Спорт
Мајами по системот топло – студено

Мајами Хит продолжува со игрите топло – студено. Овојпат во „Америкен Еирлајнс Арената“ во Мајами го совладаа Вашингтон Визардс со 105:94. Тројката Џејмс, Вејд и Бош даде 76 поени, додека целата останата екипа на Мајами едвај собра 29 поени. Но и тоа беше доволно за победа над Волшебниците
Леброн Џејмс беше најефикасен играч на мечот со 30 поени, 6 скокови и 5 асистенции, Двејн Вејд беше солиден со 26 поени, 8 скокови и 6 асистенции, а Крис Бош постигна 20 поени и 7 скокови.Во противничкиот тим Андреј Блеч беше најдобар со 26 постигнати кошеви и 9 скокови. Џилберт Аренас постигна 23 кошеви и 7 асистенции.Во Арената Оклахома Сити домаќините ги победија Стршлените од Њу Орлеанс со 95:89. Гостите во последниот период влегоа со минимални два поени предност, но оваа четвртина Оклахома Сити Тандер ја одигра во стил и ја доби со 27:19, за победа од 95:89. Кевин Дурант (26 п. 11 ск.) и Расел Вестбрук (25 п. 11 ск.) постигнаа дабл-дабл, но Вестбрук имаше дури 8 загубени топки.Дејвид Вест (20 п. 7 ск.) беше најефикасен во тимот на Њу Орлеанс, а бекот Крис Пол покрај 17-те поени имаше дури 14 асистенции, но недоволно за победа.Во Американ Еирлајнс Центарот, Далас Маверикс ги победија Хјустон Рокитс со 101:91. Решавачката предност Далас ја оствари во средината на мечот. Во Далас повторно најефикасен беше Дирк Новицки (20 п. 10 ск.), а во тимот на Хјустон Кевин Мартин (17 п.).Најубедлива победа од сите ноќешни мечеви забележа Јута Џез во Енерџи Солушнс Арената по победата над Милвоки Бакс со 109:88. Ал Џеферсон со 22 поени и 11 скокови и Дерон Вилијамс со 22 поени и 10 асистенции беа најзабележителни кај Џезерите, а Брендон Џенингс со 27 поени беше осамен стрелец во тимот на Елените.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Драма во Шпанија: Тренерот на Жирона итно префрлен во болница

Фудбалскиот тренер на Жирона, Мичел Санчез, напиша на социјалната мрежа X дека е хоспитализиран, но не ги наведе причините поради кои е примен во болница.
„Морав да бидам хоспитализиран и ќе бидам под лекарски надзор неколку дена“, напиша Санчез, додавајќи дека се чувствува добро и со нетрпение очекува да се врати на клупата.
Поради здравствената состојба, Санчез нема да го предводи тимот на натпреварот против Виљареал во сабота. Жирона моментално е на 15-то место на табелата, шест бода над зоната за испаѓање, а до крајот на првенството остануваат уште четири кола.
Ниту клубот, ниту тренерот не објавија повеќе детали за неговата здравствена состојба.
„Се чувствувам добро, под надзор сум на лекар и ги бројам деновите до враќањето на работа за да можеме да ја продолжиме борбата до крајот на сезоната. Ќе бидам отсутен од теренот, но во постојан контакт со стручниот штаб“, рече Санчес.
Минатата сезона, Санчез го предводеше каталонскиот клуб до историско трето место во шпанското првенство. Сепак, тимот се соочи со проблеми оваа сезона откако клучни играчи го напуштија клубот за време на летниот преоден рок, па Жирона е само 15-та на табелата со 38 бода, и сè уште не ја надминала борбата за опстанок.
Спорт
Средба која се чека со години: Ана Ивановиќ и Ѓоковиќ повторно заедно?

Ана Ивановиќ и Новак Ѓоковиќ би можеле повторно да се сретнат за прв пат по долго време.
На турнирот во Женева, најдобриот тенисер на сите времиња, Новак Ѓоковиќ, ќе ги направи последните подготовки за Ролан Гарос, а се очекува да пристигне и некогашната српска тенисерка Ана Ивановиќ во својство на почесна гостинка и поранешна шампионка, пренесуваат српските медиуми.
Нивната средба би можела да се случи во многу деликатен момент за двајцата.
Имено, се повеќе се шпекулира дека Ана поминува низ брачна криза со Бастијан Швајнштајгер и дека развод е на повидок.
Од друга страна, Новак поминува низ чуден период. Од почетокот на годината, тој е далеку од препознатливо ниво, се откажа од мастерсот во Рим без конкретна причина, а се повеќе се шпекулира за крајот на неговата кариера.
Турнирот во Женева е закажан од 17 до 24 мај.
Спорт
Алонсо се збогуваше со Леверкузен: „Разговарав со играчите“
Веќе нема никаква дилема, Чаби Алонсо јавно потврди дека ја напушта клупата на Баер Леверкузен и дека ќе стане нов тренер на Реал Мадрид.
Официјална потврда дојде и од главниот актер.
На прес-конференцијата пред натпреварот од Бундеслигата против Борусија Дортмунд, Алонсо откри пред јавноста дека веќе разговарал со играчите и дека ќе се збогува со клубот во преостанатите два натпревари од сезоната.
„Оваа недела, клубот и јас се согласивме дека ова ќе бидат моите последни два натпревари во Леверкузен. Ова е вистинско време да го објавам тоа бидејќи секогаш имавме добра комуникација. Мораме да уживаме во овој момент со измешани емоции. Разговарав со играчите и персоналот, не беше лесно. Имавме одличен однос и тоа беше клучот. Тие веруваа во мене и ме следеа. Сакам да се збогувам на вистински начин овој викенд“, рече Алонсо.
Алонсо, поранешен шпански репрезентативец, играше за Реал Мадрид од 2009 до 2014 година за време на својата играчка кариера и освои бројни трофеи со Реал, вклучувајќи ја и Лигата на шампионите во 2014 година.