Uncategorized
Почина легендата на шпионажата Маркус Волф
Легендата на светската шпионажа Маркус Волф, почина синоќа на 83.годишна возраст, соопштија неговите роднини. Смртта се совпадна со 17 годишнината од падот на „Ѕидот“
Легендата на светската шпионажа Маркус Волф, почина синоќа на 83.годишна возраст, соопштија неговите роднини.
Волф, кој 30-тина години беше на чело на Главната разузнавачка служба на Источна Германија, која работеше под закрила Министерството за државна безбедност – „Штази“, се смета за еден од најголемите шпионски умови за време на Студената војна.
Тој во периодот од 1958 до 1987 година, со голем успех раководеше со разузнувачката служба на Источна Германија, која за тоа време имаше во своите редови околу четири илјади добро обучени агенти за операции во странство.
Маркус Волф е роден во 1923 во Хочинген, во денешната покраина Баден Витенберг. Татко му, Фридрих Волф бил писател и филозоф, а брат му Конрад Волф, познат филмски режисер. Неговото семејство бега од Германија по доаѓањето на Хитлер, најпрво во Швајцарија, а потоа во тогашниот Советски Сојуз, во Москва, која ја напушта по нападот на Германија на СССР.
По краток период поминато во Алма Ата, Казахстан, каде се приклучува кон Коминтерната и се обучува за тајни задачи зад непријателските линии. По Втората Светска Војна, Волф е испратен како новинар во Нирнберг, каде ги следи судските процеси против нацистите за потребите на државното радио во Советската окупациона зона во Берлин.
Во 1953, на 30 годишна возраст, Маркус Волф е еден од луѓето што ја формираат разузнавачката служба во рамките на „Штази“, а веќе во 1957 година доаѓа на нејзино чело.
Како шеф на разузнавањето постигнува вонредни успеси во пенетрирање во највисоките кругови во тогашните западни земји, а посебно во штабот на НАТО и во највисоките политичките кругови на Западна Германија.
Негов најголем успех се смета повеќе годишното незабележано шпионирање на германскиот канцелар Вили Бранд, преку Гинтер Гилами, кој како фингиран бегалец во 1956 од Источна Германија, пенетрира во хиерархијата за партијата на Бранд и станува негов близок соработник и пријател, а неговата сопруга му беше личен секретар на Бранд.
Гилами е откриен дури во 1974, што предизвика пад на канцеларот Бранд. Две децении подоцна и Гилами и Волф ќе признаат дека падот на Бранд не бил планиран и затоа, оваа операција која се изучува во сите разузнавачки школи, тие лично ја сметаат за грешка на Штази.
– Шпиуните ги регрутиравме на најразлични класични начини – притисоци и уцени, пари, секс и тие беа успешни…но, уште од самиот почеток, сметам дека најголем успех постигнавме преку шпионите кои тоа го правеа од идеолошки причини, изјави Волф во едно од ретките интервјуа за Студената Војна, дадено во 1998 година.
Маркус Волф ја напушти раководната позиција во разузнавањето во 1987 година, нецели три години пред паѓањето на Берлинскиот ѕид и во тоа време се сметаше за поддржувач на „Перестројката’ и „Гласноста“ на последниот Советски лидер Михаил Горбачов.
Во едно интервју објавено во загрепски „Глобус“, актуелен германски познавач на работата на тајните служби и член на парламентарна комисија за нивна контрола, изјави дека Волф преку Советската КГБ, знаел уште на почетокот од осумдесетите години на минатиот век дека ќе дојде до слом на комунизмот.
По паѓањето на Берлинскиот ѕид, Маркус Волф бара азил во Австрија и во Русија, но е одбиен, по што се враќа во Германија. Во 1993 е осуден на 6 години затвор, но се жали до Врховниот суд, по што, во 1997 пресудата му е укината.
Волф почина во деноноќието кога се одбележува 17 години од уривањето на Берлинскиот ѕид.
/крај/тб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Полскиот премиер: Ако видите германски војници, не паничете
Најлошите поплави што ја погодија централна Европа во најмалку две децении оставија страшна трага на уништување од Романија до Полска, со тони кал и урнатини во градовите, уништени мостови, потопени автомобили и на крајот од драмата во срцето на Европа, сметките за штети ќе се мерат во милијарди долари.
Градовите јужно од Вроцлав, како што е Левин Брзески, веќе ја почувствуваа целата сила на поплавите принудувајќи ги жителите да минуваат низ водата до половината или да бараат засолниште на покривите на зградите.
Германија им дојде на помош на Полјаците. Тоа беше можност за примеси на хумор во инаку незавидна ситуација. Така полскиот премиер Доналд Туск на хумористичен начин го најави доаѓањето на германски доброволци и војници, кои ќе им помогнат на Полјаците во санирањето на последиците од поплавите.
“If you see German soldiers, don’t panic. They’re here to help,” says Polish PM @donaldtusk after announcing that German troops were volunteering to help tackle the floods in Poland pic.twitter.com/h8XwO2egG3
— Daniel Tilles (@danieltilles1) September 19, 2024
„Ако видите германски војници, не паничете. Дојдоа да помогнат“, рече тој.
Инвазијата на Полска од страна на германските војници на 1 септември 1939 година се смета за почеток на Втората светска војна.
За време на германската окупација 6 милиони Полјаци ги загубија животите, а повеќе од илјада села и градови беа срамнети со земјата.
Uncategorized
(Видео) Во БиХ падна првиот снег
Во Босна и Херцеговина падна првиот снег на планините Бјелашница, Јахорина и Влашиќ. До утрово остана само на Јахорина, покажуваат веб-камерите.
Според прогнозите на Федералниот хидрометеоролошки завод денеска во БиХ ќе биде претежно облачно.
Претпладне се очекуваат врнежи од дожд низ земјата, а на планините можен е и слаб снег.
Вака изгледаше Бјелашница синоќа.
Uncategorized
„Како политичари, наша задача е да ги насочуваме нашите народи кон иднина што ги надминува историските предизвици и ја прифаќа колективната европска судбина“, Муртезани на БИФ форумот во Подгорица
Министерот за европски прашања, Орхан Муртезани, попладнево учествуваше на „Балканскиот интегративен форум 2024“ (BIF2024), кој од 12-ти до 14-ти септември 2024 година, се одржува во Подгорица, Црна Гора.
На панелот со тема „Политички и технички преглед на процесот на интеграции во ЕУ на секоја од земјите на Западен Балкан“, министерот Муртезани се осврна на комплексниот евроинтегративен пат, кој има огромно политичко и економско значење за Западен Балкан.
„Овој процес, кој ја поврзува иднината на нашиот регион со визијата за обединета Европа, не е само бирократска вежба на исполнување зададени обврски; туку е чисто политички потфат. Претставува егзистенцијален избор, кој има за цел да ги преструктуира општествата, да поттикне стабилност и да ги вгради начелата на демократијата, владеењето на правото и заедничкиот просперитет во ткивото на нашите нации.“ – нагласи Муртезани.