Uncategorized
Снежно невреме беснее над западна Европа
Обилни снежни врнежи денеска целосно ја парализираа западна Европа, јавуваат европските медиуми.
Обилни снежни врнежи денеска целосно ја парализираа западна Европа, јавуваат европските медиуми.
Поради снежните врнежи отежнато е движењето на возилата по патиштата, има проблеми во редот на летање, а делумно е во прекин и снабдувањето со електрична енергија.
Снежното невреме најмногу ги погоди Франција, Белгија, Германија и Велика Британија.
Во Франција, северниот дел на земјата и главниот град Париз се под снежна покривка. Поради невремето авионите слетуваат и полетуваат со задоцнување, а има и откажани летови. Медиумите јавуваат за проблеми и во патниот сообраќај, блокирани автомобили и камиони.
Слична е состојбата и во Белгија, каде што снегот непрекинато паѓа од синоќа. Брисел е под снежна покривка дебела 10 сантиметри, а поради невремето има многу сообраќајни несреќи и верижни судири. Патиштата се блокирани и поради паднати дрвја на коловозите, кои под тешкиот снег попуштиле.
И во Германија медиумите јавуваат за силни снежни врнежи и проблеми во сообраќајот предизвикани од лошото време. Утринава аеродромот во Дизелдорф бил затворен четири часа, а многу патишта се блокирани поради паднати дрвја. Метеоролозите предвидуваат дека снежните врнежи над западна Европа ќе продолжат и утре.
Во Велика Британија состојбата постепено се нормализира по синоќешниот обилен снег. Во Шкотска денеска воз излета од шините, но несреќата помина само со неколкумина повредени. /крај/бг/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.
Uncategorized
(Видео) Руска вселенска капсула слета на Земјата, поставен нов рекорд: астронаутите поминале 374 дена во вселената
Руската вселенска капсула „Сојуз МС-25“ слета денеска во степите на Казахстан со двајца руски и еден американски астронаут, кои престојуваа на Меѓународната вселенска станица (МВС).
Капсулата „Сојуз“ со космонаутите на „Роскосмос“, Николај Чуб и Олег Кононенко, и астронаутот на НАСА, Трејси Дајсон, слета на Земјата во 11.59 часот по локално време, јавува „Ројтерс“.
Кононенко и Чаб заминаа кон вселенската станица на 15 септември 2023 година и во петокот го поставија рекордот за најдолга континуирана мисија на ISS поминувајќи вкупно 374 дена во вселената.
Welcome home!
The Soyuz MS-25 spacecraft, with NASA astronaut Tracy C. Dyson and cosmonauts Nikolai Chub and Oleg Kononenko aboard, landed in Kazakhstan at 7:59am ET today. More… https://t.co/RYIAX6voqf pic.twitter.com/HCAewHyjik
— International Space Station (@Space_Station) September 23, 2024