Uncategorized
Тајната на корпорацијата „Гугл“
![](https://makfax.com.mk/wp-content/uploads/2016/11/e4aecd78-cde1-41b3-b262-319a040cc164.jpeg)
Гугл гради огромна зграда со големина на две фудбалски игралишта во градот Дејлс, што се наоѓа крај реката Колумбиа. Што се крие во таа зграда уште никој не знае.
Гугл гради огромна зграда со големина на две фудбалски игралишта во градот Дејлс, што се наоѓа крај реката Колумбиа. Што се крие во таа зграда уште никој не знае.
Градот Дејлс во државата Орегон, е цел на најновата инвестиција на Гугл. Огромна зграда со големина на две фудбалски игралишта, со две кули за ладење, предизвикува љубопитност како на месното население, така и на минувачите.
Пристапот до зградата не е дозволен, а градските власти се под договор за тајност потпишан минатата година со Гугл. Иако, официјално ништо не се говори, јасно е дека Гугл гради суперкомпјутер, а двете кули за ладење доволно говорат за тоа колку „супер“ ќе биде тој компјутер.
Локацијата на градот е погодна поради близина на хидроелектрана, што на градбата на Гугл ќе и обезбеди ефтина енергија, а сепак не се наоѓа далеку од телекомуникациските центри.
Жителите се задоволни со својот нов сосед, бидејќи цената на недвижнини скокнала за 40 проценти. Многу компании работат на изградбата на зградата, а по нејзиното завршување погонот ќе вработи 200 работници. Завршувањето на работата се планира до крајот на годинава.
Овој проект е дел од стратегијата на Гугл во војната на веб пребарувачите, кои со процесорската сила се обидуваат да го направат што полесно и попријатно пребарувањето на интернет.
Но, во играта не е само Гугл. Мајкрософт и Јаху нудат многу други поквалитетни услуги, како што се и-мејл, видео и аудио даунлод, е-продажба и слично.
Мајкрософт во наредната година планира да вложи две милијарди долари во својот МСН, но аналитичарите предвидуваат дека тоа ќе биде доволно само да го достигне Гугл, кој, како што се верува, ќе оди уште подалеку, поради инвестициите вредни 1,5 милијарди долари.
Проектот на Гугл покажува дека основа за успех во тој сегмент е големата компјутерска моќ и нејзиното искористување.
Моментално никој не знае колку сервери има Гугл, а се проценува дека ги има преку 450 илјади на 25 локации во светот. Мајкрософт брои околу 200 илјади сервери, со план за зголемување на 800 илјади до 2011.
Колку за споредба, Гугл во 2001, кога имал 70 милиони отварања на страни дневно, броел осум илјади сервери.
/макфакс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Uncategorized
Средба на претседателот Африм Гаши со италијанскиот амбасадор Андреа Силвестри
![](https://makfax.com.mk/wp-content/uploads/2024/06/gashi-silvestri2.jpg)
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.
Uncategorized
Се обиделе да ограбат црква, па го нападнале клисарот: уапсени разбојници во Радовиш
![](https://makfax.com.mk/wp-content/uploads/2024/05/црква.jpg)
Вчера во 13.30 часот во Радовиш, полициски службеници од Одделението за внатрешни работи Радовиш ги лишиле од слобода С.Р.(37) од Република Хрватска и А.К.(37) од Радовиш.
Тие се сомничат дека околу 07.30 часот од црква во Радовиш се обиделе да одземат пари, а откако биле забележани од клисарот во црквата, А.К. физички го нападнала, а С.Р. му се заканил со остар предмет, по што го напуштиле местото.
Во службен разговор во Полициската станица Радовиш тие го признале делото, по што биле задржани. За настанот бил запознаен јавен обвинител од Основното јавно обвинителство Струмица и по документирање на случајот против нив ќе биде поднесена соодветна пријава.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
![](https://makfax.com.mk/wp-content/uploads/2024/05/thumbnail_Slika-1.jpg)
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.