Европа
Камерон појасни дека 200.000 фунти му се подарени
Британскиот премиер Дејвид Камерон добил на подарок од мајка му 200.000 фунти покрај 300.000 фунти кои ги наследил по смртта на татко му Јан Камерион, кој се споменува во скандалот Panama Papers за тоа како преку офшор компании светските државници и славни личности во даночните оази ги кријат парите и ги избегнуваат даноците, покажува даночната пријава на премиерот.
Телевизијата Sky News, којашто имала увид во имотната состојба на британскиот премиер Дејвид Камерон, пишува дека „според пријавените податоци, премиерот преземал чекори без преседан (досега ниеден британски премиер јавно не ја објавил својата имотна пријава – з.р.) да излезе во јавности со детали за своите финансиски приходи во обидот да стави крај на даночниот скандал поврзан со неговото семејство“.
Претходно во саботата Камерон го повтори ветувањето дека наскоро ќе ги објави своите даночни пријави за последните неколку години, што досега ниеден премиер на Велика Британија не го сторил.
Според податоците на Sky News, во фискалната 2104/2015 година, даночната пријава на премиерот опфаќа 200.000 фунти, а повеќе од 45.000 фунти добил од изнајмувањето на неговиот дом во Лондон. Минатата година контото на Камерон се зголемило за 3.000 фунти, од камата на банкарски влог.
Германскиот весник Sueddeutsche Zeitung минатата недела објави документи коишто протекоа од панамската адвокатска канцеларија „Mossack Fonseca“ кои укажуваат на инволвираноста на многу светски лидери и нивни блиски во офшор шеми. Во документите, меѓу другите, се споменува и името на Јан Камерон, покојниот татко на британскиот премиер, како еден од петте директори на офшор компанијата „Blairmore Holdings“.
По неколкудневно молчење британскиот премиер Дејвид Камерон призна во саботата дека морал подобро да реагира во врска со скандалот Panama Papers, два дена откако под силни притисоци на јавноста и опозицијата призна дека до 2010 година поседувал удели во фонд на неговиот татко регистриран на Бахами. Јан Камерон, почина во 2010-та а истата година Дејвид Камерон ги продал уделите за 30.000 фунти, само неколку месеци пред да биде избран на должноста.
Сепак, не толку поради фактот дека Камерон во минатото поседувал акции во офшор инвестициски фонд, жестоки реакции кај неговите политички противници предизвика тоа што премиерот веднаш не признал дека ги поседувал спомнатите акции, и оти пред појавувањето на документите тој и неговиот кабинет дадоа неколку изјави во кои одрекуваа негова поврзаност со „Bliarmore Holdings“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.