Спорт
Десет најголеми изненадувања на мундијалите
Денешното изненадување што го постигнаа фудбалерите на Нов Зеланд против актуелниот светски првак Италија претставуваше првокласно изненадување на мундијалот и е вброено како деветто од десетте најголеми изненадувања на светските првенства
Прво рангиран е мечот Северна Кореја – Италија 1:0, од 19 јули 1966 г., во Англија. За многумина ова е најголемото изненадување на светските првенства и воедно една од најголемите спортски сензации во фудбалот. Италијанците тогаш биле водени од легендите Џакинто Факети, Сандро Мацола и Џани Ривера, но севернокорејците славеле со голот на Пак До-ик. „Аѕурите“ на тој мундијал биел елиминирани уште во натпреварите по групи а Северна Кореја се пласирала во четртфинале во кое против Португалија повела со 3:0, но сепак противниците предводени од еден од најдобрите фудбалери на сите времиња Еузебио победиле со 5:3.Втора мундијалска сензација е мечот САД – Англија 1:0 на 29 јуни 1950 г., во Бразил со голот на Хаитјанинот Џо Гаетјенс. Тој меч се смета за голема одмазда на поранешната колонија против нацијата „што го измисли фудбалот“ и која дотогаш потценувачки не се појавувала на светските првенства умислена во својата фудбалска супериорност. Американците овој резултат го сметаат за една од своите најголеми спортски победи воопшто, додека за Англичаните претставува најголема фудбалска и спортска срамот. За овој меч е врзана една анегдота, кога англиски весник сметал дека станува збор за телеграфска грешка објавил дека Англија победила со 10:1.Третото изненадување го направи африканска репрезентација, и тоа е од понов датум. Камерун – Аргентина 1:0 на 8 јуни 1990 г. во Италија. Стрелец на голот бил Омам Бијик, а на „гаучосите“ не им помогна ниту актуелниот селектор и во тоа време најдобриот фудбалер на светот според многумина и на сите времиња, Диего Армандо Марадона. Победата на Камерунците можеби заслужува да биде и прво рангирана, бидејќи тие до големата победа дојдоа и покрај тоа што мечот го завршија со девет играчи откако беа исклучени Андре Кана Бијик и Бенџамин Масинг. Но потоа Аргентина стигна до финалето во кое загуби од Германија, додека Камерун беше поразен во четвртфиналето против Англија со голема помош на судиите.Четвртата мундијалска сензација повторно ја приредија Африканците, кога Сенегал ја совлада Франција со 1:0 на 31 мај 2002 г. во Јужна Кореја. Стрелец на погодокот беше Папа Боуба Диоп. За овој меч е интересно што Франција го одигра како актуелен светски шампиона, а сите сенегалски репрезентативци играа во француски клубови и беа водени од Французинот Бруно Метсу. Петто изненадување е финалниот меч Западна Германија – Унгарија 3:2 од 4 јули 1954 г. во Швајцарија. Тогаш Унгарците биел предводени од тогаш најдобриот светски фудбалер Ференц Пушкаш и немале загубено меч цели четири години. Во натпреварите по групи Унгарија славела дури со 8:3, а во финалето воделе со 2:0, но Германците тогаш ја „патентираат“ нивната упорност до крајот на мечот правејќи целосен пресврт. Германската победа во фудбалските анали е позната како „чудото во Берн“, додека пак тој тим на Унгарија е прогласен за „најдобрата репрезентација која никогаш не ја освоила светската титула“. Шеста сензација е мечот Бразил – Уругвај 1:2 од 16 јули 1950 г. во Бразил. Ова е најтешкиот односно најболниот пораз што „кариоките“ кога и да е го доживеале. Финалето се играло пред досега ненадминат број гледачи за спортски натпревар од 200 илјади домашни навивачи на фудбалскиот храм „Маракана“ во Рио де Жанеиро и се’ било подготвено за голема прослава и освојување на светската титула. Но иако Бразил повел, Уругвај славеше до 1:2 и оваа победа што се донесува до јужноамериканските фудбалски ривалитети може да се спореди со победата на САД против Англија. Куриозитет е тоа што според тогашниот формат на Светското првенство на Бразил за титулата му бил потребен и само нерешен резултат. Седмото мундијалско изненадување го приреди на домашен терен Шпанија на 25 јуни 1982 г. кога беше поразена од аутсајдерот Северна Ирска со 1:2. „Црвената фурија“ и нејзините фанатични навивачи очекуваа убедлива победа но беше шокирана од голот на Гери Армстронг.