Црна хроника
Еден мотоциклист е тешко повреден, а другиот што учествувал во сообраќајката побегнал

Вчера во 5.25 часот во Полициската станица – Прилеп било пријавено дека на булеварот „Гоце Делчев“ се случила сообраќајна несреќа помеѓу мопед со прилепски регистарски ознаки, управуван од П.С., на возраст од 49 години од овој град и друг мотоцикл, кој по несреќата го напуштил местото.
Во несреќата, возачот на мопедот се здобил со тешки телесни повреди, додека неговиот 50-годишен сопатник М.Т. од прилепското село Мало Коњари, се здобил со телесни повреди, констатирани во прилепската Градска болница.
Извршен бил увид од увидна екипа на ОВР – Прилеп и се работи на расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Бегалец од затворот во Охрид уапсен во Куманово

Ноќеска во 01:30 часот во Куманово, полициски службеници од СВР Куманово го лишија од слобода 20-годишниот З.М. од Струга, кој бил баран по централна потерница врз основа на судска наредба поради бегство од затвор.
Тој бил осуден на една година и 10 месеци за сторено кривично дело „тешка кражба“ по член 236 од Кривичниот законик, а имал за доиздржување една година од казната.
Лицето е спроведено во Казнено – поправната установа Затвор Охрид за доиздржување на казната.
Топ
Едно лице избодено со нож пред стоковна куќа „Мост“ во Скопје, напаѓачот е уапсен

Едно лице е избодено со нож пред поранешната стоковна куќа „Мост“ во Скопје, а полицијата го уапси напаѓачот.
Според информациите на МВР, вчера вечер во 22:05 часот на плоштад „Скендербег“ во Скопје, полициски службеници го лишија од слобода Д.С.(23) од Скопје.
Тој се сомничи дека непосредно пред тоа во близина на Соборен храм „Свети Климент Охридски“ и на бул.„Гоце Делчев“ под Стоковната куќа „Мост“ физички го нападнал Т.К.(33) од с.Долно Соње, општина Сопиште, при што употребил нож и му нанел убодни рани.
Ножот бил пронајден и одземен, а лицето е задржано во полициска станица. По целосно документирање на случајот, во координација со јавен обвинител, против него ќе биде поднесена соодветна пријава.
Црна хроника
(Видео) Уапсен скопјанец, пронајдена е дрога во неговиот дом

На 7 октомври, од страна на полициски службеници од Единицата за недозволена трговија со дрога при СВР Скопје извршен е претрес на дом и други простории кај М.Ј (40) од Скопје.
При претресот пронајдени се две полиетиленски кесички со амфетамин, пет шишиња со течен амфетамин и компоненти за производство на амфетамин, дигитална вага со траги од кокаин и други прекурсори за производство на амфетамин.
Лицето е лишено од слобода и по документирање на случајот ќе биде поднесена Кривична пријава.