Uncategorized
Министерката за култура во посета на Полска
![](https://makfax.com.mk/wp-content/uploads/2016/11/f84c7cfa-360f-49c0-aea1-eea9af85da69-1.jpeg)
Министерката за култура, Елизабета Канческа-Милевска, на покана од министерот за култура и национално наследство на Република Полска, Богдан Здројевски, од 6 до 8 јули ќе престојува во официјална посета на Република Полска
Во рамки на посетата, на 8 јули министрите за култура ќе остварат билатерална средба на која ќе се разговара за начините за продлабочување на културната соработка меѓу двете земји.На средбата, министрите за култура ќе потпишат и Програма за културна соработка меѓу Министерството за култура на Република Македонија и Министерството за култура и национално наследство на Република Полска за 2009-2011 година.При посетата на Полска, министерот за култура Канческа-Милевска на 6 јули во градот Олштин ќе присуствува на концерт на Камерниот оркестар на Македонската филхармонија, чие гостување е финансирано од Годишната програма за култура на Министерството за култура.Република Македонија и Република Полска имаат традиционално добри односи во областа на културата. Двете земји имаат соработувано во сферата на заштитата, конзервацијата и археологијата. Во областа на филмската уметност, нашите филмски остварувања беа презентирани на меѓународните филмски фестивали во Гдањск и во Краков. Посебно треба да се одбележат разбирањето и помошта на полската страна во реализацијата на македонско-полскиот игран копродукциски филм „Жолтиот трендафил” на режисерот Антонио Митриќески. Во сферата на литературата и издавачката дејност, забележливо е учеството на полските претставници на „Струшките вечери на поезијата“ и на Меѓународната средба на литературни преведувачи во Тетово, како и учеството на полските слависти на Семинарот за македонски јазик, литература и култура во Охрид. Во областа на музичко-сценската дејност, остварена е соработка меѓу Македонската филхармонија и адекватните институции со ангажирање диригенти и солисти од Полска, а е реализирано и учество на полски солисти на Мајските оперски вечери. На планот на ликовната дејност, реализирани се изложби во двете земји. Така, во 2003 г. Музејот на Македонија ја организираше изложбата „Македонија низ традициите на секојдневието” во Музејот на варшавскиот Универзитет. Министерството за култура за 2009 има поддржано повеќе културни настани преку кои ќе се презентира македонската култура во Полска. Манифестацијата „Струшки вечери на поезијата” има потпишано Спогодба за соработка со манифестацијата „Варшавска поетска вечер”, а е предвидено и учество на македонски поети на овој значаен културен настан во Полска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Uncategorized
Заев и Ципрас му врачија на награда на Нимиц: „Ни порача да го чуваме и целосно да го имплементираме Преспанскиот договор“
![](https://makfax.com.mk/wp-content/uploads/2024/06/417400123_1017893746366028_3755524781773534094_n.jpg)
Експремиерите Зоран Заев и Алексис Ципрас му ја врачија Наградата за мир Преспа на поранешниот медијатор Метју Нимиц, најавувајќи дека традиционално оваа награда ќе се доделува секоја година на денот кога се одбележува Преспанскиот договор.
„Нимиц имаше трпение повеќе од две децении од својот живот да посвети на барање решение за спорот за името. Со неговата поддршка и посветеност изградивме меѓусебна соработка и дојдовме до решение не само за името, туку отворивме порта за соработка за двете земји за подобра иднина на нашите народи, но и за иднината на регионот. Му благодарам на амбасадорот Метју Нимиц кој ни помогна да стигнеме до решение кое денес е модел за решавање многу спорови“, напиша Заев на социјалните мрежи.
Нимиц им порачал да го чуваат и негуваат Преспанскиот договор и целосно да го имплементираат.
Во Атина се одржа Меѓународна конференција за мир и одржлив развој, по повод шестгодишнината од потпишувањето на Преспанскиот договор.
Uncategorized
Средба на претседателот Африм Гаши со италијанскиот амбасадор Андреа Силвестри
![](https://makfax.com.mk/wp-content/uploads/2024/06/gashi-silvestri2.jpg)
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.
Uncategorized
Се обиделе да ограбат црква, па го нападнале клисарот: уапсени разбојници во Радовиш
![](https://makfax.com.mk/wp-content/uploads/2024/05/црква.jpg)
Вчера во 13.30 часот во Радовиш, полициски службеници од Одделението за внатрешни работи Радовиш ги лишиле од слобода С.Р.(37) од Република Хрватска и А.К.(37) од Радовиш.
Тие се сомничат дека околу 07.30 часот од црква во Радовиш се обиделе да одземат пари, а откако биле забележани од клисарот во црквата, А.К. физички го нападнала, а С.Р. му се заканил со остар предмет, по што го напуштиле местото.
Во службен разговор во Полициската станица Радовиш тие го признале делото, по што биле задржани. За настанот бил запознаен јавен обвинител од Основното јавно обвинителство Струмица и по документирање на случајот против нив ќе биде поднесена соодветна пријава.