Западна Германија на листата на најголеми изненадувања се наоѓа и во обратна негативна смисла на осмото место. Исто така во Шпанија на 16 јуни 1982 г. Алжир со 2:1 ја совлада тогашна Западна Германија. Германците на Светското првенство дојдоа како европски прваци а тогаш разликата во квалитетот меѓу фудбалот во Европа и Латинска Америка се’ уште е многу голема. На Алжир, пак тоа му беше историскиот прв натпревар на Светските фудбалски првенства а национален јунак по мечот стана Рабах Мадџер. Ова беше прв мундијал на кој учествуваа национални селекции од сите шест континенти. Германија на крајот сепак дојде до финалето каде со 1:3 беше поразен од Италија. Денешниот резултат Нов Зеланд – Италија 1:1 Од 20 јуни 2010 г. во Јужна Африка е деветтиот изненадувачки резултат во историјатот на светските фудбалски првенства. На Нов Зеланд како 78 рангиран тим според ФИФА официјално на овој мундијал му беа дадени најмалку шанси да ја освои титулата за разлика од Италија која на првото светско првенство кое се одржува на африканскито континент дојде како актуелен шампион. Листата топ-тен најголеми мундијалски изненадувања ја затвора мечот Ирска – Италија 1:0 од 18 јуни 1994 г. во САД. Тоа е една од најголемите ирски фудбалски победи. Ирците на стадионот „Џајантс“ во ИСт Ратхерфорд во Њу Џерси играа како на домашен терен. Голот во 12. минута го постигна Реј Хоуфтон. Но Италија на ова светско првенство и покрај изненадувачкиот пора во првиот меч на првенството стигна до финалето каде на пенали беше поразена од Бразил. Ирска, пак, беше елиминирана во осминафиналето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тренерот на Милан се соочува со жестока казна
Тренерот на Милан, Масимилијано Алегри, е соочен со долга суспензија поради навреда на спортскиот координатор на Наполи, Габриел Оријали, за време на полуфиналето на италијанскиот Суперкуп помеѓу двата клуба во четврток вечерта.
Како што објавува „Газета Спорт“, тренерот на второпласираниот тим од Серија А би можел да добие казна од неколку натпревари во домашното првенство поради несоодветните зборови што му ги упатил на поранешниот италијански фудбалер.
Во случај да не добие суспензија, трофејниот италијански стручњак веројатно ќе биде „удрен во џебот“, а Дисциплинската комисија е таа што треба да одлучи каква казна ќе му одреди на Алегри.
Од Наполи веќе изјавија дека се надеваат, дека Алегри ќе добие соодветна казна за своето простачко однесување.
„Се надеваме дека овој целосно неконтролиран напад нема да помине незабележано, особено затоа што, со 33 камери вклучени во продукцијата на настанот, беше невозможно да не се види што се случи“, се вели во соопштението на клубот кој ќе се бори против Болоња за титулата победник на италијанскиот Суперкуп.
За потсетување, Милан ќе го игра својот следен натпревар во Серија А само во недела, 28 декември во Верона.
Foto/ freerangestock
Спорт
„Марка“: Винисиус се скара со следбениците на Инстаграм
Винисиус Жуниор повторно предизвика контроверзии, откако беше заменет против Севилја (2:0).
Овој пат, тоа не го направи на теренот на „Бернабеу“, како за време на Ел Класико, туку пред очите на своите 57 милиони следбеници на Инстаграм.
Лут поради свирежите што ги слушна при напуштањето на играта, Бразилецот ја смени својата профилна слика на Инстаграм кратко по завршувањето на натпреварот Реал Мадрид – Севиља (2:0), пишува „Марка“, во текстот со насловот „Кавгата на Винисиус пред очите на 75 милиони следбеници“.
Само десет минути по последниот свиреж на судијата, сè уште во соблекувалната, ја отстрани фотографијата на која го држи дресот на Реал Мадрид и ја замени со слика од натпреварот во дресот на бразилската репрезентација.
„Седумката“ на Реал Мадрид го напушти теренот во 83-та минута со свирежи, но и аплауз од некои навивачи, што јасно ја покажа поделбата меѓу публиката.
Неговиот потег на социјалните мрежи дополнително ги разгоре тензиите за неговиот однос со навивачите на „Бернабеу“. Покрај тоа, тој објави две фотографии од натпреварот против Севилја придружени со три точки.
Интересно е што толку брзо ја смени сликата на профилот што во своите Инстаграм приказни, додека ги споделуваше тие фотографии, старата слика со дресот на Реал сè уште беше видлива.
Винисиус не го дочекува крајот на 2025 година во најдобра атмосфера. Односот со навивачите на Реал и тренерот Чаби Алонсо е далеку од идиличен. Свирежите што ги слушна против Севилја се одраз на незадоволството од неговото однесување во текот на сезоната. Неговите гестови кон Чаби за време на Ел Класико означија пресвртница во тој однос со публиката, а последователните инциденти исто така не му помогнаа.
Неговото смеење на клупата откако Талавера постигна гол од 2:3 во Купот на Кралот особено негативно влијаеше врз навивачите на Реал.
