Свет
Бачилото падна на Врховен
Незаконска отштетата од 720.000 евра што ја плати државата
Незаконска отштетата од 720.000 евра што ја плати државата
Процесот за случајот „Бачило“ бил неправилен од почетокот до крајот, утврди Врховниот суд и побара Републичкиот судски совет да побара одговорност од судијата што го водел предметот.
Премиерот Владо Бучковски вчера ја повика на разговор јавната правобранителка Зоја Лега-Станоевска, а Владата денеска ќе расправа за одговорноста на Правобранителството во случајот во кој државата исплати 720.000 евра отштета за бачило што било гранатирано во конфликтот.
Врховниот суд утврди дека тужбата од самото поднесување била неуредна, фактите биле непоткрепени со докази и спротивни на службената белешка, а таа била единствениот доказ за штетата и за нејзиниот обем. Судот наредил вештачење без да биде одредена вредноста на спорот и висината на тужбеното барање. Вештакот не вршел вештачење според законот за парнична постапка, туку само барал податоци од други институции за вредноста на оштетените предмети. Добиените податоци биле различни, а судот не ги отстранил, иако бил должен според законот за парнична постапка.
Без докази за основаноста на тужбеното барање за надомест на штетата првостепениот суд донесол меѓупресуда заснована врз несоодветна одредба од законот за облигациски односи, утврди Врховниот суд. Иако тужителот во жалбата укажал на меѓупресудата дека фактичката состојба не била целносно утврдена, а материјалното право било погрешно применето, второстепениот Апелациски суд во Скопје ја потврдил, погрешно прифаќајќи дека државата е одговорна. Тужителот го прецизирал тужбеното барање на износ од 26.400.000 денари пред донесувањето на меѓупресудата, а судот ја прифатил вредноста. Јавниот правобранител како застапник на државата не побарал ревизија како вонреден правен лек до Врховниот суд.
Јавниот обвинител, пак, против меѓупресудата не подигнал барање за заштита на законитоста, иако таква иницијатива била доставена од заменикот јавен правобранител. Со правосилната и извршна пресуда на првостепениот суд од 18 јуни 2004 година погрешно била досудена бараната отштета. Судот погрешно досудил и камата од поднесувањето на тужбата на 11 декември 2001 година, а не како што предвидува законот од денот на правосилноста на пресудата. Иако државата од неговиот застапник, Јавниот правобранител, ја добил пресудата, не ја обжалил иако имал законско право.
Претседателот на Врховниот суд ова мислење на Одделот за граѓански дела на овој суд ќе го достави до Републичкиот судски совет, како основа за утврдување на одговорноста за нестручно и несовесно постапување на судијата во овој предмет.
Премиерот Бучковски и јавната правобранителка разговарале за забелешките на антикорупциската комисија, која направи извештај за случајот „Бачило“.
– Средбата беше во функција на утрешната седница на Владата на која ќе ја разгледува Информацијата за исплатата на штета на лицето Иснифарис Џемаили, како и препораките и заклучоците на Државната комисија за спречување на корупцијата во врска со овој предмет – соопштија од кабинетот на премиерот.
Владата целосно ќе ги разгледува постапката за предметот и заклучоците и препораките на антикорупциската комисија и на Врховниот суд.
Антикорупциската комисија се сомнева дека хеликоптер на АРМ воопшто ракетирал бачило, за што државата исплати отштета од 720.000 евра. Комисијата се посомнева во начинот на кој се утврдени отштетата и каматата и посочи дека Јавното правобранителство не поднесло жалба на пресуда, која еднаш била укината од Апелацискиот суд во Скопје.
Натали Н. Сотировска
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Министерот за национална безбедност на Израел: Прифаќањето на примирјето од Хамас е трик
Израелскиот министер за национална безбедност Итамар Бен-Гвир денеска го оцени прифаќањето на примирјето од страна на Хамас како трик, јавуваат израелските медиуми.
„Има само еден одговор на триковите и игрите на Хамас – итна наредба да се освои Рафах, да се зголеми воениот притисок и да се продолжи со рушење на Хамас додека не биде целосно поразен“, изјави Бен-Гвир, цитиран од „Тајмс оф Израел“.
Во исто време, „Канал 12“ ги пренесува ставовите на израелските власти кои велат дека израелскиот преговарачки тим штотуку го добил одговорот на Хамас од посредниците.
Во извештајот се вели дека Израел сега внимателно го проценува одговорот на Хамас и ќе даде официјални коментари подоцна оваа вечер.
Во него се вели дека израелските власти веќе велат дека ова не е истиот предлог за договорот што Израел и Египет го договорија пред 10 дена, што оттогаш служеше како основа за индиректни преговори“, се вели во ТВ прилогот.
