Контакт

Daily news

Нападот во Идлиб како увертира во тотална војна во Сирија

Објавено пред

 

dobivaj vesti na viber

Нападот со хемиско оружје во сириската провинција Идлиб, во кој според последните податоци загинаа над 100, а поврeдени се стотици лица експресно ја врати сириската војна во центарот на светското интересирање и драматично ги зголеми шансите за нејзина тотална ескалација со крајно непредвидливи последици.

 

Имено, веднаш откако светските агенции, повикувајќи се на локални извори, ја објавија веста за нападот, пропратена со ужасните фотографии и видео материјали на убиени деца со пена на устата, западните земји обвинувачкиот прст го насочија кон владата на претседателот Башар Ал Асад, заканувајќи му се дека ќе биде суден за воени злосторства но и дека наскоро би можеле да преземат конкретни воени дејства против силите под негова команда.

 

Притоа особено важна е промената на ставот кај новата американска администрација која под водство на претседателот Доналд Трамп се чинеше дека се уште ги утврдува позициите кон сириската трагедија, не само во контекст на нејзината локална содржина туку и во нејзините глобални импликации. Иако пред само неколку дена портпаролот на Белата куќа Шон Спајсер изјави дека мора да се прифати политичката реалност дека иднината на Башар ал Асад зависи од сирискиот народ, а дека приоритет за САД е уништувањето на Исламска држава, нападот во Идлиб од корен ја измени американската позиција.

 

Веднаш по објавата дека се работи за напад со хемиски супстанци, дури и без да биде спроведена каква било истрага околу одговорноста, лично претседателот Трамп одржа говор во кој рече дека „грозниот напад е дело на Башар ал Асад кој ги премина сите црвени линии и ме натера драстично да го променам мојот став кон Сирија“, предупредувајќи дека ваквите случаи цивилизираниот свет повеќе нема да ги толерира.

 

Иако не до крај прецизно, Трамп најави дека САД се подготвени да преземат воена акција против владините сили во Сирија и не пропушти да порача дека огромна вина за се што се случува има претходната администрација на Барак Обама која покажала слабост и недолучност во дејствувањето. Државниот секретар Рекс Тилерсон пак, од своја страна рече дека режимот во Дамаск „го покажал своето варварство“ и ги повика главните поддржувачи на Асад, Русија и Иран, да немаат никакви илузии во врска со неговите натамошни намери.

 

На фонот на конфронтација со сириската влада, по мала драмска пауза, повторно се вратија и Велика Британија и Франција. Британскиот шеф на дипломатијата Борис Џонсон изјави дека не може да замисли еден варварски режим каков што е оној на Асад да може да остане на власт по завршувањето на војната, додека неговиот француски колега Жан Марк Еро порача дека „доаѓа денот кога меѓународната правда ќе му пресуди на сирискиот претседател Башар ал Асад кој го масакрира сопствениот народ“. Токму Франција, Британија и САД предложија резолуција во Советот за безбедност во врска со хемискиот напад во Идлиб во која директно се обвинува владината армија за злосторството и се бараат жестоки санкции кои би се примениле веднаш.

 

Русија меѓутоа, очекувано зазеде дијаметрално спротивен став. Најпрвин руската армија соопшти дека трагедијата во Идлиб се случила по вина на екстремистите во чии раце се наоѓа оваа сириска провинција. Имено, според руските информации, сириското воено воздухопловство извршило напад врз фабрика во која терористите произведувале и складирале хемиски отрови, а потоа експлозијата ги активирала овие супстанци предизвикувајќи смрт на голем број лица. Постојаното претставништво на Руската Федерација при ОН соопшти дека Москва во Советот за безбедност на ОН предложила сопствена резолуција во врска со нападот во Идлиб, бидејќи смета дека резолуцијата на другите земји постојани членки на Советот за безбедност е предложена без да се спроведе независна меѓународна истрага за да се утврди што точно се случило.

 

Ние предложивме свој краток нацрт, насочен кон реална истрага а не кон именување на виновници како веќе фактите да се востановени, изјави прес-секретарот на постојаното претставништво на Русија при ОН, Фјодор Стржижовски. Истовремено руски претставници соопштија дека Русија е подготвена да стави вето на резолуцијата за Идлиб предложена од Франција, САД и Велика Британија доколку истата биде ставена на гласање без претходни консултации.