Публиката повеќе не му простува, а во корист не му оди ниту формата во која се наоѓа. Најновиот потег, отстранувањето на фотографијата во дресот на Реал Мадрид од профилот на Инстаграм е уште едно поглавје во оваа „студена војна“ помеѓу Бразилецот и навивачите.
Foto/ depositphotos
Спорт
(Видео) Јокиќ лош, Дончиќ се повреди, Денвер и ЛА Лејкерс поразени
Кошаркарите на Денвер Нагетс доживеаа уште еден пораз на домашен терен во НБА лигата, петти од вкупно седум колку што имаат во сезоната. Хјустон славеа во „Бол Арена“ со 115:101.
Српскиот кошаркар Никола Јокиќ одигра лоша нтпревар, беше непрепознатлив и особено во првото полувреме (додека резултатот беше изедначен) одеше од грешка во грешка.
Брзо се заглави во проблеми со лични грешки, првите три г направи во фаза на нападот 6 фаули… Неговиот тренер Дејвид Аделман беше исклучен поради две технички фаули и протест кон судиите…
David Adelman shouts in the referee's face "WHAT THE F*CK IS WRONG WITH YOU?!" and gets ejected from the game (2nd technical), after Jokic didn't get a foul (with replays) pic.twitter.com/HDb1TOTcue
— MrBuckBuck (@MrBuckBuckNBA) December 21, 2025
Факт е дека Хјустон шутираа неверојатно, но и дека судиите дозволија игра со многу контакти. Како да паднаа на неодамнешните критики на тренерот Име Удока, кој пред 10 дена кога Денвер победија во Хјустон, „удри“ по судиите, а лигата го казни со 25.000 долари.
Јокиќ го заврши натпреварот со 25 поени, но само 9/20 од поле… Исто така, имаше 7 скока, 5 асистенции и 5 изгубени топки, како и 5 лични грешки, а неговиот +/- беше -20.
Хјустон, практично мечот го реши во последните 70 секунди од третата четвртина, со рафалот на Род Шепард. Плејмејкерот постигна 11 поени во низа и плусот од пет го претвори во плус од 16 поени.
Кевин Дурант, кој имаше 31 поен (пет тројки), 6 скока и 5 асистенции, додека феноменалниот Рид Шепард постигна 28 (шест тројки), со 5 асистенции, а Џабари Смит имаше дабл-дабл учинок од 20 поени и 10 скока.
ЛА Клиперс конечно ја прекинаа својата серија од пет порази. Во градското дерби одиграно во саботата навечер, тие ги победија ослабените Лос Анџелес Лејкерс со 103:88, и ја обезбедија победата со одличен шут за три поени. Херој на вечерта беше Кавај Ленард, кој постигна 32 поени, неговиот најдобар учинок во сезоната.
Клиперс ја контролираа играта од самиот почеток и не го испуштија водството. Заедно со Ленард, Џејмс Харден играше одлично со 21 поен и 10 асистенции, додека Џон Колинс додаде 17 поени и 12 скока. Од друга страна, одличната вечер на Леброн Џејмс, кој полни 41 година на 30 декември, и кој постигна дури 36 поени.
Големиот удар за Лејкерс дојде на полувремето, кога Лука Дончиќ, водечкиот стрелец во лигата, остана во соблекувалната поради повреда на долниот дел од ногата. Дончиќ, кој во последниот натпревар забележа трипл-дабл со 45 поени, постигна 12 поени и пет скока со лош шут пред повредата.
Клучот за победата на Клиперсите лежеше во шутевите од далечина. Тие погодија 16 од 43 тројки, Леонард и Харден погодија по четири, а Брук Лопез додаде три од клупата. Лејкерси, за разлика од нив, имаа катастрофална шутерска вечер, промашувајќи дури 32 обиди за три поени. Џејмс погоди 3 од 7, Дончиќ 1 од 6, а Маркус Смарт ги промаши сите девет свои шутеви.
Победата на Клиперс беше засенета од повредата на хрватскиот центар Ивица Зупац, кој мораше да го напушти натпреварот во првата четвртина откако постигна пет поени поради проблем со левиот глужд.
Резултати:
Њу Орлеанс – Индијана 128:109
/Вилијамсон 29 – Сиакам 22/
Филаделфија – Далас 121:114
/Мекси 38 – Дејвис, Флаг 24/
Торонто – Бостон 96:112
/Инграм, Мамукелашвили 24 – Причард 33/
Детроит – Шарлот 112:86
/Канингем 22 – Бриџис 19/
Мемфис – Вашингтон 122:130
/Алдама 37 – Џорџ 28/
Голден Стејт – Феникс 119:116
/Кари 28 – Букер 38/
Јута – Орландо 127:128 пп
/Џорџ 27 – Бејн 32/
Сакраменто – Портланд 93:98
/Шредер 21 – Авдија 24/
Доктор Беќаровски советува: Како да се заштитиме во денови на екстремно загадување
Во денови кога концентрациите на ПМ 2.5 и ПМ 10 честичките се енормно високи, а загадениот воздух станува сериозна закана...