„Скај њуз“ пишува дека Израел тврди оти Хамас прифатил „помека“ верзија на договорот за прекин на огнот предложен од Египет, што е неприфатливо за израелските власти. Странските медиуми јавуваат и дека израелските власти тврдат дека најавата на Хамас се чини дека е измама со цел Израел да се претстави како страна која не е подготвена да го прифати договорот.
Овие нови клаузули, меѓу другото, се однесуваат на кардиналните прашања дали, како и кога ќе заврши војната и какви гаранции се нудат во овој поглед.
Според извештајот, Хамас во последните денови ги заостри своите барања и бара војната да заврши во првата, 40-дневна фаза од договорот, наместо во втората или третата фаза.
Израел, од своја страна, постојано го отфрла завршувањето на војната како дел од договорот за заложници, инсистирајќи наместо тоа дека ќе ги продолжи борбите откако ќе се спроведе договорот, во согласност со неговите двојни воени цели: враќање на заложниците и уништување на Хамас.
Хамас, според претходните извештаи, објави дека го прифатил договорот за прекин на огнот предложен од Египет и Катар со цел да се стави крај на седуммесечната војна со Израел во Газа, а израелските медиуми цитираа официјални лица дека израелскиот преговарачки тим го добил одговорот од посредниците.
Регион
(Видео) „Мажот ја навредувал и изневерувал“ – Обвинителството во Албанија со детали за мајката што скокна во река со своите деца
Обвинителството на Основниот суд од општа надлежност во Скадар во комуникација до медиумите изнесе повеќе детали за трагедијата во семејството Арази во албанскиот град Скадар, каде досега се пронајдени телата на две деца, додека потрагата по телото на мајката и третото дете продолжува.
„До оваа фаза се утврдени сомнежи врз основа на докази дека државјанин Е.А., како последица на континуирано психичко насилство врз неговата сопруга, манифестирано во форма на континуирани навреди и прељуба, тешко нарушувајќи го нејзиното достоинство, го предизвикал самоубиството на А.А., за која се сомнева дека во тешка психичка состојба, се фрлила во реката заедно со трите малолетни деца“, се вели во соопштението на Обвинителството.
Алма Арази (39) со трите деца скокна во студената река.
Телото на најстарото девојче било пронајдено вчера во реката, додека телото на второто денеска.
Во потрагата учествува и рибарот кој вчера пронашол едно од девојчињата и кој рекол дека потрагата е многу комплицирана.
По страшната трагедија, нејзиниот сопруг е уапсен и обвинет за семејно насилство и предизвикување самоубиство.
Новинарот на „Еуроњуз Албанија“ рече дека за време на сведочењето дадено во полиција, 39-годишниот сопруг Ергис Арази се појавил многу ладен за време на испрашувањето, не покажал никакви емоции и ги отфрлил обвинувањата дека ја малтретирал сопругата или другите деца.
Тој рече дека парот бил во стабилна економска ситуација, претходно живеел во Италија и Германија, а неодамна се преселил во Скадар.
Арази, откако неговото семејство било пријавено за исчезнато, два дена подоцна бил виден во кафуле со пријателите и наводно воопшто не бил вознемирен, наведува „Voxnews.al“, повикувајќи се на изјавите на неговите пријатели.
Како што рекоа, тој бил сосема мирен.
Семејството на Ергис тврди дека тој никогаш не би им наштетил. Тие тврдат дека парот имал проблеми меѓу себе, но дека Ергис Арази не бил насилник.
„Ги обожаваше децата. Тој никогаш не би им наштетил. Работеше цел ден во сервис за мобилни телефони за да ги испрати во приватно училиште. Можеби имал проблеми со сопругата, но таа никогаш не требало да им го прави тоа на децата. Тоа нема да и го простиме“, рекле тие.
Свет
Хамас: Се согласивме на прекин на огнот
Хамас објави соопштение дека го прифаќа египетско-катарскиот предлог за прекин на огнот.
Во соопштението се наведува дека нејзиниот врховен лидер Исмаил Ханије ја пренел веста во телефонски разговор со катарскиот премиер и египетскиот министер за разузнавање.
Двете земји посредуваат во повеќемесечните разговори меѓу Израел и Хамас. Сè уште нема коментари од Израел.
Претходно денеска Израел најави офанзива насочена кон Рафах, најјужниот град Газа. Повеќе од милион жители се засолниле во градот поради судирите во другите делови на Појасот Газа.
Предлогот не е објавен во јавноста, но првата фаза, наводно, бара 33 живи заложници: жени, деца, стари лица и болни да бидат ослободени за време на 40-дневното примирје, во замена за стотици палестински затвореници.