 

Претходно, рускиот и американскиот амбасадор при ОН разменија нови тешки обвинувања околу одговорноста за она што се случува во Сирија. Американскиот амбасадор Ники Хејли покажуваше фотографии на децата убиени во хемискиот напад и прашуваше уште колку други деца треба да загинат за на Русија конечно да и стане грижа за она што се случува таму. Меѓутоа рускиот претставник Владимир Сафронков изјави дека токму американските закани со преминување на црвени линии ги иницирале нападите со хемиско оружје од страна на сириските терористи, кои потоа ги обвинуваат сириските власти за да предизвикаат соодветна реакција од западните земји.

 

Од сето горе наведено независниот посматарач би можел да извлече неколку соодветни заклучоци. Прво, факт е дека напад се случил и речиси е извесно (тоа впрочем го потврди и СЗО) дека се работи за злосторство извршено со хемиски отрови. Второ, без независна и транспарентна меѓународна истрага не би смеело да се „гарантира“ дека виновник е овој или оној, бидејќи сирискиот конфликт е страшен калабалак од спротиставени страни, воени структури со и без контрола, комплицирани политички замешателства, комбинации од најразлични интереси и геостратеши судир во кој не се бираат средства за да се дојде до привремена или конечна победа.

 

Трето, доколку заканата со воена интервенција од страна на САД, која според некои најави би можела да се случи и без поддршка од ОН, навистина се оствари дали тоа ќе значи влегување во отворен судир со Русија и Иран? Како што е познато и двете земји се длабоко заплеткани во сириската војна. Токму руските авиони и специјални инструктури, како и елитната Иранска републиканска гарда се главната причина за евидентните успеси на Сириската армија во последно време на речиси сите боишта во земјата, а Русија инсталираше најнапредни ракетни системи во провинцијата Латакија, но и во Хомс и Дамаск токму за да спречи некаков обид на други земји да извршат напади во кои би биле загрозени нејзините сили на сириско тло, но сосем извесно и за да ги заштитат своите сојузници.

 

Што ќе се случи на пример, ако американската воена авијација вршејќи удари врз сириските, погоди и руски инсталации и ако загинат руски војници во еден таков напад? Што ќе се случи доколку руските системи урнат американски авиони или хеликоптери? Не е тешко да се заклучи дека во такви околности оваа прокси војна на двете супер сили би дошла до точка од која нема враќање а потоа господ нека му е на помош на светот бидејќи нема да биде онаков каков што го познаваме. Иако оваа опција е во доменот на малку веројатното, сепак не е само научна фантастика бидејќи човечката глупост, алчност или кусогледост многупати покажаа дека не познаваат граници а политичките лидери често и предничат во овие категории.

 

Но и ако сосем ја исклучиме варијанта за директен судир на Русија и САД, најавеното вмешување на американскара војска, (која досега се ограничува само на удари врз Исламска држава и помош за Курдите) без сомнение ќе предизвика дополнителни и трауматични компликации во и онака девастираната земја, која за шест години војна од некогаш пристојна и донекаде напредна земја е претворена во синоним за разурнувања, смрт и тага. А не заслужува. Ни Сирија ни нејзините деца, од било која страна на барикадите./крај/мф/дм

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Награда за „Бизнисот на задоволството“ на фестивалот во САД, кој ги откри Спилберг и Џорџ Лукас

Објавено пред

Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.

dobivaj vesti na viber

Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.

„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.

Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.

Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.

Снимен е со поддршка на Агенцијата за филм.

Прикажи повеќе...

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Најново

Македонија3 часа

Седумгодишно дете и уште три лице се изгубија на патот од Кожле кон Велес

Четири лица планинарејќи го згрешиле патот и залутале на стрмно опасно место за понатамошно нивно движење. Меѓу лицата има едно...

Македонија7 часа

Смрдеа затвори дел од салите за операции во комплексот клиники „Мајка Тереза“

Претставник на Министерството за здравство бил сослушан во скопското Обивнителство, а по него според неофицијални информации следуваат директорите на хирушките...

Топ8 часа

При контрола на угостителски објекти за дрога се приведени девет лица

Полициските службеници од Единицата за недозволена трговија при СВР Скопје вчера по план на СВР Скопје ивршија контрола во повеќе...

Регион10 часа

Ден посветен на Данка Илиќ: Центарот за исчезнати и малтретирани деца празникот го посвети на девојчето од Бор

Центарот за исчезнати и малтретирани деца денеска, Меѓународниот ден на исчезнатите деца, го посвети на двегодишната Данка Илиќ од Бор,...

