Uncategorized
Јапонец и двајца Американци-добитници на Нобел за хемија
Добитници на Нобелова награда за хемија годинава се Американците Роџер Циен и Мартин Шалфи, и Јапонецот Осама Шимомура, за откритие во областа на биохемија, соопшти денеска Шведската кралска академија за наука во Стокхолм.
Добитници на Нобелова награда за хемија годинава се Американците Роџер Циен и Мартин Шалфи, и Јапонецот Осама Шимомура, за откритие во областа на биохемија, соопшти денеска Шведската кралска академија за наука во Стокхолм.
Тројцата ја добија наградата за откритието на зелениот флуоросцентен протеин (ГФП), откриен во 1962 година во медузата Auequorea victoria.
Во образложението на Нобеловиот комитет се наведува дека Нобеловата награда за хемија, годинава, е доделена за откритието на ГФП и се истакнува неговото значење во развојот на биохемијата.
ГФП, поради светлото што го емитува, стана важно орудие во подрачјето на биохемијата, молекуларната биологија и други дисциплини.
Овозможи следење на дотогаш невидливи процеси, како што е развој на нервните ќелии во мозокот и ширење на ќелиите на ракот. ГФП, при илуминација со УВ зрачење, емитува зелено светло.
Научниците можат, користејќи го ГФП, да следат различни типови на ќелии. Со помош на ДНК технологијата, ГФП се користи и во проучување на експресијата на гените и за следење на протеините и нивните интеракции со обележани протеини.
Тројцата научници ќе добијат по една третина од наградата што изнесува 1,02 милиони евра, а на лауреатите официјално им се доделува на церемонија во Стокхолм на 10 декември.
Нобеловата награда, наречена по нејзиниот основач, шведскиот научник и изумител на динамитот Алфред Нобел, е меѓународна награда што од 1901 секоја година се доделува на истакнати личности од областа на физиката, хемијата, медицината, книжевноста и за придонес на мирот во светот.
/крај/бе/ис
Copyright
2008
makfax
. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Полскиот премиер: Ако видите германски војници, не паничете
Најлошите поплави што ја погодија централна Европа во најмалку две децении оставија страшна трага на уништување од Романија до Полска, со тони кал и урнатини во градовите, уништени мостови, потопени автомобили и на крајот од драмата во срцето на Европа, сметките за штети ќе се мерат во милијарди долари.
Градовите јужно од Вроцлав, како што е Левин Брзески, веќе ја почувствуваа целата сила на поплавите принудувајќи ги жителите да минуваат низ водата до половината или да бараат засолниште на покривите на зградите.
Германија им дојде на помош на Полјаците. Тоа беше можност за примеси на хумор во инаку незавидна ситуација. Така полскиот премиер Доналд Туск на хумористичен начин го најави доаѓањето на германски доброволци и војници, кои ќе им помогнат на Полјаците во санирањето на последиците од поплавите.
“If you see German soldiers, don’t panic. They’re here to help,” says Polish PM @donaldtusk after announcing that German troops were volunteering to help tackle the floods in Poland pic.twitter.com/h8XwO2egG3
— Daniel Tilles (@danieltilles1) September 19, 2024
„Ако видите германски војници, не паничете. Дојдоа да помогнат“, рече тој.
Инвазијата на Полска од страна на германските војници на 1 септември 1939 година се смета за почеток на Втората светска војна.
За време на германската окупација 6 милиони Полјаци ги загубија животите, а повеќе од илјада села и градови беа срамнети со земјата.
Uncategorized
(Видео) Во БиХ падна првиот снег
Во Босна и Херцеговина падна првиот снег на планините Бјелашница, Јахорина и Влашиќ. До утрово остана само на Јахорина, покажуваат веб-камерите.
Според прогнозите на Федералниот хидрометеоролошки завод денеска во БиХ ќе биде претежно облачно.
Претпладне се очекуваат врнежи од дожд низ земјата, а на планините можен е и слаб снег.
Вака изгледаше Бјелашница синоќа.
Uncategorized
„Како политичари, наша задача е да ги насочуваме нашите народи кон иднина што ги надминува историските предизвици и ја прифаќа колективната европска судбина“, Муртезани на БИФ форумот во Подгорица
Министерот за европски прашања, Орхан Муртезани, попладнево учествуваше на „Балканскиот интегративен форум 2024“ (BIF2024), кој од 12-ти до 14-ти септември 2024 година, се одржува во Подгорица, Црна Гора.
На панелот со тема „Политички и технички преглед на процесот на интеграции во ЕУ на секоја од земјите на Западен Балкан“, министерот Муртезани се осврна на комплексниот евроинтегративен пат, кој има огромно политичко и економско значење за Западен Балкан.
„Овој процес, кој ја поврзува иднината на нашиот регион со визијата за обединета Европа, не е само бирократска вежба на исполнување зададени обврски; туку е чисто политички потфат. Претставува егзистенцијален избор, кој има за цел да ги преструктуира општествата, да поттикне стабилност и да ги вгради начелата на демократијата, владеењето на правото и заедничкиот просперитет во ткивото на нашите нации.“ – нагласи Муртезани.