Спорт
Мурињо поразен по 9 години, Реал го губи здивот
По цели девет години португалскиот стратег Жозе Мурињо доживеа првенствен пораз на домашен терен, и тоа на клупата на скапиот мадридски Реал
Без разлика дали мундијалскиот хит „Вака, вака“ на Шакира заради нејзината врска со Жерар Пике од лутиот ривал Барселона и натаму ќе се пее на централниот стадион Мадрид, сигурно е дека во саботата навечер на „Сантјаго Бернабеа“ никому не му беше до песна. Тринаесеттиот тим на табелата од шпанската Примера дивизион Спортинг Хихон направи голем херојски подвиг совладувајќи го кралскиот клуб на неговото буниште, што многу ретко им успева и на многу поголеми фудбалски имиња. Тоа беше меч од отворањето на 30-то коло од шпанскиот фудбалски шампионат во кој Реал настапи без Кристијано Роналдо и Карим Бензема, но со повратникот во нападот Аргнетинецот Гонзало Игуаин кој во игра влезе во 56. минута од мечот, откако четири месеци паузираше заради операција. Навивачите очекуваа лесна победа и очекување на исходот од гостувањето на Барселона кај четвртиот на табелата Виљареал, и со овации го поздравија појавувањето на трибините на бразилскиот ас Роналдо. Меѓутоа, помалиот баскиски клуб играше храбро и пожртвувано пред сѐ, а во 79. минута по акцијата на Начо Касес, Де лас Куевас го совлада најдобриот шпански и еден од најдобрите голамни во светот Икер Касиљас. Но треаб да се потсети дека Спортинг и во првиот дел од првенството го намачи Реал на домашен терен, кога „кралевите“ забележаа минимална победа од 1:0, а минимално беа поразени од Барселона на „Камп Ноу“ со 1:0 додека протви каталонците дома одиграа 1:1, со што ова првенство се претставија како специјалисти за измачување на гигантите.Беспреедметно е да се каже дека Реал против Спортинг имаше далеку повеќе од играта и дека шансите за постигнување гол не се добројуваат, но одбраната на астуријците правеше чуда, но и домашните фудбалери немаа свој ден. Исто така, домашните можеби имаат и причина да бидат незадоволни и од одлуката на судијата да не суди пенал откако топката погоди во раката еден играч од одбраната на гостите. Како и да е, Барселона сега со успех на гостувањето против незгодниот Виљареал, се чини, може да стави крај на незивесноста во шпанското првенство и пред одигрувањето на „Ел Класико“ на теренот на Реал Мадрид.Секако овој пораз предизвика и горчина кај Жозе Мурињо кој кон крајот на февруари заокружи девет години без пораз на домашен терен и серија од 125 домашни победи и 25 ремија. Последен пат Мурињо загубил меч пред своите навивачи на 23-ти февруари 2002 г. Во португалското првенство водејќи го шампионот Порто кој дома беше совладан од малата Беира Мар. Исто така и годинава Мурињо до овој меч имаше импозантен скор со Реал на домашен терен забележувајќи 14 победи во шпанското првенство, четири во Копа дел Реи и четири во Лигата на шампионите без ниедно реми. Во вториот вчерашен меч, Валенсија со 4:2 го совлада Хетафе на неговиот стадион. И овој меч ќе влезе во аналите на шпанскиот врвен фудбал, бидејќи сите четири погодоци за гостите ги постигна Роберто Солдадо во 44., 64., 66. и во 77. Минута. Хетафе инаку прв поведе во 13. минута преку Ману и Адриан Сардинеро во 88. минута го ублажи поразот. Валенсија е моментално сама на третата позиција со три бодови повеќе од Виљареал, додека Хетафе е на 14-то место со 34 бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Почнуваат пријавите за јубилејното 10. издание на „Охрид трчаТ“
На 12 ноември 2025 година официјално започнуваат пријавите за јубилејното десетто издание на еден од најголемите спортско-рекреативни настани во Македонија – „Охрид трчаТ“, кое ќе се одржи викендот 5-7 јуни, 2026 година.
„Охрид трчаТ“ слави 10 години постоење, инспирација, пријателства и незаборавни моменти што го претворија настанот во вистински симбол на заедништво, енергија и љубов кон трчањето и градот Охрид.
