Uncategorized
Владата ќе се соочи со лавина тужби за разрешувањата
Сменетите во пакет очекуваат Врховниот суд да ги поништи владините решенија и да ги врати на функциите
Сменетите во пакет очекуваат Врховниот суд да ги поништи владините решенија и да ги врати на функциите
КАТИЦА ЧАНГОВА
Владата, во текот на идната недела, ќе се соочи со лавина тужби од разрешените функционери, предвидуваат експертите по управно право, потенцирајќи дека декретот е неуставен и незаконски чин. Причина: Владата не ги имала предвид новините во Законот за управните спорови, што дава можност да се поднесува тужба против решенијата на извршната власт. Според овој правен акт, надлежноста во најавениот бран судски процеси е кај Врховниот суд сж до 1 јануари 2007 година додека не биде формиран управен суд. Врховниот суд може да ги поништи решенијата врз основа на поединечна тужба.
Носителите на јавни функции сменети во пакет на првата владина седница одржана на 29 август очекуваат Врховниот суд да ги поништи решенијата и да ги врати на функциите. Голема е веројатноста дека од Буџетот ќе бидат обесштетени тужителите за неземени плати и надоместоци.
Идентични ставови кои се совпаѓаат со експертските ставови за разрешувањата завчера презентира и Антикорупциската комисија, укажувајќи дека Владата не ги испочитувала Уставот и законите, како ни пропишаните процедури и критериуми. Антикорупционерите се изјаснија дека непочитувањето на процедурите не само што е во спротивност со владеење на правото туку и во целост ги урива принципите за деполитизација и професионализација на јавната администрација. Единствено Владата која е креатор на одлуката за пакет-разрешувањата опстојува на уверувањата дека постапила исправно и дека не направила пропусти. Што се однесува до заканите за сериозни штети во Буџетот, портпаролот на Владата вели дека не може уште отсега да се знае дали навистина ќе биде така.
„Владата ја утнала работата уште на првата седница. Одлуката на Владата донесена на 29 август е спротивна на Уставот и на законите. Најголемата грешка е во тоа што сите именувани функционери од претходната власт со заклучок се разрешени. Владата тврди дека не донела генерална одлука за разрешување, меѓутоа заклучок претставува акт. Тоа е општ акт што сигурно постои, а кога ќе се најде, тогаш Уставниот суд ќе го поништи. Законот за пристап до информации дефинира дека за да не биде објавен акт, треба да носи посебна шифра која се определува на самата владина седница како „строго доверлив материјал". Вакво нешто нема, нејасно е зошто, а тоа само упатува на класична незаконитост во работењето на Владата", изјави професор Ана Павловска-Данева од Правниот факултет во Скопје. Таа не верува дека 544 поединечни решенија или уште повеќе можеле да се подготват во ист ден за да важат од тогаш, а не од денот на објавувањето во „Службен весник". Владиниот потег го коментира како недоволно обмислен и како типичен споилс систем за добивање функции, што ќе рече сега го земам пленот од добивање на власта, „сж ќе тргнам и ќе ставам свои луѓе". Во законите вградуваме одредби за практикување на системот на меритократија-добивање јавни функции по заслуга, а во реалноста ни се случува споилсот.
Познавачите на управната материја се убедени дека врховните судии, вкупно девет за овој дел, ќе бидат затрупани со предмети. Најверојатно ќе си ја олеснат работата, прогласувајќи ги решенијата на Владата за незаконити. Поништувањето ќе го направат раководејќи се од тоа што ниту едно решение не содржи образложение. „Самата ништавност значи дека целата ситуација се враќа назад, како воопшто да не постоело решение. Во таква ситуација ќе се чека на нова одлука на Владата која може да биде иста, но оштетениот има повторно право на жалба. Врховниот суд во втор обид ќе пресуди полесно и мериторно по предметот. Ако Владата си ја признае грешката, сите разрешени се враќаат на функциите каде што биле. Ако има двојни тимови, нека му ја мисли Владата", вели Павловска-Данева, и самата разрешена од местото претседател на Управен одбор во МАПАС, Агенција за супервизија на капитално финансирано пензиско осигурување.
„Ова е чисто стручен орган што нема врска со политика. Имам мандат од седум години што ми истекува по четири години. За разрешувањето добив групно решение со уште четворица членови на УО. Има наведени случаи кога членовите на овој УО, како и директорот на МАПАС, се разрешуваат: смрт, кривично дело, повлекување по сопствена желба, губење деловна способност и неисполнување на работни обврски. Членовите на УО не засноваат работен однос во МАПАС, а никој од нас не умре, не изгуби деловна способност, не направи кривично дело и не побара да си оди. Ова е веќе материјална причина која ќе падне на Врховен по поднесување на тужбите. Може ли сите пет наеднаш да бидат разрешени, дали сите на ист начин сме згрешиле", прашува Павловска-Данева.
Според неа, овие конкретни акти (поединечните решенија) се огромна грешка на извршната власт која може да оди на штета на државата и на Буџетот, но и на одговорност на Владата. Тие се нецелосни, немаат увод – не се наведува точната законска основа по која е донесено решение, нема задолжително образложение и правна поука. Без овие елементи решението се смета за ништовно, исто како да го нема.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.
Uncategorized
(Видео) Руска вселенска капсула слета на Земјата, поставен нов рекорд: астронаутите поминале 374 дена во вселената
Руската вселенска капсула „Сојуз МС-25“ слета денеска во степите на Казахстан со двајца руски и еден американски астронаут, кои престојуваа на Меѓународната вселенска станица (МВС).
Капсулата „Сојуз“ со космонаутите на „Роскосмос“, Николај Чуб и Олег Кононенко, и астронаутот на НАСА, Трејси Дајсон, слета на Земјата во 11.59 часот по локално време, јавува „Ројтерс“.
Кононенко и Чаб заминаа кон вселенската станица на 15 септември 2023 година и во петокот го поставија рекордот за најдолга континуирана мисија на ISS поминувајќи вкупно 374 дена во вселената.
Welcome home!
The Soyuz MS-25 spacecraft, with NASA astronaut Tracy C. Dyson and cosmonauts Nikolai Chub and Oleg Kononenko aboard, landed in Kazakhstan at 7:59am ET today. More… https://t.co/RYIAX6voqf pic.twitter.com/HCAewHyjik
— International Space Station (@Space_Station) September 23, 2024