Црна хроника
Еден застрелан и физички напади во Скопје
На подрачјето на Скопје во петокот се пријавени два случаи на физички напади, врз малолетник и врз универзитетски професор, а ноќта кон саботата е ранет еден маж, се наведува во саботниот билтенот на министерство за внатрешни работи.
На улицата „Димитрија Чуповски“ во Скопје, изминатата ноќ околу 1,40 часот е пријавено дека се слушнале истрели. Полициските службеници евидентирале дека дека 42-годишниот идентификуван како С.Ф. и 39-годишниот Е.М., и двајцата од Скопје, имале вербална расправија којашто подоцна прераснала во физичка пресметка. Потоа С.Ф. извадил пиштол и испукал два куршума кон противникот, кој инаку бил брат на неговата сопруга.
На повредениот му била укажана медицинска помош во Ургентен Центар Скопје и од страна на лекар била констатирана тешка телесна повреда, и тоа прострелна рана во пределот на десната дланка и повреда во пределот на стомакот по што бил пуштен на домашно лекување.
Со осомничениот ќе биде извршен разговор и по целосното расчистување и документирање на случајот ќе следи соодветен поднесок.
Две непознати лица во петокот попладнето, исто така, во централното подрачје на Скопје физички нападнале малолетник удирајќи го со тупаници. МВР соопшти дека вчера во 17,50 часот во Скопје, на булеварот „Партизански Одреди“ на автобуска постојка две непознати лица физички нападнале 16-годишен малолетник удирајќи го со тупаници и се обиделе да му го одземат мобилниот телефон, а откако не успеале избегале.
Се преземаат мерки за откривање и пронаоѓање на сторителите како и целосно расчистување на случајот.
Во петокот е скопската полиција добила пријава дека во во просториите на правниот факултет „Јустинијан Први“ при Универзитет „Свети Кирил и Методиј“, од страна на непознато лице бил извршен физички напад врз 60-годишниот професор кого го полицијата го идентификува, според вообичаената практика, со иницијалите Љ.Ф. (60).
СВР Скопје извести во саботата дека се работи на целосно расчистување на случајот, без наведување поединости од овој инцидент./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен скопјанец по напад во казино и семејно насилство
Вчера околу 21:40 часот, полицијата го приведе 35-годишниот Т.Ј. од Скопје, на подрачјето на општина Аеродром.
Приведувањето следело по претходна пријава дека околу 21:30 часот, во и пред казино, заедно со уште едно лице физички го нападнал 53-годишниот Д.М. од Струмица, со престој во Скопје. По нападот, Т.Ј. се однесувал агресивно и кон полициските службеници кои извршувале службени дејствија.
Дополнително, неговата 29-годишна сопруга пријавила дека тој физички ја нападнал и во семејниот дом. По целосно документирање на случајот, против него ќе биде поднесен соодветен поднесок.
Црна хроника
Приведен велешанец поради напад во здравствена установа – ја заклучил во канцеларија, кршел, се заканувал
На 27 октомври 2025 година, околу 15:30 часот, полициски службеници од СВР Велес го приведоа 31-годишниот М.П. од овој град, по претходна пријава од 55-годишна велешанка.
Според пријавата, на своето работно место во здравствена установа во Велес, осомничениот ја заклучил жената во една од просториите, кршел предмети, физички ја нападнал, ѝ се заканувал со остар предмет, па ја испрскал во очите со средство за чистење.
Тој е задржан во полициска станица, а за случајот е известен јавен обвинител. По целосно документирање на настанот, против него ќе биде поднесена соодветна пријава.
Црна хроника
91-годишна жена тешко повредена во сообраќаја несреќа
Во полицијата е пријавено дека на магистралниот пат Кичево-Гостивар, патничко возило „фиат“ со скопски регистарски ознаки, управувано од Д.С.(63) од Скопје, излетало надвор од коловозот.
Во несреќата со тешки телесни повреди се здобила неговата сопатничка Д.С.(91) од Скопје, констатирани во Медицинскиот центар во Гостивар.
Извршен бил увид.

