Uncategorized
Г-8 загрижена поради пораст на цените на храната
Министрите за развој на Групата седум најразвиени држави во светот и Русија (Г-8) повикаа на брзи акции за намалување на цените на храната, јавуваат агенциите.
Министрите за развој на Групата седум најразвиени држави во светот и Русија (Г-8) повикаа на брзи акции за намалување на цените на храната, јавуваат агенциите.
Министрите, на вториот ден од состанокот во Токио, синоќа апелираа на јакнење на врските меѓу старите и новите донатори на храна, посебно во Азија.
Климатските промени во државите-произведувачи на храна, како и големата побарувачка во развиените држави доведоа до скок на цената на храната во просек за 80 проценти во однос на 2005 година.
“Скокот на цените на храната предизвикува сериозни проблеми за развојот во целина, особено во Африка“, изјави на прес-конференција шефот на јапонската дипломатија Масахико Комура.
Цената на оризот, минатиот месец, достигна рекорд во последните 19 години.
Истовремено, цената на пченката достигна рекорд за изминатите 28 години и е двојно поголема во однос на просечната цена во претходните 25 години.
/крај/он/ис
Copyright 2008
makfax
. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.