Uncategorized
Погребан Борис Елцин
Првиот претседател на Русија Борис Николаевич Елцин е погребан денеска на гробиштата Новодевичје во Москва.
Првиот претседател на Русија Борис Николаевич Елцин е погребан денеска на гробиштата Новодевичје во Москва.
Од претседателот се простија неговата сопруга Наина, на која и беше предадено руското знаме што го прекриваше ковчегот, а потоа и роднините.
Елцин, кој почина од срцева слабост на 77 години, беше погребан со звуците на руската химна и со трикратен истрел од артилериски оружја.
Пред погребот, илјадници лица го испратија телото на Елцин по московските улици, откако претходно, во црквата Христос Спасителот, која тој ја возобнови откако дојде на функција, беше извршено опело
.
Покрај руските политичари, предводени од претседателот Владимир Путин, Елцин на своето последно патување го испратија и бројни сегашни и поранешни политичари од светот.
Европската комисија на погребот ја претставуваше еврокомесарот за надворешни работи Бенита Фереро-Валднер. На траорната церемонија учествуваа поранешните американски претседатели Бил Клинтон и Џорџ Буш – постариот. Делегацијата на Германија ја предводеше претседателот Хорст Келер. Велика Британија ја претставуваше принцот Ендрју, Франција, министерот за надворешни работи Филип Дуст-Блази, Шпанија- претседателот на Уставниот суд Марија Емилија Касас, Италија – екс-премиерот Џулио Андреоти. На погребната церемонија присуствуваа и поранешните претседатели на Финска, Мауно Коивисто, на Бугарија Жељу Желев и на Полска Лех Валенса.
Од државите на Заедницата на независни држави и Балтикот присуствуваа – претседателот на Казахстан, Нурсултан Назарбаев, претседателот на Белорусија, Александар Лукашенко, претседателот на Ерменија Роберт Кочарјан, премиерот на Украина, Виктор Јанукович и екс претседателот Леонид Кучма, премиерот на Таџикистан, Акил Акилов, сегашниот и бившиот претседател на Литванија Валдас Адамкус и Алгирдас Бразаускас, како и претседателот на Естонија Томас Хендрик Илвес./крај/б/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.