МВР апелира до возачите да внимаваат поради маглата
Министерството за внатрешни работи (МВР) денеска упати апел до сите учесници во сообраќајот крајно внимателно да ги управуваат своите возила...
Маж и жена, државјани на Македонија загинаа на автопатот Белград – Ниш
Двајца државјани на Македонија, маж и жена од албанско потекло, загинаа рано утринава во тешка сообраќајна несреќа што се случи...
Скопје утрово го сруши рекордот, најзагаден град е во Европа
Скопје утрово се најде на 21. место на најзагадени градови светот и прв во Европа, покажуваат податоците на светскиот сервис на мерење...
АХВ откри над 2 тони киви со ларви и инсекти кои требало да се продаваат во државава
Поради променети органолептички својства и утврдено присуство на ларви и инсекти, инспектор за храна на Агенцијата за храна и ветеринарство,...
Поради зимата во Газа умираат бебиња и деца, повик до Израел да дозволи помош
Организацијата „Лекари без граници“ (Médecins Sans Frontières – MSF) вчера предупреди дека бебиња и деца во Појасот Газа умираат од...
Родителите на починатите деца од „Пулс“ бараат новиот јавен обвинител да го преиспита случајот
Родителите на починатите во пожарот во „Пулс“ денеска на 34. Марш за ангелите во Кочани побараа проширување на истрагата, утврдување...
Откажани летови и отежнат авиосообраќајот на скопскиот аеродром поради маглата
Како резултат на ниската видливост предизвикана од густата магла што ја зафати скопската котлина денеска до 14 часот на Меѓународниот...
Почина Драган Б. Костиќ, човекот кој важеше за најпрепознатливиот радио глас
Денес на 75 години, почина Драган Б. Костиќ, човекот кој важеше за најпрепознатливиот радио глас кај нас. Откако неодамна Перо...
На едно семејство со четири члена му биле потребни близу 1.100 евра за да го помине декември
Вредноста на синдикалната минимална кошница што ја пресметува Сојузот на синдикати на Македонија (ССМ) за декември годинава изнесува 65.492 денари...
Пратеникот Јанчев кој имаше сообраќајка во која загина тинејџер доби обвинение, свртел на место каде не смеел
Основното јавно обвинителство Скопје поднесе обвинение против Сашко Јанчев, пратеник од партијата Левица, за кривично дело „Тешки дела против безбедноста...
Скопје руши рекорди по загаденост, утрово е втор град во Европа
Според светскиот сервис IqAir Скопје утрово е на 20 место во светот, а второ во Европа по загаден воздух. Доколку...
Дедо Мраз од Лапонија ќе дојде со волшебен воз на Железничка во Скопје
Специјална новогодишна театарска претстава за деца „Дедо Мраз дојде со воз“ ќе се одржува од денеска 30 декември на Железничката...
Затаен данок од над еден милион евра од трговија со злато и накит, истрага против две лица
Основното јавно обвинителство Скопје отвори истрага против две лица за кои постои основано сомнение дека подолг временски период вршеле кривично...
Алиу: Дефиниравме нови програми за специјализации – темелно го менуваме пристапот за креирање медицински кадар
На денешната прес-конференција на министерот за здравство Азир Алиу, заедно со претседателката на Лекарската комора, Калина Гривчева-Старделова, деканот на Медицинскиот...
Уапсени 11 лица за местење тендер вреден над 7,6 милиони евра во „ЕСМ дистрибуција на топлина“
Завчера во текот на ноќта помеѓу 17 и 18 декември и вчера, под раководство на јавен обвинител, полициски службеници спроведоа...
Левицата бара независна истрага за смртта на новороденчето и одговорност од директорката и од педијатарката во ГАК
Левица бара Обвинителството да отвори истрага за смртта на новороденчето на Клиниката за гинекологија и акушерство и одговорност од директорката...
(Видео) Тошковски: Интервентната полиција – шест години посветена служба во заштита на граѓаните
По повод шест години од формирањето на Единицата за интервентна полиција при СВР Скопје, денеска беше одбележан Денот на единицата,...
Андоновски: Македонија рангирана во А-групата за дигитален напредок според Светската банка
На конференцијата „Трансформирање на иднината: дигитална стратегија за современо општество“, посветена на промоцијата на Националната стратегија за развој на ИКТ...
Измените на Кривичниот законик се само уште едно крпење на правниот систем, велат од ЛДП
Либерално-демократската партија (ЛДП) изразува сериозна загриженост и негодување во однос на најновите предлог-измени на Кривичниот законик кои се најдоа пред...
