Потрагата по детето кое исчезна во Сава во Загреб продолжува и денеска. Во четвртокот, спасувачките служби го напуштија местото на настанот во вечерните часови бидејќи поради високиот водостој и слабата видливост повеќе не можеше да се пребара просторот околу реката.

Полициската управа во Загреб во четвртокот соопшти дека не се пронајдени траги. Спасувачките екипи со чамци, беспилотни летала и подводни скенери ја пребарале областа по целото течение на реката во Загреб и загрепската жупанија, пренесува Index.hr.

Потрагата започнала по повик на мајката (34) во средата околу 16.10 часот. Според сигурни извори, таа не кажала експлицитно дека го убила детето, но она што го кажала веднаш ја навело полицијата да се посомнева дека сторила кривично дело.

Таа меѓу изјавите навела дека во Сава влегла со детето во раце, а сето она што го кажала дополнително го потврдило сомнежот дека се работи за убиство на сопственото дете.

Според написите, изгледала дезориентирана, па била предадена на лекарската помош.

Полицијата врз основа на изјавите на мајката и состојбата ја исклучила можноста дека се случила несреќа во која детето паднало во реката. Облеката на мајката била мокра, што го потврдило нејзиниот престој во Сава, но исклучена е и можноста за обид за самоубиство со детето во раце.

Во еден момент, откако влегла во Сава со детето, таа очигледно го испуштила низ реката. Се уште не е јасно дали детето се удавило или веќе било убиено. Точната причина ќе ја утврди истрагата, но телото на детето се уште не е пронајдено.

Мајката беше официјално уапсена вчера и осомничена за тешко убиство. По притворот таа повторно ќе биде сослушана, овојпат пред обвинител. Семејството ангажирало адвокат кој подоцна објавил дека нема да ја застапува мајката, па таа ќе добие адвокат по службена должност.

Полицијата го испрашала и сопругот, како и неколку лица кои би можеле да помогнат во истрагата.

Брачната двојка има уште едно петгодишно дете. Мотивот на мајката што го фрлила помалото дете во реката Сава се уште не е јасен, но достапните информации укажуваат дека таа претходно била лекувана од психички проблеми, пишува медиумот.

„Вчера, 15 јануари, околу 16.10 часот, полицијата одговорила на повик од жена (34) која пријавила дека со дете во раце влегла во Сава кај мостот Јанкомир. По укажаната лекарска помош, жената е уапсена и приведена во полициските простории поради сомнение за тешко убиство на блиско лице“, соопшти загрепската полиција.

Од Хрватскиот завод за социјална работа потврдија дека семејството не било под надзор или третман на надлежен центар, ниту пак биле преземени мерки за семејно-правна заштита.

Седмиот пробен лет на вселенското летало Starship, проект на SpaceX, заврши со губење на леталото по низа технички тешкотии. Летот, кој започна ветувачки, вклучуваше тестирање на голем број надградби, вклучувајќи поголеми резервоари за гориво, нов компјутерски систем за летање и подобрена авионика.

Success is uncertain, but entertainment is guaranteed! ✨
pic.twitter.com/nn3PiP8XwG

— Elon Musk (@elonmusk) January 16, 2025

Леталото успешно се одвои од засилувачот на ракетата „Супер Хеви“ и ги покрена шесте мотори, но проблемите започнаа околу пет минути по одвојувањето, кога откажа еден од внатрешните мотори. Во следните неколку секунди дошло до дефекти и кај останатите мотори.

До осмата минута од летот, речиси сите мотори престанаа да работат, а контролниот тим на SpaceX ја изгуби способноста да го контролира леталото. Десет минути по лансирањето, беше потврдено дека Starship е изгубен.

Holy crap!!!! This is a view of Starship breaking up from an airplane!
pic.twitter.com/KteXEfvuWS

— Lincoln (@MobofJoggers) January 17, 2025

Овој неуспех доаѓа по неколку успешни тестови кои овозможија контролирани слетувања во Индискиот Океан. Иако резултатите се разочарувачки, SpaceX потврди дека искуството од овој лет ќе помогне да се подобри технологијата за идните мисии.

After SpaceX Starship’s rapid unscheduled disassembly, our most tracked flights are all aircraft holding or diverting to avoid any potential debris. https://t.co/CzXnD5YvZg pic.twitter.com/4FTa4zI24V

— Flightradar24 (@flightradar24) January 16, 2025

Flightradar24, онлајн веб-страница посветена на воздушниот сообраќај, објави на социјалните мрежи дека авионите се пренасочуваат во областа каде што беше уништен Starship.

Доналд Трамп назначи тројца негови долгогодишни славни поддржувачи – Мел Гибсон, Силвестер Сталоне и Џон Војт – за „специјални амбасадори“ на Холивуд, со цел да ја направат филмската индустрија „посилна од кога било досега“, пишува „Гардијан“.

Новоизбраниот претседател ги објави овие назначувања, чии одговорности се уште не се познати, на платформата Truth Social во четвртокот, четири дена пред неговата инаугурација. „Чест ми е да ги најавам Џон Војт, Мел Гибсон и Силвестер Сталоне како специјални амбасадори на едно големо, но многу проблематично место – Холивуд, Калифорнија“, напиша тој.

„Нивната улога ќе биде да бидат мои специјални пратеници, со цел Холивуд, кој изгуби многу бизнис во странство во последните години, да се врати поголем, подобар и посилен од кога било досега! Овие три исклучително талентирани луѓе ќе бидат мои очи и уши и јас ќе го спроведам она што тие го предлагаат. Холивуд повторно ќе го доживее своето златно доба, исто како и самите Соединети Американски Држави“, рече тој.