Европа
Медиуми: Во Австрија уапсени терористи кои требало да учествуваат во нападите во Париз

Австриската полиција уапсила двајца терористи од џихадистичката група Исламска држава, кои се инфилтрирале во Европа како бегалци и имале намера заедно со нивните соучесници да учествуваат во париските напади од ланскиот 13-ти ноември, пишува во неделата американскиот весник The Washington Post, повикувајќи се на изјави на претставници на европските тајни служби и достапни материјали од француската истрага.
Според сознанијата на весникот, 23-годишниот Пакистанец Мохамед Осман и 28-годишниот Алжирец Адел Хадади илегално преку Турција дошле на грчкиот остров Лезбос во голема група сириски бегалци заедно со двајцата терористи самоубијци кои подоцна ги извршија нападите во близина на стадионот „Стад де Франс“ во Париз. Сите четворица имале фалсификувани пасоши, се претставувале за Сиријци и имале задача зададена од Исламската дражва да извршат терористички напади во Париз.
Доколку Осман и Хадади успеале да дојдат до француската престолнина,„тогаш бројот на учесниците во терористичките напади немало да биде девет, туку единаесет, а бројот на жртвите ќе бил далеку поголем“, пишува The Washington Post.
Пакистанецот и Алжирецот им биле познати на разузнавачките агенции на нивните земји, а на Исламската држава ѝ се приклучиле во текот на 2014 година. За разлика од двајцата Ирачани, тие не успеале да дојдат до Париз, бидејќи предизвикале сомневања кај грчките власти и биле протерани од земјата. По долго талкање низ Европа, тие биле регистрирани во камп за бегалци во австриски Салцбург, каде и биле уапсени од локалната полиција, која информацијата ја добила од француските колеги кои работеле на истрагата за париските атентати.
Тајните служби ги испрашале Осман и Хадади и од нив добиле важни информации, кои подоцна овозможиле да бидат уапсени уште две сомнителни лица во истиоо бегалски камп во Салцбург.
The Washington Post укажува дека европските власти не успеале да го решат проблемот со бегалците, со кои заедно на континентот навлегле и терористите на Исламската држава.
„Големо мнозинство мигранти се спасуваат од војните и сиромаштијата. Но последните шест месеци најмалку 30 милитантни, кои се претставувале како бегалци, се уапсени или загинале, при планирање или изведување терористички акти. Меѓу нив се седуммина кои директно се поврзани со крвавите злосторства во Париз и Брисел. Групата Исламска држава тврди дека многу од нејзините милитанти во Европа се притаени и очекуваат наредба за да стапат во акција“, пишува весникот.
Во координираните терористички напади во Париз ланскиот 13-ти ноември беа убиени 130 луѓе, а во двојниот напад во Брисел на 22-ри март загинаа 32 луѓе и речиси 340 беа ранети. Одговорноста за двата напада ја презема екстремната сунитска организација Исламска држава која дејствува во Ирак и во Сирија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Русија го објави главниот услов за мировните преговори: „Ќе бараме челични гаранции“

Рускиот заменик министер за надворешни работи Александар Грушко во изјава за рускиот медиум „Известија“ кажа дека Русија во мировните преговори ќе бара гаранции од земјите на НАТО дека нема да ја прифати Украина во својот сојуз, односно дека Украина мора да остане неутрална.
„Ќе бараме челичните безбедносни гаранции да станат дел од овој договор. Една од овие гаранции е неутралниот статус на Украина, односно одбивањето на земјите од НАТО да ја примат Украина во алијансата“, рече Грушко.
Заменик-шефот на руската дипломатија го повтори ставот на Кремљ дека се противи дури и на пристигнувањето војници од земјите-членки на НАТО во Украина како дел од меѓународните мировни сили, откако Франција и Велика Британија изразија подготвеност да испратат свои војници во мировна мисија која ќе го надгледува прекинот на огнот.
„Не е важно под која ознака силите на НАТО пристигнуваат во Украина: било да е тоа Европската унија, НАТО или националниот капацитет. Доколку се појават таму, тоа ќе значи дека тие се распоредени во зоната на конфликтот со сите последици за тие контингенти како страни во конфликтот“, рече Грушко, додавајќи:
„Можеме да зборуваме само за распоредување невооружени набљудувачи, цивилна мисија која ќе го надгледува спроведувањето на одредени аспекти од договорот или механизмите за гаранција откако ќе се постигне договор. Дотогаш, сето тоа е само воздух“, рече тој.
Европа
(Фото+видео) Над 10.000 Романци протестираа за да покажат поддршка за Европа во услови на изборни тензии

