Uncategorized
Се дефинираат мерките против Иран
Иран денеска е светска тема бр.1, откако за нуклеарната програма на оваа земја реагираше и Советот за безбедност, а големите сили одржуваат самит во Берлин.
Иран денеска е светска тема бр.1, откако за нуклеарната програма на оваа земја реагираше и Советот за безбедност, а големите сили одржуваат самит во Берлин.
Советот за безбедност на Обединетите нации синоќа му даде рок на Иран од 30 дена да ги запре активностите за збогатување на ураниумот, јавуваат американските медиуми.
Ова е првпат Советот за безбедност директно да бара Техеран да ги расчисти сомнежите дека изработува нуклеарно оружје.
Необврзувачката изјава е усвоена едногласно, откако за неа се преговараше со недели.
Иранскиот амбасадор во ОН изјави дека владата ќе ја разгледа изјавата на Советот, но оти Техеран е алергичен на притисоци и ултиматуми. Од друга страна, иранскиот претставник повтори дека неговата земја останува приврзана кон мирно решавање на проблемот
Во насока на надминување на проблемот, Иран денеска им предложи на Русија, Франција и Германија да формираат заедничко претпријатие за збогатување на ураниум на иранска територија.
Според Вишиот совет за национална сигурност на Иран, Али Лариџани, во интервју дадено за француските медиуми, на тој начин би се постигнал принципиелен договор, а и многу лесно би се нашло место за градење на таквото нуклеарно претпријатие на иранска територија. Тоа, воедно, според официјален Техеран, би биле и гаранции за мирниот карактер на иранската нуклеарна дејност.
Самит посветен на иранското нуклеарно прашање треба да одржат денеска во Берлин и петте постојани земји – членки на Советот за безбедност на Обединетите нации (ОН) и Германија.
Германија, во пресрет на самитот, изрази надеж дека шестте страни ќе постигнат согласност за резолуција на ОН за Ирак, што ја кочи недоразбирањето меѓу САД и Русија.
За нуклеарната програма на Иран денеска во Берлин ќе разговараат американскиот државен секретар Кондолиза Рајс, рускиот министер за надворешни работи Сергеј Лавров, заменикот министер за надворешни работи на Кина Даи Бингџуо, као и шефовите на дипломатиите на Франција, Велика Британија и Германија,Филип Дуст – Блази, Џек Строу и Франк-Валтер Штајнмаер.
На средбата ќе учествува и високиот комесар на Европската унија за надворешна политика и безбедност Хавиер Солана.
Германскиот печат толкува оти не е за верување дека шефовите на дипломатиите на шесте земји би се состанале денеска во Берлин, доколку претходно веќе не е прецизирано посакувано решение.
Според медиумите, засега, неразјаснети остануваат две прашања – должината на рокот што треба да му се остави на Иран да ја прекине нуклеарната програма, и прашањето дали, во случај Иран да не ги исполни барањата, мерки итно ќе преземе Советот за безбедност на ОН, или прво Советот на гувернери на Меѓународната организација за атомска енергија (ИАЕА).
/крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.
Uncategorized
(Видео) Руска вселенска капсула слета на Земјата, поставен нов рекорд: астронаутите поминале 374 дена во вселената
Руската вселенска капсула „Сојуз МС-25“ слета денеска во степите на Казахстан со двајца руски и еден американски астронаут, кои престојуваа на Меѓународната вселенска станица (МВС).
Капсулата „Сојуз“ со космонаутите на „Роскосмос“, Николај Чуб и Олег Кононенко, и астронаутот на НАСА, Трејси Дајсон, слета на Земјата во 11.59 часот по локално време, јавува „Ројтерс“.
Кононенко и Чаб заминаа кон вселенската станица на 15 септември 2023 година и во петокот го поставија рекордот за најдолга континуирана мисија на ISS поминувајќи вкупно 374 дена во вселената.
Welcome home!
The Soyuz MS-25 spacecraft, with NASA astronaut Tracy C. Dyson and cosmonauts Nikolai Chub and Oleg Kononenko aboard, landed in Kazakhstan at 7:59am ET today. More… https://t.co/RYIAX6voqf pic.twitter.com/HCAewHyjik
— International Space Station (@Space_Station) September 23, 2024