Uncategorized
Редовно пиење зелен чај ја намалува смртноста
Редовно пиење зелен чај ја намалува смртноста во значителна мерка, бидејќи е превенција од широк спектар болести.
Редовно пиење зелен чај ја намалува смртноста во значителна мерка, бидејќи е превенција од широк спектар болести.
Ова, како што пренесува Макфакс, го открија јапонски научници кои со години вршеле истражување кај 40 илјади луѓе.
Според податоците објавени во последниот број на Магазинот на Американската лекарска асоцијација, најспектакуларни резултати биле откриени во употребата на зелениот чај и неговата превенција од кардиоваскуларни болести, при што се дошло до заклучок, дека редовното пиење ја намалува смртноста дури за четвртина, а пиењето пет или повеќе шољи на ден, го зголемува процентот на заштита до 31 насто.
Студијата започнала уште во 1994 од научници на Тохоку универзитетот, чија крајна цел била да се открие ползата од редовно пиење на зелениот чај.
Со испитувањата биле опфатени 40.530 здрави возрасни лица помеѓу 40 и 79 години во североисточна Јапонија, каде што зелениот чај е во широка употреба.
Околу 80 насто од луѓето во тој регион редовно пијат зелен чај, а половината пијат три или повеќе шољи на ден.
За време на испитувањето кое траело над 11 години, од 40.те илјади испитаници умреле 4.209 луѓе од најразлични болести.
Научниците ги споредиле причините за смрт на овие лица, со причините и бројноста на смртните случаи кај лица што пијат помалку од една шоља на ден од зелениот чај, во истиот период од 11 години.
Притоа, се дошло до заклучок, дека општо, смртноста кај лицата што го консумираат редовно чајот, е за 16 отсто помала.
Нема директна поврзаност на пиењето на зелениот чај со намалување на ризикот од заболување од канцерогени болести, но затоа со сигурност е утврдено дека околу 26 отсто од луѓето се спасиле од кардиоваскуларни болести како предизвикувачи на смрт.
Истовремено е откриено, дека благотворните дејства на зелениот чај се поизразени кај жените, отколку кај мажите.
Британски експерти, меѓутоа, изразија сомневање дека ползата е само од чајот. Тие мислат оти малата смртност, особено од кардиоваскуларните болести е поизразена со севкупната јапонска диетална исхрана.
/крај/ббц/тб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Минчев – Жариќ-Ковачевиќ: Зајакнување на билатералната соработка меѓу Република Македонија и Република Србија во јавната администрација
Во рамки на зајакнување на регионалната соработка, Министерот за јавна администрација на Република Македонија, Горан Минчев, оствари билатерална средба со Министерката за јавна администрација и локална самоуправа на Република Србија, Јелена Жариќ Ковачевиќ, на која разговараа за областите на соработка насочени кон унапредување на системите на јавна администрација во двете земји.
На средбата беа истакнати одличните релации меѓу држави, при што двајцата министри изразија заедничка посветеност за продлабочување на соработката во областа на владеењето и административните реформи.
Во таа насока, заложбите на двете страни кулминираа со договор за потпишување на Меморандум за соработка во перидот кој следи, а кој ќе ја формализира размената на најдобри практики, заеднички иницијативи и споделена експертиза во јавната администрација.
„Потпишувањето на овој меморандум за соработка ќе означи ново поглавје во партнерството меѓу Република Македонија и Република Србија во областа на јавната администрација, едновремено истакнувајќи ја нашата заедничка цел, а тоа е модернизирање на јавна администрација и унапредување и зајакнување на процесите и капацитетите кои произлегуваат од неа.”- истакна министерот Минчев.
Министерката Жариќ Ковачевиќ ја потврди оваа иницијатива, истакнувајќи ја важноста на регионалните партнерства во поттикнувањето на реформите кои ќе ја подобрат испораката на јавните услуги за граѓаните во двете земји.
Двете министерства ќе се заложат преку редовни консултации и состаноци да работат на конкретни процеси кои ќе придонесат за ефективна имплементација на реформите во јавната администрација, а кои ќе бидат дел од Меморандумот за соработка.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.