Повеќе од 10 илјадни Романци излегоа во саботата на улиците на Букурешт за да ја покажат својата поддршка за Европската унија, во услови на политички спорови околу повторувањето на претседателските избори закажани за мај.
Романија треба да ги повтори претседателските избори во два круга на 4 и 18 мај, откако Уставниот суд го поништи првичното гласање во декември по обвинувањата за руско мешање во корист на Калин Џорџеску, кој водеше во анкетите.
Thousands of people are flooding Bucharest tonight with Romanian and EU flags, with the crowd surging in size every few minutes, to chant and tell the world that Russian attempts be damned, Romania is Europe, now & always! pic.twitter.com/fVn1Q7Qg32
— Daractenus (@Daractenus) March 15, 2025
На Џорџеску, кој заедно со Москва го негираше руското мешање, му е забрането да учествува во повторувањето.
Во саботата, проевропските Романци формираа море од сини знамиња на ЕУ и тробојни романски знамиња, некои извикуваа антируски слогани и носеа транспаренти на кои пишуваше „Единство и почит – Европа ни дава права“ или „Ослободете го вашиот ум – Не на руската мудрост“.
🇷🇴 In the Romanian capital Bucharest, tens of thousands of people took to the streets in a rally in support of the European Union and NATO pic.twitter.com/N3RKCxMTvO
— Visioner (@visionergeo) March 15, 2025
Европа
(Фото+видео) Повеќе од 50.000 луѓе излегоа на улиците на Будимпешта да протестираат против Орбан

Над 50 илјади луѓе се собраа денеска во Будимпешта да го изразат своето незадоволство против унгарскиот премиер Виктор Орбан, додека лидерот на се помоќната опозициска партија Тиса вети дека Унгарија ќе ја направи дел од силна Европа и ќе стави крај на 15-годишното владеење на Виктор Орбан.
– Оние кои ја предаваат сопствената нација треба да завршат во корпата на историјата. Нашето време дојде – рече Петер Маџар, поранешен владин функционер кој започна сопствено движење пред една година.
Thousands took to the streets of Hungary’s capital, Budapest, today in a massive opposition protest, demanding the resignation of pro-Russian PM Orbán.
Opposition leader Péter Magyar declared that those who betray their own nation “should end up in the dustbin of history.” pic.twitter.com/kogHOIEvHE
— KyivPost (@KyivPost) March 15, 2025
Some pictures from the massive anti-government protest today in Budapest, Hungary!
This is why Orban suddenly wants to change the law of public gatherings.
Because the people have taken back the streets.
The spirit of 1848 marches on! pic.twitter.com/HgWPQ8lTGi
— Europa Project 🇪🇺🇭🇺 (@Noirsoldat_) March 15, 2025
На митингот по повод националниот празник на Унгарија, Виктор Орбан изјави дека е време да се елиминира она што тој го нарече „армија во сенка“ – невладини организации, новинари, судии и политичари кои, според него, се платени од Соединетите Американски Држави и Брисел, мислејќи на неговите планови за сузбивање на невладините организации и медиумите кои добиваат средства од УСАИД.
– По денешната прослава доаѓа големото велигденско расчистување бидејќи инсектите ја преживеаја зимата. Ќе ја елиминираме целата армија во сенка“, нагласи Орбан. Одлуката на американскиот претседател Доналд Трамп да го прекине УСАИД го охрабри неговиот сојузник Орбан.
Минатиот месец тој најави дека Унгарија ќе усвои закон за заштита на националниот суверенитет и за разоткривање на странски фондови кои ги финансираат унгарските медиуми и, како што ги нарече, квази невладините организации.
Оваа недела, неговата партија Фидес поднесе предлог за уставни измени кои ќе овозможат исклучување на двојните државјани за кои се смета дека го загрозуваат унгарскиот суверенитет.