Регион
Вучиќ: Разликата помеѓу Србија и Албанија е ставот за Косово
Српскиот премиер Александар Вучиќ, кој од средата е во дводневна посета на Тирана, по средбата со неговиот албански колега Еди Рама изјавил дека разликата помеѓу Србија и Албанија е ставот за Косово, пренесува Б92.
Претходно Рама изјави дека Србија и Албанија имаат различни ставови „за некои работи“, но дека заеднички го поддржуваат мирот во регионот.
„Не разговараме само за дипломатијата, разговаравме и за развојот на туризмот и како да ги мотивираме граѓаните на Србија да дојдат во Тирана и обратно. На добар пат сме, мораме да работиме на тоа. Факт е дека не сме согласни по прашањето за Косово. Србија го третира Косово како свој составен дел, додека Албанија го третира Косово како независна држава. Размислуваме различно, говориме различно, но проблемите не се решаваат преку војна, туку преку дијалог“, рекол Вучиќ, истакнувајќи дека е горд поради тоа што е првиот српски премиер кој дошол во официјална посета на Тирана.
„Дојдов тука во името на граѓаните на Србија“, порачал српскиот премиер, додавајќи дека Србија и Албанија имаат доста добри односи, подобри од кога и да е, со надеж дека во иднина ќе бидат уште подобри.
„Со Рама се состанав неколку пати ширум светот и секогаш сме разговарале отворено, дури и кога не сме се разбирале. Уверен сум дека нашите односи се значајни за западен Балкан“, навел српскиот премиер.
Домаќинот на посетата пак, албанскиот премиер Еди Рама порача дека двете земји се клучни за мирот во регионот, односно дека „фактот што двете земји имаат различни ставови околу некои работи не значи дека тие не се свесни оти играат значајна улога во зачувувањето на мирот“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Србите објавија детали за дочекот на кинескиот претседател во Белград: „Вучиќ ќе му служи српски вина“
Претседателот на Кина, утре пристигнува во дводневна посета на Белград, а во тек се последните подготовки за неговото пристигнување.
Тој ќе биде придружуван од делегација од 400 луѓе, а ќе го обезбедуваат 3.400 полицајци.
„Блиц“ го објави планот за неговиот пречек.
Кси на аеродромот ќе биде пречекан со свечена церемонија и фолклор. Покрај патот во Белград ќе бидат поставени кинеско-српски знамиња, а на надвозниците ќе бидат испишани пораки.
Свечен дочек ќе биде организиран и пред Палатата Србија. Српскиот и кинескиот претседател ќе потпишат триесетина договори.
За време на ручекот ќе се служат српски јадења и вина, а претседателот Вучиќ лично ќе служи Џинпинг со српски вина, од пенливи до десертни вина, од кои повеќето се автохтони српски сорти.
Девојка од Србија ќе ја отпее песната „Татковино и јас“ на кинески, додека хорот „Чаролије“ ќе ја изведе песната „Прекрасен јасмин цвет“, исто така на кинески. .
Програмата ќе заврши со песната „Ова е Србија“, објави српскиот портал.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.