Uncategorized
„Импресии: берлинска ликовна сцена“ во МСУ
Во Музејот на современа уметност утревечер, со почеток во 20 часот, ќе биде отворена изложбата „Импресии: берлинска ликовна сцена“, авторско видување на кураторот Ролф Кулц Мекензи на берлинската уметничка сцена
Проблематизирајќи го прашањето за глобалното и индивидуалното или поточно оставајќи ни го нам изборот, го става акцентот врз идентитетот на авторите кои се ситуираат во сложеноста на логиката на формирањето на уметноста, на еден верижен циклус кој што и‘ ја дава смислата. Оваа сцена во која што се презентирани автори од различно национално потекло, токму и ја прават берлинската имигрантска уметничка атмосфера.Во барање простор за сопствениот идентитет, во препознавање себеси во современото глобално општество, самопрепознавањето станува понагласено, додека толку извиканиот процес на глобализација можеби ја освестува и зајакнува потребата за идентификација.Покрај тоа што заедничкото поднебје наметнува една општа духовна и ментална клима, токму отвореноста на градот, слободата, перспективите што ги нуди, ги изразуваат и матичните ликовни поетики. Не може да се каже дека сите овие автори кои што се дел од дефинирањето на епохата на новото време, на автономијата на уметноста и на теориската свест за нејзината суштина, немаат сопствен етнички идентитет кој што не ја оставил недопрена нивната визуелна ерудиција. На изложбата ќе бидат изложени дела од 18 врвни германски автори, меѓу кои: Волфганг Петрик, Валтер Ленерц Винифрид Булингер, Урс Јеги, Јован Балов, Хајко Даксл и Ингеборг Филеп во селекција на кураторот Мекензи и три автори од Прима Центар Берлин, по избор на Јован Балов, раководител на центарот.Изложбата ќе ја отвори амбасадорката на Р. Германија во Македонија, г-ѓа Улрике Кноц.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.