Uncategorized
One man show
One man show? Ако тоа шоу е добро, зошто да не?!
Вчерашното (9 март) започнување на вториот фестивал на пантомима и телесен театар „Панфиз“ во МНТ, со претставата „Монолози со куфер“ на Герасим Дишлиев, еден од бројните бугарски ученици на славниот Марсел Марсо, сосема консенквентно ја прикажува естетската линија на овој „мал“ фестивал.
Трајче Георгиев, еден од ретките следбеници на техниката – и филозофијата, би рекле – на мимот на споменатиот Марсо кај нас и one man show на „Панфиз“ (основач, директор, менаџер, организатор…), покажува како од ништо може да се направи нешто. И без многу пари: пантомимата се задоволува со телото на актерот и неговите изразни можности, без многу пратечка сценографија. Поточно, без воопшто комплицирана логистика: на Дишлиев му беа доволни еден стар куфер, исто толку стара наметка и еден час за да претстави големо „мало“ дело за беспаќата на еден актер-пантомимичар кој од родниот Свиленград заминува во Париз, да си ја испроба среќата на некоја од (без)бројните аудиции. Доволно за една животна приказна, како за сценско претставување, така и за цел еден актерски живот. Ако, се разбира, се има доволно љубов за таа професија. Во раѓањето на новата ера на општата рецесија, Георгиев, Дишлиев и останатите протагонисти кои ќе продефилираат на програмата на „Панфиз“ следниве пет дена на сцената на МНТ, покажуваат како минусот од економски средства може да се претвори во креативен плус. Куферот на Дишлиев – низ неговиот телесен говор – во монологот има ваква поента: „Куфер, паралелопипедно затворено пространство кое во времето на едно патување голта гаќи, чорапи, четка за заби, патики, мечти, спомени, копнежи, надежи. Голта и претвора. Спомените во насмевки од стари фотографии. Мечтите во солзи. Патиките во прегратки. Никогаш нема да го заборавам денот кога тргнав на пат со мојот куфер. Секој да си го знае куферот. Секој куфер да си го знае патот. Тоа е мојот куфер, мојот пат.“ Куферот на мимот, лека-полека, стана и наш редовен гостин. Добредојден е.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Гаши на средба со амбасадорот на Австралија: Разговарано за билатералните односи меѓу двете земји
Претседателот на Собранието, Африм Гаши, се сретна со Даниел Џозеф Емери, амбасадор на Австралија за Република Северна Македонија (со седиште во Белград, Република Србија).
На средбата се разговараше за билатералните односи меѓу двете земји, а Гаши го запозна амбасадорот и со чекорите на Северна Македонија во насока на остварување на своите стратешки цели за што во континуитет имаме поддршка од нашите пријателски земји, меѓу кои и Австралија.
Гаши нагласи дека Северна Македонија и Австралија, иако се просторно многу далечни, всушност негуваат мошне блиски и пријателски односи и споделуваат слични вредности, особено во поглед на светскиот мир и демократијата.
Беше посочено дека наредната година се заокружуваат 30 години од воспоставувањето на билатералните односи меѓу двете земји. Тоа, како што беше заклучено, претставува дополнителен поттик за понатамошно продлабочување на соработката и во делот на економијата и инвестициите, особено ако се има предвид дека голем број граѓани по потекло од земјава живеат и работат во Австралија.
Соговорниците ја оценија како позитивна и продуктивна комуникацијата на ниво на парламенти и преку пратеничките групи за соработка, а во однос на мултилатералната соработка беше посебно истакнато партнерството во рамките на НАТО и членството во Обединетите нации.
Uncategorized
Таравари: Објавен тендер за компресорите во хируршките сали, кои не работат
Во моментот се работи и на изнаоѓање решение за дигитализација во здравството, како и за унапредување на дигиталната инфраструктура.
Uncategorized
Заев и Ципрас му врачија на награда на Нимиц: „Ни порача да го чуваме и целосно да го имплементираме Преспанскиот договор“
Експремиерите Зоран Заев и Алексис Ципрас му ја врачија Наградата за мир Преспа на поранешниот медијатор Метју Нимиц, најавувајќи дека традиционално оваа награда ќе се доделува секоја година на денот кога се одбележува Преспанскиот договор.
„Нимиц имаше трпение повеќе од две децении од својот живот да посвети на барање решение за спорот за името. Со неговата поддршка и посветеност изградивме меѓусебна соработка и дојдовме до решение не само за името, туку отворивме порта за соработка за двете земји за подобра иднина на нашите народи, но и за иднината на регионот. Му благодарам на амбасадорот Метју Нимиц кој ни помогна да стигнеме до решение кое денес е модел за решавање многу спорови“, напиша Заев на социјалните мрежи.
Нимиц им порачал да го чуваат и негуваат Преспанскиот договор и целосно да го имплементираат.
Во Атина се одржа Меѓународна конференција за мир и одржлив развој, по повод шестгодишнината од потпишувањето на Преспанскиот договор.