Иран потајно се обидува да набави технологија и експерти кои би му овозможиле изградба на нуклеарни постројки, се наведува во извештајот на европски разузнавачки служби, чии делови денеска објави лондонски “Гардијан“.

Иран потајно се обидува да набави технологија и експерти кои би му овозможиле изградба на нуклеарни постројки, се наведува во извештајот на европски разузнавачки служби, чии делови денеска објави лондонски “Гардијан“.

Плановите за набавка на нуклеарна технологија опфаќаат региони од Европа до Северна Кореја и држави на бившиот Советски сојуз, пишува весникот, повикувајќи се на неименувани разузнавачки извори.

Извештајот е напишан на 55 страници, со датум од 1. јули, минатата година, а содржи материјал што го собрале британски, француски, германски и белгиски служби, со цел да ги информираат министрите на европските влади, пишува “Гардијан“.

Документот е објавен во време кога Иран и Запад не можат да го решат спорот околу иранската нуклеарна програма.

Авторите на извештајот предупредуваат дека Иран изградил мрежа од фирми што служат како параван, како и посредници и академици задолжени за информации и материјал за изградба на нуклеарен, биолошки и хемиски арсенал.

Според “Гардијан“, во документот детално се наведуваат обидите на Техеран да изработи ракета што би ја достигнала јужна Европа.

Цел на документот е да се предупредат европските фирми кои работат со овие компании-паравани, иако не се наведени имињата на западните фирми за кои се претпоставува дека соработуваат со Иран, Северна Кореја, Сирија или Пакистан.

САД и ЕУ стравуваат дека иранската цивилна нуклеарна програма е всушност параван за програма за изработка на нуклеарно оружје. Иран од друга страна, постојано тврди, дека нуклеарната технологија му е потребна за производство на електрична енергија.

/Крај/хи/ис/б