Uncategorized
Рајс:Во случајот „Ел Масри“ САД делуваа одговорно
Американскиот државен секретар Кондолиза Рајс изјави дека САД делувале одговорно во случајот со германскиот државјанин Калед Ел Масри.
Американскиот државен секретар Кондолиза Рајс изјави дека САД делувале одговорно во случајот со германскиот државјанин Калед Ел Масри.
„Направивме се што е можно да постапуваме во согласност со околностите, да дејствуваме одговорно и ќе продолжиме да дејствуваме одговорно“, рече Рајс за западните агенции.
Ел Масри пред судот побара американската влада да му се извини и да му објасни што се случувало.
Калед Ел Масри, според неговите зборови, бил киднапиран на 31 декември 2003 година при обид да влезе во Македонија, каде што планирал да ги помине новогодишните празници.
Ел Масри тврди дека 23 дена бил испрашуван во некој хотел, по што припадници на ЦИА со авион го превезле во Кабул, каде што во период од четири месеци во неколку наврати бил измачуван.
/крај/фонет/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Девојка избоде три лица во Софија, психијатриските клиники одбиваат да ја примат
Дваесет и двегодишна жена денеска избоде тројца мажи во парк во Софија, а еден од нив е во тешка состојба, јавија бугарските медиуми.
Девојката наводно е уапсена во меѓувреме.
Очевидци тврдат дека девојка со голем нож нападнала тројца минувачи во парк, пренесува бугарскиот портал „Новини“ додавајќи дека насекаде имало многу крв.
Наводно, мајката ѝ рекла на полицијата дека ќерка ѝ одбива да ги зема лековите што ѝ биле препишани и дека нејзината состојба нагло се влошила последните денови.
„БНТ њуз“ пренесува дека сите психијатриски клиники во моментот одбиваат да ја примат 22-годишната девојка поради недостиг на простор.
Uncategorized
Намалена видливост поради магла од 50 до 100 м во Битола, Прилеп, Гостивар, Штип и во Струмица
Намалена видливост поради магла од 50 до 100 м има во Битола, Прилеп, Гостивар, Штип и Струмица, соопштуваат од АМСМ.
„Сообраќајот на државните патишта се одвива во зимски услови, по наместа влажни коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево“, посочуваат од АМСМ.
Uncategorized
Северина објави нови фотографии од Малдивите, позира во костим за капење
Северина објави нови фотографии на Инстаграм од плажа на Малдивите каде што отпатува неодамна.
Таа позира во костим на капење, а покрај фотографиите, ги напиша стиховите од песната „Аритмија“ која ја сними со босанските рапери.
Таа претходно позираше во розов лелеав долг фустан од Макс Мара, чија цена на веб-страницата е околу 2.800 евра.