Uncategorized
Светскиот економски форум во сенка на финансиски кризи

Средбата на светската економска и политичка елита неделава во Давос е во сенка на финансиските кризи, предизвикани од крахот на американскиот пазар на хипотекарни кредити.
Средбата на светската економска и политичка елита неделава во Давос е во сенка на финансиските кризи, предизвикани од крахот на американскиот пазар на хипотекарни кредити.
Светскиот економски форум, што почнува денеска, годинава ќе мине во знак на предизвиците во светската економија, за разлика од лани кога учесниците се гордејеа со економската експанзија, растот на корпорациски превземања и спојувања, благодарение на евтините кредити.
„Разговорите во Давос ќе ги опфатат тековните економски предизвици – последиците од хипотекарните кризи, трансферот на капитал од државите потрошувачи во државите производители на енергија и инфлаторна тенденција", наведува основачот на Форумот Клаус Шваб.
Според него, знаците на предупредување за кревкоста на светскиот економски систем биле тука и минатата година, и покрај општиот оптимизам, но "за оние кои умеат да слушаат".
Се очекува годинава ѕвезди на форумот да бидат инвестиционите фондови на државите во развој, особено на оние земји, што ги инвестираат своите девизни резерви. За промените во светската динамика сведочи и фактот што повеќе од една петина од деловните лидери, што ќе учествуваат на форумот во Давос се од земјите во развој.
На Светскиот економски форум се очекуваат 2.500 учесници од 88 земји, вклучувајќи 27 шефови на држави или влади, 113 министри и десетици шефови на меѓународни финансиски институции.
Во Давос ќе дојдат и високи претставници на 1.370 компании, меѓу кои 74 од првите 100 водечки корпорации на листите на Форчн и на Форбс.
Американската државна секретарка Кондолиза Рајс ќе зборува на отворањето на собирот, а од највисоките светски официјални претставници ќе присуствуваат генералниот секретар на Обединетите нации Бан Ки Мун, како и претседателот на Европската комисија Жозе Мануел Баросо
./макфакс/
Copyright 2008
makfax
. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Во обилните дождови во Пакистан загинаа над 300 луѓе

Пакистански спасувачи на северот од земјата денеска вадат затрупани тела од урнатини, кал и буици, каде што невообичаено интензивен монсунски дожд за само 48 часа предизвика смрт на над 320 лица.
Во текот на изминатите два дена, смртоносни поројни дождови погодија неколку области на планинската северна покраина Хајбер-Пахтунхва, каде што се регистрирани 307 смртни случаи, половина од сите смртни случаи оваа сезона на монсуни, покажуваат податоците на Управата за управување со катастрофи.
Повеќето од жртвите беа однесени од поројните поплави и починаа кога нивните куќи се урнаа, од електричен удар или удари од гром.
Во оваа покраина што граничи со Авганистан и каде што сè уште има обилен дожд, повеќе од 2.000 спасувачи работат на пронаоѓање преживеани или извлекување на тела закопани под урнатините, изјави денеска Билал Ахмад Фаизи, портпарол на службата за спасување на покраината, пренесен од француските медиуми.
-Обилните дождови, лизгањето на земјиштето и блокираните патишта го отежнуваат пристапот на амбулантните возила, а спасувачите се движат пешки, додаде тој.
Uncategorized
(Фото) По разводот, Ана Ивановиќ не може да ја симне насмевката од лицето, се јави од Мајорка

Српската тенисерка Ана Ивановиќ овие денови максимално го ужива летото судејќи според нејзините објави на „Инстаграм“.
Таа објави неколку фотографии на социјалните мрежи. Позира на плажа и во еден бар, облечена во кафеав фустан од Poupette St Barth со шапка од Hermès и очила за сонце Celine.
Пред тоа таа се пофали и со фотографии од плажа покажувајќи како се сонча и излегува со пријателите, но и дека не ја заборавила својата најголема љубов – тенисот. На сите фотографии во последно време Ивановиќ не симнува насмевка од лицето.
View this post on Instagram
Адвокатот на Ана Ивановиќ, Кристијан Шерц, потврди во изјава за германскиот весник „Билд“ кон крајот на минатиот месец дека поранешната српска тенисерка и светскиот шампион во фудбал, Бастијан Швајнштајгер, се разделиле. Во писмото, кое го доби и германската новинска агенција ДПА, се наведува дека раскинувањето се должи на непомирливи разлики“.
фото: принтскрин
Uncategorized
Голем број битолчани го искористија бесплатниот скрининг за Хепатитис и болести на црниот дроб

По повод Светскиот ден за борба против хепатитис, во Битола се реализираше бесплатен скрининг за хепатитис Б, Ц и ХИВ, како и еластографија, спроведени со мобилната медицинска единица од Скопје.
Настанот беше дел од националната кампања, организиран во партнерство со: Хепар Центар Битола, Министерството за здравство, Клиниката за гастроентерохепатологија, Клиниката за инфективни болести – Скопје, Официјалната комисија за хепатоцелуларен карцином, Општина Битола, Центарот за јавно здравје – Битола и Клиничката болница Битола.
Граѓаните покажаа исклучителен интерес за скринингот, кој поради зголемената посетеност продолжи еден час подолго од планираното – сè до 13:15 часот – со цел да им се овозможи на сите заинтересирани да се тестираат.
Особено значајна беше поддршката од страна на градоначалникот Тони Коњановски, кој лично ја посети мобилната единица и ја поздрави оваа важна здравствена иницијатива.
Националната кампања за бесплатен и анонимен скрининг за навремено детектирање на болести на црн дроб се реализира во 10 градови во државата. Целта е подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб.