Претставници на Европската унија, САД, Кина и Русија денеска во Лондон треба да го разгледаат прашањето на иранската нуклеарна програма што повторно се заостри откако Техеран соопшти дека ги продолжува нуклеарните истражувања.

Претставници на Европската унија, САД, Кина и Русија денеска во Лондон треба да го разгледаат прашањето на иранската нуклеарна програма, што повторно се заостри откако Техеран соопшти дека ги продолжува нуклеарните истражувања.

Според најавите, западните дипломати на средбата во Лондон ќе ја разгледаат можноста за префрлување на иранското прашање пред Советот за безбедност на Обединетите нации.

Доколку тоа се случи, а минатата недела го најавија американската и британската страна, Советот за безбедност би можел да воведе санкции против Иран поради сомневањата дека заднината на неговата нуклеарна програма е да произведува атомски бомби.

Иранскиот претседател Махмуд Ахмадинеџад викендот истакна дека Иран нема намера да ја ограничи нуклеарната програма, дури и ако тоа му го нареди Советот за безбедност на ОН.

Тој додаде дека Иран не се стреми да се здобие со нуклеарно оружје.

Иранскиот министер за стопанство Даву Данеш – Џафари синоќа предупреди дека било какви санкции што би биле воведени на Иран поради неговата спорна нуклеарна програма ќе ја поскапат светската нафта, “над нивото што Западот го очекува“.

По ваквата најава на Иран, кој е четврти по големи извозник на сурова нафта во светот и втор во ОПЕК, неговиот клучен увозник Кина соопшти дека повеќе сака целиот проблем околу иранското прашање да се решава надвор од Обединетите нации.

Германија, која е најголем извозник во Иран, исто така, предупреди дека економски санкции би биле “многу опасни“, наведувајќи дека забрана за патување во странство на иранските политичари би било подобро решение./крај/б/бгнес/ег/