИ објави фотографии од осомничениот за убиството на Чарли Кирк. „Бараме помош од јавноста за идентификување на ова лице од...
ФБИ: Ја пронајдовме пушката со која беше затрелан Кирк, имаме и снимки и отпечатоци
Оружјето за кое се верува дека е употребено во вчерашното пукање врз Чарли Кирк е пронајдено, но осомничениот е сè...
Забрана за движење на територија на депонијата „Вардариште“
Управувачкиот комитет за координација и управување со системот за управување со кризи, на денешната 7-ма седница, предложи до Владата, а...
Вонреден инспекциски надзор на депонијата „Дрисла“
Во доцните попладневни часови, околу 15:15 часот, државниот Инспекторат за животна средина изврши вонреден инспекциски надзор поради пожар кој избувна...
Воздухот мириса, но ве уверувам дека не е штетен на ниво што предизвикува здравствени проблеми, вели Алиу
Иако депонијата „Дрисла“ трет ден го полни Скопје со смрдеа на изгорена пластика и гума, министерот за здравство, Азир Алиу,...
„Дрисла“ трет ден ги труе скопјани, Мицкоски со механизација од општествено одговорни компании ќе влезе на депонијата
За пожарот и чадот од депонијата „Дрисла“, кои трет ден ги трујат скопјани, премиерот Христијан Мицкоски вели дека има истрага,...
Мицкоски се извини за Фетаи: Тој се труди да го учи и зборува македонскиот јазик, не го знае оти се иселил на шест години
Потпретседателот на Владата задолжен за добро владеење, Арбен Фетаи, течно зборува четири странски јазици, а македонскиот сѐ уште го учи оти...
(Видео) Филипче: Мицкоски призна, граѓаните се оставени сами, без мерки за високите цени и со најниски плати
„Жалам што вчера премиерот изјави дека нема да се интервенира во цените на производите, вклучувајќи ги и основните прехранбени продукти,“...
Против три лица поднесено обвинение за депониите во „Вардариште“: ОЈО Скопје постапува и во други предмети за загaдување со отпад
Јавен обвинител од Основното јавно обвинителство Скопје ја заврши истражната постапка и денеска поднесе обвинителен акт против три лица за...
„Дрисла“ сѐ уште чади, агенција за обезбедување ја чува депонијата „Вардариште“
На депонијата „Дрисла“ сѐ уште има чадење, информира директорот на ДЗС, Стојанче Ангелов, кој појасни дека депониите тешко се гаснат со...
