Uncategorized
„Ноќ на музеите“ по четврти пат во Македонија
Музејот на Македонија се вклучува во одбележувањето на Меѓународниот ден на музеите, 18 мај. По тој повод в сабота, 16 мај, започнува манифестацијата „Ноќ на музеите“
Оваа празнична ноќ е замислена како едно поинакво излегување навечер и покрај отворањето на изложби и презентација на проекти, ќе биде збогатена со концерти, видео проекции, дегустација на храна и пијалоци. Манифестацијата започнува со отворањето на 2 изложби: „Карневалот – Цар на Европа“, во 19:30 часот, проследена со џамаларски игри од ученици на ДМБУЦ „Илија Николовски – Луј“ – Оддел за традиционална музика и игри и изложбата „Портали од исламски верски објекти во Македонија – Османлиски период“ во Куршумли-ан во 20 часот. На оваа изложба ќе следува дегустација на храна и пијалоци од ориентално потекло и концерт на џез составот „Сетстет“.„Карневалот – Цар на Европа“ е проект започнат пред 2 години на Етнографскиот музеј на Трентино од Сан Микеле ал Адиџе, Италија. Партнери на овој проект се Музејот на Македонија, Етнографскиот музеј од Загреб, Националниот етнографски музеј од Софија и Музејот на европските и медитеранските цивилизации од Марсеј. Целта на овој проект е да се популаризираат карневалите ширум Европа и свесноста за европскиот културен идентитет. На изложбата чиј комесар во Македонија е Владимир Боцев, ќе бидат претставени фотографии, маски, предмети, филмови кои се дел од истражувањата на овој проект. Изложбата ќе ја отвори евроамбасадорот во Македонија, Ерван Фуере.„Портали од исламски верски објекти во Македонија – Османлиски период“ чиј кустос е Марија Мурџиева првпат ќе има своја видео презентација. Ќе бидат прикажани најзначајните и најимпресивните екстериери на десетина џамии во Македонија од 15 и 16 век, како Јаја паша во Скопје, Шарената џамија во Тетово, Јени џамија во Битола, итн.Како дел од одбележувањето на Меѓународниот ден на музеите, едукативното одделение при Музејот на Македонија на 16 мај ќе ги презентира неколкумесечните проекти „И јас знам што е тоа археологија“, „Грнчарство“ и „Ткаено килимче“ кои неколку месеци ги посетуваа децата од градинките и основните и средните училишта, под раководство на музејските едукатори Симонида Миљковиќ и Сузана Марковска. На 18 мај, во 12 часот предавање ќе одржи м-р Гоце Наумов, на тема „Орнаментите и визуелните идентитети на неолитските заедници од Македонија“. Потоа следува презентација на работилниците реализирани во соработка со Интернационалното средно училиште од Скопје во рамки на проектот „Хералдика“, под раководителство на музејскиот едукатор Лена Ангеловска и хералд Јован Јоновски.Инаку, во рамки на одбележувањето, изложби на Музејот на Македонија ќе бидат поставени и во други музеи низ земјата. Утре, 15 мај, во Музеј и галерија Кавадарци ќе биде отворена изложбата „Дедо Иљо Малешевски“, а на 22 мај во Струмица ќе биде поставена изложбата „Танцот на стаклените перли.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.
Uncategorized
Претежно облачно и посвежо со повремени врнежи од дожд
Времето денеска ќе биде претежно облачно и посвежо со повремени врнежи од дожд. Попладне наместа врнежите ќе бидат пообилни (над 20 л/м2), локално поројни и проследени со грмежи. Ќе дува слаб до умерен, а долж Повардарието повремено засилен ветер од јужен правец. Минималната температура ќе биде во интервал од 7 до 15, а максималната ќе достигне од 13 до 19 степени.
Во Скопје претежно облачно со повремени врнежи од дожд, особено попладне кога во делови од котлината ќе бидат поројни. Ќе дува слаб до умерен ветер од јужен правец. Минималната температура ќе се спушти до 13, а максималната ќе достигне до 18 степени.
До четврток ќе преовладува променливо облачно и посвежо време со повремени врнежи од дожд и ретка појава на грмежи. Ќе дува слаб до умерен, а долж Повардарието повремено засилен ветер од југоисточен правец (над 60 км/час). Пораст на температурата се очекува кон крајот на седмицата.
Uncategorized
Премиерот Џафери и владиниот државен врв во чест на 9 Мај: Цврсто стоиме на браникот против фашизмот и во одбрана на европската идеја
Владиниот државен врв ги одбележува денешниот голем и значаен датум за Република Северна Македонија и за демократскиот свет, 9 Мај – Денот на победата над фашизмот и Денот на Европа.
Делегација на Владата на Република Северна Македонија, предводена од претседателот на Владата, Талат Џафери, во состав со министерот за локална самоуправа, Ристо Пенов, и заменик-министерката за правда, Викторија Аврамовска-Мадиќ, положи цвеќе и им оддаде почит на борците од Народноослободителната борба пред споменикот „Ослободители на Скопје“ на платото пред Владата на Република Северна Македонија.
На официјалната церемонија, реализирана со воени почести, почит оддадоа и положија цвеќе и: делегација на Сојузот на борците од НОАВМ, предводена од Наум Бурески, претседател на Градскиот одбор на Сојузот на борците, од Кабинетот на претседателот на Република Северна Македонија, Билјана Блажевска, аѓутант, делегација на Собранието на Република Северна Македонија, предводена од Снежана Калевска-Ванчева, пратеничка, делегација на Армијата на Република Северна Македонија, предводена од бригаден генерал Орце Јордев, како и претставници од дипломатскиот кор во државата, меѓу кои и амбасадорот на Европската Унија, Дејвид Гир, делегација на Град Скопје, претставници на политички партии.
Претходно, во церемонија со воени почести, делегации од Владата, од Кабинетот на претседателот на државата, од Собранието, од Сојузот на борците од НОАВМ, претставници од дипломатскиот кор, од Град Скопје, од политичките партии, оддадоа почит и положија цвеќе на Партизанските гробишта во Бутел.
Република Северна Македонија секогаш била на вистинската страна на историјата. Така било за време на Втората светска војна кога земјата била рамо до рамо со прогресивните антифашистички сили. Нашата држава е создадена на рушевините на фашизмот, во извојуваната слобода и со прогресивната идеја за напредок. И, денес, во сложениот геополитички контекст, стоиме со сојузниците како рамноправна членка на НАТО и идна членка на Европската Унија темелејќи го развојот на демократијата.
Пораката на премиерот Талат Џафери и на Владата во чест на денешниот 9 Мај, Ден на победата над фашизмот и Ден на Европа, е дека цврсто стоиме и ќе стоиме на браникот пред какви било форми на современ фашизам, кои се закана за мирот и прогресот насекаде во светот. Исто така, со искрена почит кон големата европска идеја, на која се темели изградбата на Европската Унија, ќе продолжиме да придонесуваме во заштитата и афирмацијата на европските вредности како гаранти на мирот и перспективите и на Република Северна Македонија. Република Северна Македонија припаѓа во европското семејство на народи и држави и стремежот на граѓаните за членство во Европската Унија заедно ќе го оствариме.