“Да се заработи милион долари едноставно веќе не претставува она што беше некогаш”, речиси со жалење констатираше американскиот бизнис магазин Форбс, кој веќе дваесет години во март ја објавува листата на најбогати луѓе на светот.

“Да се заработи милион долари едноставно веќе не претставува она што беше некогаш”, речиси со жалење констатираше американскиот бизнис магазин Форбс, кој веќе дваесет години во март ја објавува листата на најбогати луѓе на светот.

Дури 793 луѓе на годинешната листа на Форбс имаат најмалку милијарда долари имот. Доларски милијардери има за 102 повеќе во однос на претходната година, а нивниот број во последните три години речиси тројно се зголемил.

Повеќе не е нешто ексклузивно да се биде милијардер, оцени Форбс, кој на првата листа пред 20 години рангираше “само” 140 милијардери. Годинава супербогаташите од 49 земји поседуваат заедно 6,6 билиони долари имот, што е за 18 насто повеќе од лани.

Врвот на листата на Форбс е малку досаден – веќе 12 години на чело е устоличен основачот на Мајкрософт Бил Гејтс, со имот од 50 милијарди долари.

Второто место со 42 милијарди долари го задржува Ворен Бафет, шеф на мешовитот концер Беркшир Хатавеј. Од четврто на трето место се искачи мексиканецот Карлос Слим Хену, кој носи евтини пластични часовници и сам го вози својот автомобил. Хену, кој е син на либански доселеник е главен акционер на мексиканската телекомуникациска компанија Телемекс.

По скалата нагоре од шесто на четврто место се искачи и Ингвар Кампрад, основач на шведската Икеа, кој е најбогат во Европа со 28 милијарди долари.

Зад него е индискиот челичен барон Лакшми Митал, кој од трето падна на петто место поради намалувањето на вредноста на акциите на неговиот концерн на берзите, но нивната вредност тргна нагоре откако најави дека сака да го купи конкурентот Арчелор.

Во друштвото на најбогатите годинава на 746 место со милијарда долари имот влезе и Џоан Роулинг, писателката на книгите за Хари Потер, која до пред десетина години примаше социјална помош.

На листата има 452 богаташи кои сами го стекнале богатството, а останатите го наследиле.

Најмногу милијардери живеат во Њујорк (40), Москва (25) и во Лондон (23), а најголем дел од милијардерите -371 се од САД. На второ место е Германија со 55 милијардери.

Најмлад милијардер е Хинд Харири, ќерка на убиениот либански премиер Рафик Харири, која со 22 години има 1,4 милијарди долари.

Меѓу најбогатите има само десетина жени, кои ги предводи Ебигејл Џонсон (44), сопственик на Фиделити инвестментс, со имот од 12,5 милијарди долари.

Листата на Форбс се смета за една од најточните на светот, иако во голем дел се темели на претпоставки. Годишната листа многу го налути кубанскиот претседател Фидел Кастро, кој тврди дека нема ниту долар, а не 900 милиони долари