Uncategorized
Буш призна дека ЦИА имала тајни затвори
Американскиот претседател Џорџ Буш синоќа призна оти ЦИА имала тајни затвори во странство, каде што испитувала осомничени за тероризам
Американскиот претседател Џорџ Буш синоќа призна оти ЦИА имала тајни затвори во странство, каде што испитувала осомничени за тероризам
Буш решително застана во одбрана на ваквиот метод на ЦИА, посочувајќи дека американската тајна служба постапувала хумано и не ги злоставувала заробениците.
„Да не беше таа програма, нашите разузнувачи се убедени дека на „Ал-каеда“ ќе и појдеше од рака да изврши уште еден напад на американска територија“, изјави Буш во говорот во Белата куќа.
„Давајќи ни мошне важни информации, до кои не можевме да дојдеме на друг начин, оваа програма спаси животи на многу невини луѓе“, рече американскиот претседател.
Буш одби да открие каде се наоѓале тајните затвори на ЦИА; но според многу информации станува збор за источна Европа. Поради нив дојде до напнатост во односите помеѓу САД и некои европски држави, пред се заради неовластено слетување на авионите на ЦИА, заради транспортирање на осомничени за тероризам. /крај/хн/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.