Црна хроника
Заштитениот сведок во „Монструм" ќе сведочи на почетокот на април
![](https://makfax.com.mk/wp-content/uploads/2016/11/1334b76b-ad70-4f7b-a62c-5f7b975a96a6-1.jpeg)
Судскиот процес за случајот „Монструм” во вторникот продолжи со презентација на транскриптите од телефонските разговори на обвинетите во случајот, поради што судењето повторно беше затворено за јавнста.
Адвокатот на дел од обвинетите, Асмер Алисаиќ, изјави дека очекува на наредното рочиште, на 25-ти март, да се заврши со посебните истражни мерки, по што би требало да сведочи заштитениот сведок, кој е предложен како доказ од страна на обвинителството.
Според неговите процени, заштитенот сведок би требало да биде сослушуван на почетокот на април.
Судењето продолжува без двајцата првообвинети Алил Демири и Африм Исмаиловиќ кои беа уапсени во Косово.
Постапката за екстрадиција е во тек, Министерството за правда ги преведува на албански јазик документите за двајцата обвинети кои треба да ги испрати до косовските власти.
И Министерството за внатрешни работи и Министерството за правда ветија дека двајцата обвинети ќе бидат екстрадирани најбрзо што може.
На 12-ти април минатата 2012 година без причина беа убиени Кире Тричковски, Филип Славковски, Цветанчо Ацковски, Александар Наќевски и Борче Стефковски. Сé уште не се знае зошто момчињата и рибарот беа свирепо егзекутиран. Во обвинителниот акт единствено стои дека убијците имале цел да предизвикаат создавање на чувство на несигурност и страв кај граѓаните на Македонија./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
При претрес во Охрид пронајдена дрога, приведени две лица
![](https://makfax.com.mk/wp-content/uploads/2024/01/ohrid-ezero.jpg)
Двајца скопјани се приведени во Охрид откако кај нив била пронајдена дрога.
„На 06.07.2024 во 02.35 часот во СВР Охрид се лишени од слобода В.Н.(25) и А.Т.(22), двајцата од Скопје.
При преглед кај нив била пронајдена марихуана, а при претрес извршен по добиена судска наредба во камп приколка во Охрид, што ја користел А.Т., полициските службеници пронајдоа и одзедоа марихуана, грендер и други предмети со остатоци од марихуана“, информира МВР.
По целосно документирање на настанот, против нив ќе биде поднесена соодветна пријава.
Црна хроника
Претрес во Кочани: пронајдена дрога, приведен дилер
![](https://makfax.com.mk/wp-content/uploads/2022/11/privedeni-960x641.jpg)
26-годишен кочанчанец е приведен откако по претрес во неговиот дом е пронајдена дрога.
„На 05.07.2024 во 21.30 часот во Кочани, полициски службеници од ОВР Кочани го лишиле од слобода А.Ј.(26) од Кочани, затоа што при претрес во неговиот дом извршен со судска наредба кај него биле пронајдени и одземени марихуана, бела прашкаста материја и пари“, информираат од МВР.
По целосно расчистување на случајот против него ќе следува соодветен поднесок.
Црна хроника
Кривични против пет малолетници од Скопје за „разбојништво во обид“
![](https://makfax.com.mk/wp-content/uploads/2017/04/gradski-park.jpg)
СВР Скопје поднесе кривична пријава против пет малолетници од Скопје, поради постоење основи на сомнение за сторено кривично дело „разбојништво во обид“, извести МВР.
„На 28.02.2024 во Градскиот парк во Скопје, пријавените му побарале пари на Ф.П.А. и се обиделе насилно да му го одземат паричникот“, соопшти МВР.