Регион
На Косово уапсени тројца џихaдисти
Најмалку тројца џихадисти од Косово во петокот наутро се уапсени во Митровица под сомневање дека планирале напад на база на КФОР.
Косовските медиуми јавија дека станува збор за тројца ветерани кои учествувале во борбите во Сирија и Ирак на страна на терористичките организации Ал Нустра, Џабхату и ИСИС. Истите извори наведуваат дека КФОР видно ги има зајакнато мерките на безбедност, контролите и активностите на Косово. И косовската полиција, исто така, има нагласени активности против оние кои има сомнежи дека се поврзани со терористички организации.
Пред извесно време беа притворени и 10 имами кои се обвинети за ширење на верска омраза и регрутирање на џихадисти.
Во Косово, според новиот кривичен закон, за дела на поттикнување на тероризам и за борење на косовски државјани во други војски, казната е од пет до 10 години.крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.
Регион
Лоцирани се остатоците од авионот што се урна во близина на Загреб
Лоцирани се остатоците од авионот што се урна попладнево во близина на Загреб. Неофицијално се дознава дека три лица преживеале, додека едно лице починало, јавува 24сата.
„Денеска во 15 часот и 51 минути е добиена дојава за пад на мал спортски авион во шумата јужно од Керестинац. Полициски службеници излегоа на терен, се укажува помош на повредените, местото на настанот е обезбедено“, соопштија од полицијата.
Авион од типот „Цесна“ кој се користел за скокови со падобран, се урна попладнево во близина на Загреб. Според неофицијални информации, во него имало четворица членови на екипажот.
Најверојатно се работи за спортски, тренинг или туристички авион кој се урнал во недалеку од пистата во загрепската населба Јеждовец.
Регион
Авион се урна во близина на Загреб
Авион со четворица членови на екипажот се урна попладнево во близина на Загреб, пренесуваат дел од регионалните медиуми. Најверојатно се работи за спортски, тренинг или туристички авион кој се урнал во Јеждовац.
Лансирани се дронови кои се обидуваат да го лоцираат авионот и да стигнат до местото на несреќата.
Таму се упатени возила на брзата помош, како и екипи на противпожарната единица.