Uncategorized
Осумте нови членки на ЕУ со подобрена економија
Приемот на осумте некогашни социјалистички држави во Европската унија (ЕУ) пред три години се покажа како економски успех бидејќи јасно ги забрзува економските и стопански процеси во ЕУ.
Приемот на осумте некогашни социјалистички држави во Европската унија (ЕУ) пред три години се покажа како економски успех бидејќи јасно ги забрзува економските и стопански процеси во ЕУ.
Ова се наведува во најновиот извештај на Институтот за меѓународна споредба на економијата со седиште во Виена.
Бруто-националниот производ (БНП), од приемот на овие држави во ЕУ во 2004, годишно пораснал за 5,3 проценти односно за 2,2 насто повеќе во однос на три години пред европското членство.
Споредбено со 15-те стари членки на ЕУ, БНП во 2001 година изнесувал 46,4 проценти, 2003 се зголемил на 48 насто, 2004 изнесувал 50,6, а во 2006 бил 54,4 насто.
Естонија, за шест години, го подобри економскиот развој за 19 проценти и така ја надмина Полска, Унгарија и Словачка.
Експертите од виенскиот Институт, оваа година, во десетте нови држави-членки на ЕУ пресметуваат стопански раст од 5,7 проценти.
Според прогнозата од Институтот, за 15 држави на ЕУ е предвиден економски раст за 2,7 проценти, а во 2008 година за 2,5 насто.
Во Бугарија, Романија и балтичките држави дури постои и ризик од преоптоварување на конјуктурата.
Кога станува збор за инвестициите, ефектот е уште поспектакуларен бидејќи директните странски инвестици по приемот на ЕУ биле поголеми за една треттина во однос на периодот меѓу 2001 и 2003 година.
Извозот, во новите држави-членки, исто така двојно се зголемил а со тоа и целокупниот трговски биланс.
Процентот на вработеност се зголемил поради раст на стопанскиот развој, а невработеноста во регионот паднала од 14,7 на 13 проценти.
Овој пад најмногу се почувствувал во проблематичните држави – Полска и Словачка.
Во некои држави, меѓутоа, овој вид на експанзија наидува на одредени ограничувања на работниот пазар.
Имено, во градежната индустрија во Полска недостасуваат 300 илјади работници.
Од друга страна, според проценките на Институтот, 800 илјади Полјаци живеат во странство.
Во старите држави на ЕУ, каде просечната стапка на вработеност изнесува 66 проценти, се уште постои потенцијал за натамошен пораст додека во новите држави под 60 проценти.
Единствено балтичките држави, Словенија и Чешка, имаат иста стапка на вработеност.
/крај/бе/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Минчев – Жариќ-Ковачевиќ: Зајакнување на билатералната соработка меѓу Република Македонија и Република Србија во јавната администрација
Во рамки на зајакнување на регионалната соработка, Министерот за јавна администрација на Република Македонија, Горан Минчев, оствари билатерална средба со Министерката за јавна администрација и локална самоуправа на Република Србија, Јелена Жариќ Ковачевиќ, на која разговараа за областите на соработка насочени кон унапредување на системите на јавна администрација во двете земји.
На средбата беа истакнати одличните релации меѓу држави, при што двајцата министри изразија заедничка посветеност за продлабочување на соработката во областа на владеењето и административните реформи.
Во таа насока, заложбите на двете страни кулминираа со договор за потпишување на Меморандум за соработка во перидот кој следи, а кој ќе ја формализира размената на најдобри практики, заеднички иницијативи и споделена експертиза во јавната администрација.
„Потпишувањето на овој меморандум за соработка ќе означи ново поглавје во партнерството меѓу Република Македонија и Република Србија во областа на јавната администрација, едновремено истакнувајќи ја нашата заедничка цел, а тоа е модернизирање на јавна администрација и унапредување и зајакнување на процесите и капацитетите кои произлегуваат од неа.”- истакна министерот Минчев.
Министерката Жариќ Ковачевиќ ја потврди оваа иницијатива, истакнувајќи ја важноста на регионалните партнерства во поттикнувањето на реформите кои ќе ја подобрат испораката на јавните услуги за граѓаните во двете земји.
Двете министерства ќе се заложат преку редовни консултации и состаноци да работат на конкретни процеси кои ќе придонесат за ефективна имплементација на реформите во јавната администрација, а кои ќе бидат дел од Меморандумот за соработка.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.