„Во изминатата деценија, низ улиците на нашиот град поминаа илјадници тркачи од земјата и од светот. Заедно создадовме движење кое ги поврзува луѓето, ги руши границите и ја промовира Македонија како спортска дестинација“, велат организаторите на настанот.
Додаваат дека овој јубилеј е празник на сите, тимот на Охрид трчаТ, тркачи, волонтери, партнери, институции, и над сè, граѓаните на Охрид, кои секоја година заедно со сите нас ја раскажуваат една од најубавите спортски приказни во Македонија.
„Пријавувањето за јубилејното издание на Охрид трчаТ 2026 се врши онлајн преку нашиот систем за регистрација, достапен на официјалната веб-страница www.ohridtrchat.com ,брзо, едноставно и достапно за сите“, се додава.
Со отворањето на пријавите, ги повикуваат сите граѓани, тркачи, спортисти, компании и пријатели на трчањето да се регистрираат и да бидат дел од ова големо јубилејно издание.
Спорт
Мурињо замина од Истанбул, но во хотелот оставил долг од 750.000 евра
Престојот на Жозе Мурињо во Фенербахче, кој заврши со негово отпуштање во август, доби нов, финансиски тежок епилог. Португалскиот тренер наводно го оставил поранешниот клуб со неплатена хотелска сметка во износ од 747 илјади евра, објави турскиот весник „Јеничаг Газетеси“, како што објави португалскиот „Record.pt“.
Мурињо помина 16 месеци на клупата на турскиот гигант, а речиси целиот тој период, поточно 15 месеци, бил сместен во луксузен апартман во хотелот „Фор Сизонс“ во Истанбул.
Вкупните трошоци за неговиот престој достигнале 36,5 милиони турски лири, што одговара на износ од речиси 750 илјади евра. Откривањето на овој долг, како што објавија медиумите, не било добро прифатено од навивачите на клубот.
Португалскиот стручњак доби отказ по елиминацијата во плејофот за пласман во главната фаза на Лигата на шампионите од Бенфика. Судбината сакаше, две недели подоцна тој да стане тренер на Бенфика.
Иако беше отпуштен, Мурињо има право и на значителна отпремнина од околу 15 милиони евра за предвремено раскинување на договорот што требаше да трае до 2026 година. Засега, останува нејасно кој ќе ја плати хотелската сметка, Мурињо или неговиот поранешен работодавач.
Спорт
Трансродови спортисти нема да се натпреваруваат на ОИ во женски дисциплини
Интернационаниот олимписки комитет (ИОК), објави многу важна одлука и им забрани на трансродовите спортисти да се натпреваруваат на Олимписките игри во женски дисциплини.
На Олимписките игри во Париз во 2024 година, контроверзната ситуација на Иман Хелиф, која има хормонално нарушување и за која се сомневаше дека е биолошки маж, привлече големо внимание.
Олимписките игри треба да им забранат на сите трансродови и полово диференцирани (ДСД) спортисти од женските натпреварувања, откако беа пронајдени „научни докази за придобивките што доаѓаат со раѓањето како маж“.
На трансродовите спортисти и оние со ДСД, наводно, ќе им биде забрането да учествуваат во женските натпревари на Олимписките игри од почетокот на следната година, ИОК.
Претходно, олимписките спортови имаа овластување да одлучуваат дали трансродовите жени можат да се натпреваруваат со намалени нивоа на тестостерон.
Ова доведе до тоа атлетиката и пливањето да им забранат на спортистките кои поминале низ машки пубертет да се натпреваруваат, додека другите спортови, вклучително и фудбалот, не го следеа примерот.
Сепак, тоа сега ќе се промени под водство на новата претседателка на ИОК, Кристи Ковентри, која постојано ја изјавуваше својата желба да ја „заштити женската категорија“.
Во извештајот понатаму се вели дека д-р Џејн Торнтон, медицински и научен директор на ИОК, ги презентирала наодите од прегледот пред членовите на состанок во Лозана минатата недела.
Пендаровски му одговори на Фрчкоски: Никогаш не сум мешетарел, тоа го прават други кои се занимаваат со кафеанско озборување
Поранешниот претседател Стево Пендаровски ја отфрли изјавата на Љубомир Фрчкоски дека мешетари во СДСМ и дека има улога во можни...
Приведена жена од Кавадарци поради напад врз своето 6-месечно бебе
Утрово, околу 6 часот, полицијата во Скопје приведе 23-годишна девојка од Кавадарци, која се сомничи дека ноќеска, околу 00:37 часот,...
