Црна хроника
Во одделни кражби украдени 18.000 евра и пиштоли
Три тешки кражби биле извршени во неделата во Скопје, Битола и во Штип, при што крадците однеле 18.000 евра, македонски и австрлиски пасоши, два пиштола, златен накит, лап топ, часовници и бижутерија.
Имено, во неделата од 18 до 21 часот во Битола на ул. „Довлеџик“, во куќата сопственост на Д.К. (49), непознат сторител извршил тешка кражба. Сторителот насилно ја отворил помошната влезна врата, влегол внатре и по извршено пребарување одзел 18.000евра, четири македонски патни исправи, четири австралиски патни исправи, четири рачни часовници, златен накит, женски чанти, мобилен телефон и лап-топ компјутер, по што го напуштил местото на настанот.
Во Штип пак, на ул.„Широк Дол“, во станот на Д.М. (47), непознат сторител извршил тешка кражба. Сторителот се качил на гаражата, која е прилепена до зградата, насилно го отворил прозорот од кујната, влегол внатре, извршил пребарување и одзел еден пиштол марка „Чешка Зброевка“ калибар 9мм, телевизор и разновидна бижутерија. Од станот сторителот се упатил во подрумската просторија, во која насилно ја отворил на влезната врата, извршил пребарување и одзел разновиден алат, по што побегнал во непознат правец.
Б.Б. (55) од населба Илинден-Скопје пријавил дека во периодот од 18.40 часот во саботата до 00.30 часот во неделата година непознат сторител извршил тешка кражба во неговата куќа. Сторителот преку незаклучената капија влегол во дворот, ги одвртел сијалиците кои биле вклучени на предниот дел од куќата и со употреба на погоден алат ја разбил влезната врата, влегол внатре и по извршено пребарување одзел пиштол „Црвена Застава“, 33 куршуми за пиштол калибар 9мм и разновиден златен накит, по што го напуштил местото на настанот.
Се преземаат мерки за пронаоѓање на сторителите и за целосно расчистување на случаите./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Скопјанец нападнал лекар во Градска болница, оштетил биро и компјутер

МВР информира дека рано утринава во 03.00 часот, полициски службеници од Полициската станица Центар го лишиле од слобода А.К.(27) од Скопје затоа што околу 01.10 часот во Градската општа болница „Св.Наум Охридски“ се обидел физички да нападне лекар кој бил на работното место, а оштетил едно работо биро и компјутер.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Скопјанец нападнал вработен во казино во Аеродром

Денеска во 04.20 часот во Скопје, полициски службеници од Полициската станица Аеродром го привеле Д.С.(31) од Скопје затоа што околу 03.17 часот во казино на подрачје на Аеродром физички нападнал вработен како обезбедување.
Лицето било приведено во полициска станица и по целосно документирање на случајот, против него ќе биде поднесена соодветна пријава.
Црна хроника
Акциска контрола, констатирани 75 сообраќајни прекршоци на територијата на Македонија

Во текот на денешниот ден, во периодот од 06 до 10 часот, Министерството за внатрешни работи спроведе засилена акциска контрола на територијата на Република Северна Македонија, со цел зголемување на безбедноста на учениците односно нивниот транспорт до училиштето и назад.
При акциската контрола констатирани се 75 прекршоци по Закон за безбедност на сообраќајот на патиштата (19 на подрачје на СВР Штип, 14 СВР Велес, 10 СВР Битола, по 9 на подрачје на СВР Струмица и Куманово, 7 СВР Охрид, 4 СВР Тетово и 3 СВР Скопје) и 9 прекршоци од Законот за возила (5 на подрачје на СВР Тетово и по 1 на подрачје на Секторите за внатрешни работи Скопје, Битола, Штип и Куманово). За време на акциските контроли извршени се проверки на 52 возила кои вршат јавен превоз, а презмени се и други активности. По извршените проверки, 37 возила се упатени на вонреден технички преглед, додека 13 возила се исклучени од сообраќај.