Спорт
Навивач на Партизан заработил 15 години затвор поради убиство

Навивачот на Партизан, Стеван Станковиќ (20) е осуден на 15 години затвор поради убиство на Дејан Димитријевиќ (27) во пресметката на навивачите на српските фудбалски прволигаши Војводина и Партизан.
Станковиќ е осуден и поради тешко убиство во обид и носење на оружје, соопштил претседателот на судскиот совет на Окружниот суд во Нови Сад, Зоран Дрецун.Судијата Дрецун изјавил дека е утврдено дека немирите настанале по претходно закажана пресметка меѓу Немања Јовановиќ и Милан Мајкиќ, а дека Станковиќ тогаш испукал најмалку два куршума од кои со едниот е убиен Дејан Димитријевиќ, а со другиот е ранет малолетниот С. Б. “Станковиќ пукал на оддалеченост од не повеќе од десет метри. Тој во тој момент гледал во кого пука, а пукал право во телата на двајцата” – изјавил судијата.Јовановиќ и Мајкиќ се осудени на две години и осум месеци, односно на две години затвор, додека Драган Качански и Дејан Владушиќ добиле по две години и четири месеци затвор поради учество и носење оружје.Според наводите од српските медиуми, навивачите на Војводина и Партизан се пресметале на 14 април 2008 година, кога отишле на закажана пресметка меѓу Јовановиќ и Мајкиќ.Бкупно 16 навивачи се осудени на парична казна во висина од 40.000 до 120.000 динари.Правните застапници на обвинетиот најавиле поднесување на тужба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Гвардиола загрижен: Немаме играчи со такви способности и квалитет

Напаѓачот на Манчестер сити, Ерлинг Халанд го повреди скочниот зглоб на левата нога на гостувањето кај Борнмут. Сити избори пласман во полуфиналето на ФА купот со победата 2:1.
24-годишниот Норвежанец ќе го пропушти остатокот од сезоната.
„Некогаш се случуваат сезони како оваа, кога се случуваат вакви работи. И тоа се случува во текот на целата сезона. Затоа, не би рекол дека ова е крај на сезоната. Жал ми е за сите повреди што ни се случија оваа сезона, вклучувајќи ја и онаа на Ерлинг. Се надевам на негово брзо закрепнување и брзо враќање“, рече Пеп Гвардиола, шефот на стручниот штаб на „Граѓаните“.
54-годишникот потврди дека Халанд ќе отсуствува помеѓу пет и седум недели.
Гвардиола не ја крие загриженоста, бидејќи отсутвото на Халанд ќе му создаде големи проблеми во офанзивната линија.
„Немаме такви играчи со такви способности и квалитет, тоа го знаеме. Но мораме да се прилагодиме и бидејќи долги години играме на различни начини, а тоа зависи од квалитетот на играчите, па ќе се обидеме да најдеме решение“, се пожали Гвардиола.
Спорт
Виландер: Мислевме дека Ѓоковиќ нема да биде закана на Ролан Гарос

Стручниот коментатор на „Јуроспорт“ Матс Виландер истакнува дека Новак Ѓоковиќ ќе биде сериозен претендент за титулата на земјена подлога.
Новак во недела го играше финалето во Мајами, а од следната недела го очекува Мастерсот во Монте Карло.
„Мислам дека треба да игра во Монте Карло. Мислам дека подлогата не е важна кога си Новак Ѓоковиќ. Тој има способност да игра на земјена подлога исто како на бетон“, рече Виландер и додаде: „Монте Карло не е турнир на кој постигнал некои неверојатни резултати, но тоа е турнир на кој може да оди и да победи неколку меча. Мислам дека на негова возраст не е добро да остане без мечеви две,м три или четири недели“.
Новак има време да ја темпира својата форма и да најде ритам и континуитет пред Ролан Гарос.
„Мислевме дека Новак нема да биде закана оваа година на Ролан Гарос. Сега тој е закана“, истакна Виландер.
Инаку, Монте Карло е единствениот Мастерс каде Новак не триумфирал најмалку три пати. Го освоил само во 2013 и 2015 година.
Спорт
Касано: Мака ми е од Феликс, Леао е „пола играч“

Поранешниот италијански фудбалер Антонио Касано го критикуваше тимот на Милан по поразот од Наполи (2:1).
Милан се наоѓа на деветтото место на табелата во Серија А со 47 бодови, дури 20 помалку од првопласираниот Интер.
Касано прво „удри“ по Жоао Феликс, кој игра како позајмен играч од Челси, чии договор нема да биде откупен на крајот од сезоната.
„Видете, јас навистина го сакам Феликс, но чекам седум години да процвета. Уморен сум од чекање”, рекол Касано.
Потоа се префрли на Рафаел Леа, кој мечот го започна од клупата за резерви.
„Сега некој неуспешен, некомпетентен паразит се обидува да каже дека Леао мора да игра, Тој бил најталентираниот играч на Милан. Апсолутно не. Според мене, Кристијан Пулишиќ и Тијани Рејндерс се најдобрите играчи на Милан, тие постигнаа 15 гола. Тие ја прават разликата, а не Леао. Тој е пола играч, тоа е се“, додаде тој.