Германија ја совлада Костарика со 4-2 во премиерниот натпревар со кој вечерва на “Алијанц арената“ во Минхен започна осумнаесеттото Светско првенство во фудбал.

Германија ја совлада Костарика со 4-2 во премиерниот натпревар со кој вечерва на “Алијанц арената“ во Минхен започна осумнаесеттото Светско првенство во фудбал.

Домаќинот на Мундијалот сосема заслужено стигна до првата победа во групата “А“ со головите на Лам (6 минута), Клозе (17, 61) и Фрингс (87). Двоен стрелец за репрезентацијата на Колумбија беше Ванчоп (12, 73 минута).

Првиот натпреварувачки ден, вечерва го заокружуват Полска и Еквадор, на стадионот во Гелзенкирхен.

На најголемиот спортски настан годинава што ќе се трае цел месец, во 12 градови во Германија, учествуваат 32 репрезентации, во чии состави се вкупно 736 фудбалери.

Титулата светски првак ја брани Бразил, а на Мундијалот дебитираат шест држави, од кои четири африкански – Брегот на Слоновата коска, Того, Гана, Ангола, како и Украина и Тринидад и Тобаго.

Најмногу претставници на Мундијалот што по пауза од 32 години повторно се одржува во Германија, има од Европа – 14, Африка – 5, Јужна Америка, Азија и Конкакаф по 4, и Океанија -1.

Германија очекува да привлече 4,22 милиони обожаватели на фудбалската магија од целиот свет. Најбројни, според извештаите, се англиските навивачи кои во Германија веќе ги има околу еден милион. Втората по големина експедиција ќе ја сочинуваат Полјаците со околу 300,000.

За 62-та натпревари и финалето, на 9 јули во Берлин, организаторот во оптек пушти вкупно 3,071,000 влезници од кои пред почетокот беа продадени над 90 отсто

Колевката на фудбалот Англија ја предводи Групата

Б

во која се и Шведска, Парагвај и Тринидад и Тобаго.

Во Групата

Ц

се Аргентина, Холандија, Брегот на Слоновата Коска и Србија и Црна Гора.

Мексико е носител на Групата

Д

, во која се Португалија, Иран и Ангола.

Трикратниот светски првак Италија е во групата

Е

со Чешка, САД и Гана.

Актуелниот светски првак Бразил одбраната на титулата ја започнува во Групата

Ф,

против Хрватска, Австралија и Јапонија.

Франција Швајцарија, Јужна Кореја и Того се во групата

Г

, а Шпанија Украина, Тунис и Саудиска Арабија во групата

Х.

Наградниот фонд на Светското првенство изнесува рекордни 190 милиони евра.

Репрезентациите, 16 од нив, кои ќе го напуштат првенственото по првиот круг ќе добијат по 3,79 милиони евра.Поразените во осминафиналето ќе добијат по 5,7 милиони евра, а пласманот во четвртфиналето чини 7,28 милиони евра. Полуфиналето вреди 13,61 милиони евра, поразениот во финалето ќе добие 14,24 милиони евра, а титулата светски првак "тежи" 15,51 милиони евра.

Најмлад фудбалер на Првенството е англискиот напаѓач, Тео Волкот, кој доколку настапи и постигне гол ќе го урне рекордот на Пеле. Својот првенец Бразилецот го постигна со 17 години и 239 дена. Волкот има 17 години и 85 дена.

За безбедноста на светското првенство ќе бидат ангажирани околу 30,000 германски полицајци, на кои ќе им помагаат и над 7,000 припадници на германската војска, како и над 300 полицајци од земјите учеснички.

Со напливот на фудбалските фанови, во Германија, каде проституцијата е легална, се очекуваат и околу 40,000 проститутки од странство, кои ќе бидат конкуренција на околу 400,000 домашни проститутки.