Македонија13 часа

Ангелов бара пешачки премин или изградба на кружен тек на булеварот Србија кај трговскиот центар Џевахир (ВИДЕО)

Граѓаните на скопската населба Аеродром Центарот имаат потреби кои беа упатени до Центарот за убправување со кризи (ЦУК), а кои...

Македонија17 часа

Поради реконструкција, без вода жителите на Водно, Козле, Клиничкиот центар, а во Сарај ќе има намалување на притисокот на водоснабдување

Од ЈП Водовод и Канализација известуваат за пуштање на употреба на нова водоводна мрежа во реоните Сарај и Центар. ЈП...

Македонија1 ден

Безбедно пронајдени и евакуирани граѓани од височините на Осоговските планини

Денеска, во 16.15 часот од лицето за контакт од Доброволнота спасувачка служба „Осогово“ Кочани, ЦУК добил известување дека неколку лица...

Македонија1 ден

Сиљановска Давкова со италијанскиот претседател Матарела: побарани гаранции за европските интеграции

Претседателката Гордана Сиљановска Давкова во рамки на посетата на Италијанската Република денеска оствари средба со италијанскиот претседател Серџо Матарела. На...

Свет1 ден

Путин: Русија ќе разговара за мирот во Украина само со легитимните лидери во Киев

Рускиот претседател Владимир Путин денеска изјави дека мировните преговори во Украина мора да се обноват, но дека Москва ќе соработува...

Свет1 ден

Судот во Хаг му нареди на Израел да ја прекине офанзивата на Рафах

Меѓународниот кривичен суд во Хаг денеска одлучи дека Израел мора веднаш да ја прекине воената офанзива и другите дејствија во...

Македонија1 ден

Ахмети: Да работиме заедно за правилно образование на генерациите, во духот на меѓусебното почитување

Претседателот на ДУИ, Али Ахмети со објава на својата Фејсбук страница го честиташе 24 мај – Денот на светите браќа...

Македонија1 ден

Мицкоски: За скоро време ќе имаме нова влада, следува ново поглавје со работа, одговорност и резултати

Првенствено ќе се посветам на она што најмногу го засега секој еден човек, а тоа е потребата за подобар живот...

Македонија1 ден

Левица: Аманет да си го браниме јазикот од сите напади, денес ги има повеќе од било кога

Значајни за Македонија, но и за останатите словенски народи, Кирил и Методиј, основоположниците на словенската писменост имале единствена мисија: да...

Топ2 дена

Загина 76-годишен маж: со тракторот се превртел на патот во Кочанско

Вчера во 13.29 часот во СВР Штип било пријавено дека на локалниот пат с.Зрновци–с.Мородвис, кочанско, на коловозот се превртел трактор...

Европа2 дена

Орбан: Во Брисел во тек се подготовки за влез на Европа во војна

Унгарскиот премиер Виктор Орбан денеска изјави дека во Брисел се водат подготовки за влез на Европа во војната и додаде...

Македонија2 дена

Сиљановска Давкова по повод Денот на сесловенските просветители светите браќа Кирил и Методиј: Тие се наш патоказ за иднината

Претседателката Гордана Сиљановска Давкова упати честитка по повод 24 Мај, Денот на сесловенските просветители светите браќа Кирил и Методиј. „Од...

Регион2 дена

Претседателката на Косово: Негирањето на геноцидот нема да го отвори патот за мир

Косовската претседателка Вјоса Османи на X се осврна на усвојувањето на резолуцијата за геноцидот во Сребреница. Османи вели дека со...

Свет2 дена

Дали имало траги од куршуми на хеликоптерот? Објавен е прелиминарен извештај за падот на авионот на иранскиот претседател

Трупот на хеликоптерот на починатиот претседател на Иран, Ебрахим Раиси, се запалил откако удрил во рид, се наведува во прелиминарниот...

Свет2 дена

САД воведува визни ограничувања за Грузијците: „Вреди за оние кои ја гушат демократијата“

Соединетите Американски Држави денеска објавија нова политика на визни ограничувања за жителите на јужнокавкаската република Грузија, откако тамошната влада го...

Европа2 дена

Пукање во Истанбул: расправија во кафуле прераснала во вооружен судир, има убиени и повредени

ТРИ лица загинаа, а пет се повредени, од кои две потешко, во пукотница што се случи синоќа во кафуле во...