Uncategorized
Пети Смит им рецитираше и пееше на македонските новинари
Пети Смит најави дека ќе ги испее своите најголеми хитови на вечерашниот концерт во Универзалната сала. Во неконвенционалното дружење со македонските новинари отпеа една нумера и изрецитира дел од поемата напишана со нејзиниот сопруг кој починал пред 30 години
Пети Смит денес во хотелот Александар Палас одржа прес конференција на која најави дека на престојниот концерт кој ќе се оддржи вечерва во универзалната сала таа и својот бенд за македонската публика ќе ги изведе своите најголеми хитови „Глорија“, „Беказ оф д најт“, „Спел“, „Редандо Бич“, „Фредерик“.На самиот концерт покрај Смит како придружба на гитара ќе настапи и нејзиниот добар пријател Том Верлеј а исто така и Лени Кеј и Тони Шанаган. На пресот таа ја испеа нумерата „Грејтфул“ и изрецитира поема која ја напишала заедно со нејзиниот покоен сопруг Фред ’Соник’ Смит.Пети Смит самата побарала да дојде во Македонија. Смит на пресот најави дека работи на нејзиниот нов албум а како музичари со кои ќе соработува на него се Флеа од Ред Хот Чили Пеперс, Том Верлеј, Кевид Шилдс од Мај блади валентајн.„Целта на концертот е да се запознаеме“, рече Смит. Ова и’ е прва посета на Балканот, бидејќи тогашниот басист на нејзиниот бенд, Иван Крал во седумдесетите години од 20 век бил бегалец од неговата родна земја тогашната Чехословачка и немал никаков пасош, па и не им било дозволено да дојдат на овие простори.По концертот во Универзалната сала таа ќе настапи на овогодинешното јубилејно издание на Егзит фестивалот во Нови Сад, а потоа и во Загреб.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.