Uncategorized
Вонбрачниот син на Нијазов најверојатно нов претседател на Туркменистан
Вонбрачниот
син на починатиот претседател на Туркменистан, Сапармурат Нијазов-Тукменбаши,
најверојатно ќе го наследи својот татко на функцијата претседател на државата.
Вонбрачниот
син на починатиот претседател на Туркменистан, Сапармурат Нијазов-Тукменбаши,
најверојатно ќе го наследи својот татко на функцијата претседател на државата.
Изборите
за наследник на Нијазов најавени се за 11 февруари, а Народното собрание
потврди дека има пет кандидати.
Двајца
од нив се сметаат за сериозни, а останатите тројца само формално пополнуваат
место, оценуваат светските медиуми.
Вицепремиерот
Гурбангули Бердимухамедов, кој беше на чело на одборот за погреб на диктаторот
Нијазов, што се оценува за знак за успех на престојните избори, се издвојува
како најсериозен кандидат за туркменистанскиот трон.
Покрај
останатите предности кои Бердимухамедов ги има над останатите кандидати,
деновиве е откриен и неговиот главен адут, а тоа е дека тој е вонбрачен син на
Нијазов.
Втор
сериозен кандидат за иден претседател на државата се издвојува шефот на личната
гарда на починатиот Нијазов, Акмурад Реџепов.
Дел
од опозицијата, кој се наоѓа во егзил, најави вклучување во претседателските
избори, но властите веќе презедоа одредени мерки со цел да спречат некое
непријатно изненадување.
Границата
со соседен Узбекистан веќе е целосно затворена, а издадена е наредбата до сите
конзулати на Туркменистан во светот да не издаваат визи за влез во земјата.
Светските
весници пишуваат дека ништо не се препушта на случајот, уапсени се 140
припадници на полицијата, по што Министерот за внатрешни работи ја повлекол својата
кандидатура.
Дисидентот
Нурберди Нурмамадов, кој ја истакна својата кандидатура, утрината исчезнал,
откако претходно излегол до најблиската трафика да купи весник.
Худајберти
Оразов, беше повнимателен од Нурмамадов и својата кандидатура ја најави од
Шведска, но Народниот совет се уште ја нема потврдено кандидатурата.
Неодамна починатиот Нијазов, кој беше избран за доживотен претседател на
Турменистан, 21 година со цврста тупаница владееше со земјата.
/крај/б/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.
Uncategorized
(Видео) Руска вселенска капсула слета на Земјата, поставен нов рекорд: астронаутите поминале 374 дена во вселената
Руската вселенска капсула „Сојуз МС-25“ слета денеска во степите на Казахстан со двајца руски и еден американски астронаут, кои престојуваа на Меѓународната вселенска станица (МВС).
Капсулата „Сојуз“ со космонаутите на „Роскосмос“, Николај Чуб и Олег Кононенко, и астронаутот на НАСА, Трејси Дајсон, слета на Земјата во 11.59 часот по локално време, јавува „Ројтерс“.
Кононенко и Чаб заминаа кон вселенската станица на 15 септември 2023 година и во петокот го поставија рекордот за најдолга континуирана мисија на ISS поминувајќи вкупно 374 дена во вселената.
Welcome home!
The Soyuz MS-25 spacecraft, with NASA astronaut Tracy C. Dyson and cosmonauts Nikolai Chub and Oleg Kononenko aboard, landed in Kazakhstan at 7:59am ET today. More… https://t.co/RYIAX6voqf pic.twitter.com/HCAewHyjik
— International Space Station (@Space_Station) September 23, 2024