Во скопската полиција било пријавено дека вчера во утринските часови, на подрачјето на Бит Пазар, во автобус на ЈСП, биле натепани двајца контролори.

Според пријавата, додека Ф.Б.(37) и неговиот колега Х.М.(35), вршеле контрола на возните билети, биле физички нападнати од три лица, при што бил употребен и тврд предмет.

Полицијата работи на расчистување на случајот.

Синоќа, околу 23 часот, полициски службеници од СВР Скопје го лишиле од слобода 30-годишниот турски државјанин М.Е.Е, со привремен престој во Скопје, поради сомнение дека со огнено оружје пукал кон свој сонародник.

Како што информираат од МВР, околу 22 часот, пред угостителски објект на улицата „Казанџиска“, М.Е.Е. пукал од огнено оружје и му нанел повреди на С.Б. од Република Турција.

Триесетгодишникот бил приведен и задржан во полициска станица и по целосно документирање на случајот против него ќе биде поднесена соодветна пријава.

Триесет и тригодишна жена се здоби со тешки повреди во сообраќајна несреќа што се случи синоќа кај булеварот Свети Климент Охридски во Скопје.

„Патничко возило ‘мерцедес’, со скопски регистарски ознаки, управувано од В.И.(26) од Скопје, удрило во пешакот С.З.(33) од Скопје. Во незгодата С.З. се здобила со тешки телсени повреди, констатирани во Комплексот клиники ‘Мајка Тереза’“, соопшти МВР.

Извршен бил увид на местото на незгодата.