Uncategorized
Уапсен синот на последниот италијански крал, вмешан и Сакскобурготски
Синот на последниот италијански крал е уапсен денеска под обвинение за корупција, проневера и за проституција, јавуваат италијанските медиуми.
Синот на последниот италијански крал е уапсен денеска под обвинение за корупција, проневера и за проституција, јавуваат италијанските медиуми.
Принцот Виктор Емануел е осомничен дека обезбедувал проститутки за клиентите во едно казино во Швајцарија.
Обвинителите во италијанскиот град Потенца ја испитуваат неговата улога во доведувањето на проститутки во казиното “Campione d Italia“, во италијанската енклава во Швајцарија, и се сомневаат дека имал врски со мафијашките кланови.
„Тоа не е вистина. Виктор е чист“, изјави неговата сопруга Марина Дориа за „Кориере дела Сера“.
Италијанските медиуми јавуваат дека во скандалот е вмешан и бугарскиот крал Симеон Сакскобурготски.
Поранешниот бугарски крал и премиер на Бугарија во периодот од 2001 до 2005 година, роднина на италијанскиот принц, е осомничен дека бил посредник на Емануел.
Покрај италијанскиот принц, полицијата го истражува кругот од 13 лица, од кои седум се уапсени.
Виктор Емануел, чиј син Емануел Филиберто е исто под истрага, е син на италијанскиот крал Умберто, кој замина во егзил по Втората светска војна.
/крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.