На 28 февруари 2026 година во 14:42 часот во СВР Битола било пријавено дека на крстосницата меѓу улиците „Македонски Гемиџии“ и „Индустриска“ во Битола се случила сообраќајна несреќа меѓу товарно возило мерцедес со битолски регистарски ознаки и мотоцикл лонгиа, исто така со битолски ознаки.

Товарното возило го управувал З.В. (42) од Битола, додека мотоциклот го управувал 17-годишник од Битола.

Во несреќата мотоциклистот се здобил со тешки телесни повреди, констатирани во Клиничка болница Битола.

Увид на местото на настанот извршила увидна екипа на СВР Битола.

На 1 март 2026 година во 06:15 часот во Велес, полициски службеници од СВР Велес го лишиле од слобода А.Р. (35) од Велес, поради основи на сомнение дека на две различни локации во градот извршил кривично дело „тешка кражба“.

Според информациите од полицијата, одземените предмети биле пронајдени и вратени на сопствениците.

Осомничениот бил приведен во полициска станица, за случајот бил известен јавен обвинител, а по целосно документирање на настанот против него ќе биде поднесена соодветна пријава.

Во село Боговиње, вќера полициски службеници од СВР Тетово го лишиле од слобода Ј.М. (23) од истото село, постапувајќи по претходна пријава за физички напад.

Според пријавата поднесена од А.Т. (18) од Боговиње, инцидентот се случил пред колонијал во селото, при што осомничениот физички го нападнал и употребил остар предмет.

По целосно документирање на настанот, против Ј.М. ќе следува соодветна пријава.