Uncategorized
Филмографија на Фатих Акин
Гете-институт во соработка со Кинотеката на Македонија од 3 до 9 јуни ја прикажува ретроспективата на германскиот режисер, сценарист, актер и продуцент Фатих Акин
Фатих Акин (1973) е еден од најпознатите германски режисери од помладата генерација. Неговите филмови најмногу го тематизираат конфликтот меѓу неговото турско потекло и животот во Германија како режисер. „Доаѓам од Хамбург и Истанбул, животот ми се состои од спротивности. Моите филмови се слики, во кои, се разбира, јасно се изразени овие спротивности“, вели Акин.Ретроспективата на Акин започнува со проекцијата на документарниот филм „Минувајќи го мостот: Звукот на Истанбул“ (2005). Овој филм претставува фасцинантна документација за разноликиот музички живот во турската метропола. Филмот воедно е и дел од програмата на фестивалот „Off-fest 2009“. Понатаму следуваат филмовите: „Брзо и безболно“ (1998), „Во јули“ (2000), „Солино“ (2002), „Со глава во ѕид“ (2004) и „На работ на рајот“ (2007).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.