„’Вреди’ до Јаневска“: Непознавањето на албанскиот јазик не треба да води до фрустрација
Вчера, за време на јавен настап, министерката за образование, Весна Јаневска, во два или три наврати изрази незадоволство од комуникацијата...
Половина од младите во Македонија не веруваат дека земјата некогаш ќе стане членка на ЕУ
Повеќе од 46 отсто од младите во Македонија не веруваат дека земјата ќе стане членка на Европската унија, покажува новиот...
Граѓаните да бидат внимателни и да не отвораат лажни електронски пораки во име на директорот на БЈБ, предупредува МВР
Министерството за внатрешни работи известува дека до неколку граѓани од страна на сторители што лажно се претставуваат во име на...
Комисијата за историски прашања е алиби за моментно многу комплицираните односи меѓу Бугарија и Северна Македонија, вели Димитров
Комисијата за историски прашања со РСМ е еден вид алиби за моментно многу комплицираните односи меѓу Бугарија и Северна Македонија,...
Турција сака безбеден премин за 200 цивили заробени во тунелите во Газа
Турција се обидува да обезбеди сигурен премин за околу 200 цивили заробени во тунелите во Газа, откако го олесни враќањето...
Сенатот постигна договор: заврши најдолгата блокада на буџетот во историјата на САД
Американските сенатори постигнаа привремен договор со кој ќе се стави крај на буџетската парализа што блокираше некои јавни услуги рекордни...
(Видео) Зеленски: За разлика од целиот свет, јас не се плашам од Трамп
Украинскиот претседател Володимир Зеленски изјави дека, за разлика од многу западни лидери, не се плаши од Доналд Трамп и ги...
(Видео) Супертајфун ги погоди Филипините: бројот на жртви расте, еден милион луѓе принудени да се евакуираат
Супертајфунот Фунг-вонг ги погоди Филипините вчера, при што загинаа две лица, а еден милион луѓе беа принудени да се евакуираат...
(Видео) Нов напад врз Крим: погоден важен руски складиштен објект за нафта
Украинските војници во неделата нападнаа руско складиште за нафта во близина на селото Гвардејское на окупираниот украински полуостров Крим, објави...
(Видео) Судир на возови во Словачка, десетици повредени
Два воза се судрија ноќеска во Словачка откако едниот се удрил во задниот дел на другиот, при што се повредени...
Ѓорѓиевски: За два дена од Скопје се исчисти над четири и пол илјади тони отпад, скопјани имаат човек на кој може да се потпрат
Над четири и пол илјади тони отпад или четири до пет пати повеќе од секој вообичаен викенд што се собирало...
Пијан возач од Турција направи хаос во Аеродром
Полицијата објави фотографија од сообраќајката што се случила синоќа на улицата Матеја Матевски во Аеродром, кога возач на „БМВ 5“...
Ѓорѓиевски со предупредување до граѓаните, ќе се казнува секој што ќе фрла отпад
Градоначалникот на Град Скопје, Орце Ѓорѓиевски, објави дека акцијата за чистење „72 часа“ се одвива одлично, со цел градот да...
Таткото на едно од девојчињата загинати со „Пулс“ објави видео од нејзиното последно излегување од дома
Александар Наунов, таткото на трагично загинатата Надица, една од 63-те жртви во пожарот во дискотеката „Пулс“ во Кочани, сподели видео...
Јаневска: Следната година нема „прогледување низ прсти“ ако директорите не нарачаат учебници на време
Директорите на училиштата треба многу сериозно да си ја сфатат работата дека се должни да ги почитуваат законите и да...
„Супорт Кочани“ собра 11 милиони денари од донации за настраданите од „Пулс“, државата им наплати 1 милион денари данок
Околу 11 милиони денари се распоредени од заедничката сметка за донации од граѓанската иницијатива „Супорт Кочани“. Од граѓанската иницијатива велат...
Родителите на починатите во „Пулс“ со порака до судиите: Не дозволувајте болката и гневот да станат уште поголеми
Во Кочани денеска родителите на жртвите од пожарот во дискотоеката „Пулс“ одржаа нов „Марш за ангелите“, упатувајќи порака до правосудните...
Грабнале жена, ја тепале, па откако се онесвестила, ја силувале во напуштен објект во Струга
Две лица од дебарско се осомничени дека на 6 ноември околу 19 часот грабнале 30-годишна жена која потоа едниот од...
