Црна хроника
Едно лице загина во сообраќајна незгода на автопатот Велес-Куманово
Четириесет и двегодишен маж од селото Дабиле, Струмичко, почина вчера по сообраќајна несреќа на автопатот Велес-Куманово кај исклучувањето за аеродромот „Скопје“.
МВР соопшти дека сообраќајната незгода се случила помеѓу патничко возило „форд мондео“ со скопски регистарски ознаки, управувано од А.К. (50) од Скопје, и патничко возило „опел астра“ со струмички регистарски ознаки, управувано од В.К. (42) од село Дабиле, Струмичко, по што В.К. со возило на итната медицинска помош бил пренесен во комплексот клиники „Мајка Тереза“, каде што починал.
Тешки телесни повреди добиле и сопатниците во возилото „опел астра“, А.А. (43) од с. Вељуса, Струмичко, и 11-годишно дете од с. Дабиле, Струмичко. Со возило на итната медицинска помош тие биле пренесени во болниците „8 Септември“ и „Св. Наум Охридски“. Извршен е увид на местото на настанот. По наредба на јавен обвинител, врз телото на починатиот ќе се врши обдукција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.