Надворешна политика
Иванов–Туск: Македонија ќе ги засили напорите во справувањето со мигрантската криза, ЕУ треба да даде соодветна помош
Македонија е подготвена да ги засили напорите во однос на справувањето со мигрантската криза, но за ова е потребно од страна на Европската унија (ЕУ) да биде дадена и соодветна помош, бидејќи досега земјата ги сноси последиците од нефункционалноста на Унијата во поглед на кризата, порача претседателот Ѓорге Иванов во неделата во Скопје по средбата со претседателот на Европскиот совет, Доналд Туск, кој е во посета на регионот.
Според Иванов, справувањето и превенцијата со бегалската мигрантска криза ги открија слабостите на Унијата и ова доведе до тешка состојба во стариот континент.
„Оваа посета е од исклучителна важност и поради актуелните случувања и тешката состојба во која се наоѓа цела Европа. Прво, поради кризниот менаџмент на ЕУ и на Македонија за справување со мигрантската криза. Второ, поради постојаната и директна закана од терористички напади кои доаѓаат од радикалниот и насилниот екстремизам, со кои се соочивме и ние во месец мај оваа година, при кумановските настани.Тогаш, спречивме извршување на координирани терористички напади низ повеќе градови во Македонија. И трето, поради блокадата на македонската европска интеграција, токму во Европскиот совет. Справувањето и превенцијата со бегалската и мигрантската криза ги открија слабостите на ЕУ. Македонија се наоѓа на Балканскиот коридор, и е првата држава во Европа која не е членка на Унијата, а која прогласи кризна состојба за закана од илегална миграција која доаѓа од територија на Унијата“, изјави македонскиот претседател.
Иванов додаде дека Македонија во моментот ги сноси последиците од нефункционалниот механизам на Унијата за распоредување на бегалците во земји-членки на Унијата со таканаречени квоти, потоа неспроведувањето на регистрација на бегалци и мигранти во земја членка на Унијата и носењето на еднострани национални одлуки во земји членки на Унијата кои го ограничија протокот на лицата без претходно да информираат за тоа.
И покрај досегашните ветувања, според Иванов Македонија нема добиено никаква финансиска и техничка помош од Европската Унија, во однос на мигрантската и бегалска криза.
„Баравме размена на податоци, заедничко оперативно работење, заеднички интервентни тимови на делот на заедничката граница со Унијата каде имаме проток и контролни пунктови за регистрација. Баравме пристап до базите на институциите на Унијата за соработка за институциите кои ги спроведуваат законите, за листите со членови на ИСИЛ и други терористички мрежи, за фалсификувани документи и пасоши. Баравме и ќе бараме пристап заради безбедноста на нашите граѓани и за одбрана на нашата територија. Баравме и ќе бараме пристап заради Европската безбедност. Сега имаме нова реалност. Земјите од Унијата донесоа одлука да го ограничат протокот на бегалци и извршија категоризација на таканаречени „економски мигранти”. Контролниот пункт кај Гевгелија станува “тесно грло” за влез на мигранти и бегалци. Се зголемуваат безбедносните ризици. Европа е под постојана и директна закана од терористички напади. Терористичкиот напад во Париз е основа за промени во безбедносните политики. Унијата како и со мигрантската криза не смее повторно да реагира реактивно“, рече Иванов.
Според македонскиот претседател, досегашниот пристап на Европската унија кон Македонија за жал не даде резултати и затоа неопходно да заврши блокадата на евроинтеграцискиот процес и земјата да го добие заслуженото членство во ЕУ.
Претседателот на Европскиот совет Туск, пак, порача дека ЕУ е подготвена да продолжи со својата поддршка за Македонија, веднаш откако ќе направи проценка околу тоа какви се потребите на земјата.
„Свесен сум за големиот мигрантски проток со кој се соочувате и за напорите кои ги правите за менаџирањето на овој проток. Како и секоја земја, не само што имате права, туку и обврска да ги заштитите своите граници, како што тоа го прават и земјите од ЕУ во поглед на надворешната граница. Сите земји од транзит рутата мора да комуницираат меѓусебно и да соработуваат. Ако сакаме ефикасно да се справиме со предизвикот тогаш координацијата е од клучна важност. ЕУ е со вас и подготвена е да продолжи со поддршката преку хуманитарната и техничката помош, вклучувајќи ги и агенциите на ЕУ. Подготвени сме да ви пружиме многу повеќе, веднаш откако ќе процениме кои се вашите потреби“, изјави Туск.
Според него, доколку ЕУ сериозно сака да ги спаси Шенген зоната и безвизното патување, тогаш мора да им помогне на земјите кои што се наоѓаат на првата линија, како што е Македонија.
„Мора да бидеме свесни дека најголемиот проблем денес е во изворот на кризата и земјите на потекло. Нашата цел е да се намали бранот на бегалци а не само да се олесни нивниот транзит. Истовремено мора да бидеме свесни дека со големи проблеми ќе се соочат и земјите што се крајна дестинација, како на пример Германија. Ситуацијата е многу посложена од тоа што беше претходно, но сигурен сум дека ќе најдеме начин да соработуваме со вашата земја, вклучувајќи ја тука и финансиската поддршка. ЕУ е ваш партнер и ќе продолжи да ве поддржува на патот кон целосната интеграција, заедно со остатокот од Европа. Ова не е само формален став туку и мој личен став, верувам дека припаѓате во ЕУ и дека таму е нашата заедничка иднина“, порача претседателот на Европскиот совет.
Покрај Македонија, Туск викендов оствари и посети на Србија и Албанија, а од понеделник тој на разговори за актуелната мигрантската криза заминува и во Босна и Херцеговина (БиХ), Хрватска и Словенија./крај/мф/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.